Johan 1:37 - Tedim Bible

³⁷ A nungzui tegel in hih a kampauna za uh ahih manin Jesuh a zui pah uh hi.

Tedim Bible Revision 2017

³⁷ A nungzui tegel in hih a kampauna za uh ahih manin Jesu a zui pah uh hi.

Johan 1:37 Iomraidhean Croise

Paunak 15:23

A hun mahin dawnpah theihna lungkimhuai a, a kilawm kammal tawh dawnpah theihna hoihzaw kan hi.

Zekhariah 8:21

Khuapi khat-a om mite in khuapi dang a om mite kiangah, ‘Vanglian Topa bia-in ama tung panin thupha ka ngen ding uh hi. Hong zui un,’ ci ding uh hi.

Johan 1:36

amaute gei-ah Jesuh hong pai a muh ciangin Johan in limtakin enin, “Hih lai-ah Pasian’ Tuuno hong pai hi,” a ci hi.

Johan 1:38

Jesuh kihei a, amau tegel in a zuihlam a muh ciangin, “Bang zong na hi uh hiam?” ci-in a dong hi. Amaute in, “Sia aw, koi lai-ah om na hi hiam?” ci-in a dawng uh hi.

Johan 1:43

A zing ciangin Jesuh in Galilee gamah pai ding ngaihsun hi. Filip tawh kituak a, ama kiangah, “Hong zui in,” a ci hi.

ROM (Romans) 10:17

Tua ahih ciangin zakna panin upna hong piangthei a, Khrih thu up nading pen hilhna panin hong piangthei pan hi.

Efesa 4:29

Na kiho uh ciangin kamguh zang kei unla, na pauna uh a za mite in phattuamna a ngahtheih nadingin na-in a kimang kam hoihte bek na pau un.

Mangmuhna 22:17

Kha Siangtho le Mothak in Jesuh kiangah, “Hong pai in,” a ci uh hi. Hih thu a za mi khempeuh in zong Jesuh aw, “Hong pai in,” ci ta uh hen. A dangtak mi khempeuh hong pai uh hen la, a deih khempeuh in nuntakna tui a khongin hong la ta uh hen.