Johan 1:29 - Tedim Bible

²⁹ A zing ciangin Johan in ama kiangah Jesuh hong pai a muh ciangin, “En un, leitung mawhna a lakhia Pasian’ Tuuno hih lai-ah hong pai hi.

Tedim Bible Revision 2017

²⁹ A zing ciangin Johan in ama kiangah Jesu hong pai a muh ciangin, “En un, leitung mawhna a la khia Pasianʼ Tuuno hih lai ah hong pai hi.

Johan 1:29 Iomraidhean Croise

Paikhiatna 28:38

Tua pen Aaron’ taltangah om ding a, Israel mite in letsong siangtho a piakna uh ahi, a siangtho biakpiakna-ah mawhna a om peuhmah Aaron in ama tungah pua ding hi. Topa’ mai-ah amaute a kisan’ theih nadingin ama taltang tungah tua a peek om tawntung ding hi.

Isaiah 53:10

Ahih hangin amah a kisatnim ding pen Topa’ deihna ahi hi. Amah in natna thuaksak hi. Mawhna hangin ama pumpi a kipiak ciangin amah in a suanlekhakte mu ding a, ama khan a sau ding hi. Topa’ deihna ama khut sungah pung ding hi.

Isaiah 53:11

Amah in a gimna thaman mu-in a lungdam ding hi. A mawk thuak ahihlohna thei-in a thuman ka nasempa in mi tampi tak a dik suaksak ding a, amah in amaute’ mawhnate pua ding hi.

Isaiah 53:7

“Amah kinengniamin gimna a kithuaksak hangin amah kam khat beek pau lo hi. Sa gote kiangah a kipaipih tuuno le a mulmette mai-ah a kipaipih tuu a ham loh mah bangin amah kam khat beek pau lo hi.

Hosea 14:2

Topa’ lamah kihei unla, “Ka mawhna khempeuh uh hong maisak inla, kong thumna uh hong ngai in. Ka kampauna bangun kong gamta ding uh hi.

Siampi Laibu 10:17

“Note in mihonte a dingin Topa’ mai-ah kilemna bawlin, amau’ mawhna a kilakkhiat theih nadingin note’ tungah hong kipiasa a siangtho sa pen khialhna hanga biakna hi napi, bang hangin a siangtho mun khatah ne lo na hi uh hiam?

Zekhariah 13:1

“Tua ni hong tun ciangin David’ suanlekhakte le Jerusalem khuamite’ mawhna le nitnateng khempeuh a silsiang dingin tuinak khat hong phul ding hi.

Gamlak-vakna 18:1

Tua ciangin Topa in Aaron kiangah, “Nang le na tapate le na behte in biakbuk sung nasepnate tawh kisai-in khialhna a om leh mawhna na puakhawm ding uh hi. Ahi zongin nang le na tapate in na siampi nasepna uh tawh kisai-in khialhna a om leh no teng bek in mawhna na pua ding uh hi.

Gamlak-vakna 18:23

Ahih hangin Levi mite in kikhopna buk nasep sem ding uh a, amaute in a tavuan uh pua ding uh hi. Tua pen amau’ khang tawntungin ngeina kip hi ding a, amaute in Israel mite’ lakah luah nei lo ding uh hi.

Gamlak-vakna 21:9

Tua ahih ciangin Moses in sumngo gul khat bawl a, khuam khat tungah a khai hi. Gul in mi khatpeuh a tuk leh amah in tua sumngo gul enin hing pah hi.

Gamlak-vakna 7:27

meihal biak nadingin bawngtalno khat, tuutal khat, kum khat a pha tuuno a pa khat;

Gamlak-vakna 7:39

meihal biak nadingin bawngtalno khat, tuutal khat, kum khat a pha tuuno a pa khat;

Mattiu 1:21

Amah in tapa khat hong nei ding a, tua tapa in ama mite a mawhna uh panin honkhia ding ahih manin ama min dingin Jesuh na phuak ding hi,” ci-in thu a gen hi.

Mattiu 20:28

Mihing Tapa zong nasem nei dingin hong pai hi loin mi dangte a’ ding na semin, mi tampi tat nading a si dingin a hong pai ahih mah bangin note zong a tuaci ding na hi uh hi,” a ci hi.

Johan 1:35

A zing ciangin Johan le a nungzuite nih ding khawmin a om laitakin,

Johan 1:36

amaute gei-ah Jesuh hong pai a muh ciangin Johan in limtakin enin, “Hih lai-ah Pasian’ Tuuno hong pai hi,” a ci hi.

Johan 1:43

A zing ciangin Jesuh in Galilee gamah pai ding ngaihsun hi. Filip tawh kituak a, ama kiangah, “Hong zui in,” a ci hi.

Johan 2:1

Tua zawh ni nih khit ciangin Galilee gam Kana khua-ah mo pawi om a, Jesuh’ nu zong tua pawi-ah a om hi.

Johan 3:16

Pasian in leitung mite hong it mahmah ahih manin ama Tapa a um mi khempeuh si nawn loin a hin tawntung theih nadingun a Tapa neihsun a hong piak dongin a hong itna a hong lak hi.

Johan 4:42

Tua thu um mite in tua numei kiangah, “Nangma thugenna hangin a um ka hi nawn kei uh a, komau mahmah in a thugen za-in, leitung mite a Honkhia ding pa taktak hi, ci-in thei ka hih manun a um ka hi uh hi,” a ci uh hi.

Johan 6:51

Kei pen vantung panin a hong paisuk nuntakna an ka hi hi. Tua an a ne mi peuhmah nungta tawntung ding hi. Leitung mite a nuntak nadingin ka piak ding an pen keima sa ahi hi,” a ci hi.

Sawltak 13:39

Tua tham loin Jesuh a um mite khempeuh pen Moses Thukham in a suahtaksak zawh loh mawhna khempeuh panin a suakta ahihna thu na theih ding uh ahi hi.

Sawltak 8:32

Tua a sim Lai Siangtho mun pen, “A kigo dingin a kikai tuuno ham lo a, a mul a kimeetsak tuuno a ham loh mah bangin, amah kam khat beek pau lo hi.

1 KORIN MASA 15:3

Kei tungah a hong kihilh a thupi pen note tungah ka hong gensawn a, tua in: Lai Siangtho sungah a kigelh mah bangin eite’ mawhna tang dingin Khrih hong si-in

2 KORIN NIHNA 5:21

Khrih tawh i kipawlna hangin eite zong Pasian tawh a kibangin midik i suahtheih nadingin mawhna a nei lo Khrih pen eite’ tang dingin Pasian in mawhnei mi a suaksak hi.

Galati 1:4

A siahuai tuhun sung panin eite a hong suahtaksak nadingin eite’ Pa Pasian’ deihna tawh kizui-in i mawhna hangin tua Jesuh Khrih amahmah a hong kipiatawm ahi hi.

Galati 3:13

Lai Siangtho in, “Sing tungah a kikhai mi peuhmah Pasian’ samsiat mi ahi hi,” na ci ahih manin eite a dingin Khrih in samsiatna a thuak manin Thukham zuihlahna hangin samsiatna panin eite a hong tankhia ahi hi.

1 TIMOTI MASA 2:6

Mi khempeuh a tankhia dingin tua Jesuh hong kipiatawm a, a hun lian laitakin a hong kipiakna pen Pasian in mi khempeuh a hotkhiat nopna thu a kilatna ahi hi.

Titu 2:14

I mawhna khempeuh panin hong honkhia ding le ama neihtuam i suahtheih nadingin Jesuh amahmah hong kipumpiak a, eite pen gamtat hoih gamtat ding a lawp mahmah ihi hi.

Hebru 1:3

Tua Tapa in Pasian’ minthanna vang hong taangkhiasak a, Pasian’ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasian’ taklam, vantungah a tu hi.

Hebru 2:17

Tua ahih manin mihingte’ mawhna a kimaisak theih nadingin Pasian’ na a sepna-ah mite a dingin hehpihna le cihtakna tawh Siampi Lianpen a suahtheih nadingin a sanggamte tawh a kibangin mihing lim a hong puak ding a kisam ahi hi.

Hebru 9:28

mi tampite’ mawhna a thuak dingin Khrih zong khatvei bek a kipia hi. A nihveina hong kilatkik ciangin mawhna thu tawh kisai nasem ding hi nawn loin, lawptakin amah a ngak mite a honkhia ding ahi hi.

1 PETER MASA 1:19

tuuno bangin paubaanna a om lo, a manpha mahmah Khrih, biakna-in a hong kipiakna tawh Pasian in note a hong suaktasak ahi hi.

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khrih mahmah in eite’ mawhna ama pumpi mahmah tawh singlamteh tungah a pua hi. Ama liamna hangin note in damna na ngah uh hi.

1 PETER MASA 3:18

Khrih mahmah zong note a dingin si a, Pasian’ kiangah hong tunpih theih nadingin mihoih khat pen mihoih lote’ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.

1 JOHAN MASA 2:2

Tua Jesuh hangin eite’ mawhna hong kimaisak a, eite a’ ding bek hi loin leitung mi khempeuh’ mawhna zong a mai nading ahi hi.

1 JOHAN MASA 3:5

Khrih pen mawhna a nei het lo hi a, mite’ mawhna a lakhia dingin Khrih hong kilang ahihna thu na thei uh hi.

1 JOHAN MASA 4:10

Hih ka gen itna pen eite in Pasian i itna thu hi lo a, Pasian in eite hong itin, i mawhna a maitheih nadingin a Tapa a hong paisakna thu ahi hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesuh Khrih kiang panin note tungah hehpihna le nopsakna thupha hong tung tahen. Tua Jesuh Khrih in eite hong it a, ama sihna tawh i mawhna panin eite hong suaktasak a,

Mangmuhna 12:11

I sanggamte in Tuuno sisan le thuman a genna uh tawh amah na zo uh a, a nuntakna nangawn uh na pia ngam uh hi.

Mangmuhna 13:8

Tua ahih manin a kigo Tuuno laibu sungah a nungta ding mite’ min, leitung pianma pekin a kikhumna-ah a kihel lo leitung mi khempeuh in tua ganhing bia ding uh hi.

Mangmuhna 14:1

Tua ciangin ka khuadak leh Zion Mual tungah Tuuno a dingin a om ka mu hi. Amah tawh mi tul za le tul sawmli le tulli dingkhawm uh a, tua mite’ taltangah Tuuno le a pa’ min kigelh hi.

Mangmuhna 14:10

Pasian’ leenggahzu zong dawn ding uh hi. Pasian in ama hehna ahi leenggahzu khauh pen ama hehna hai sungah a dimtakin sung khinzo ta hi. Tua bang mite pen a siangtho vantung mite le Tuuno mai-ah meikuang le kat khu tawh gimna kipia ding hi.

Mangmuhna 14:4

Hih mite in numei tawh paktatna gamta ngei nai lo uh a, paubaanna a nei lote ahi uh hi. Amaute in Tuuno a paina peuhpeuhah zui uh a, midang khempeuh sung panin a kitankhiasa, Pasian le Tuuno tungah a kipia masa mite ahi uh hi.

Mangmuhna 15:3

Amaute in Pasian’ nasem Moses la le Tuuno la sa uh a, “A Vanglian Topa Pasian aw, na nasepnate lamdangin lian mahmah hi. Khang tawntung a Kumpipa aw, na nasepnate-ah thumanin na thutang hi.

Mangmuhna 17:14

Amaute in Tuuno a sim ding uh hi. Ahi zongin Tuuno pen kumpite’ Kumpi, topate’ Topa ahih manin, amah le ama sap, a teel, citakin amah a zuite in tua kumpi sawmte a zogawp ding uh hi,” hong ci hi.

Mangmuhna 19:7

Tuuno’ zineih ding hun hong tungta a, a Lawmnu a kithawisa-in omkhin ahih manin lungdam kipakin amah phat ni.

Mangmuhna 19:9

Tua ciangin vantungmi in keima kiangah, “Hih thu gelh in: Tuuno’ zineihna pawi-ah a kisam mite a hampha mahmah ahi hi,” hong cihkhit ciangin, “Hihte pen Pasian’ gen taktak kammal ahi hi,” hong cithuah lai hi.

Mangmuhna 21:14

Tua khuapikulh pen kulh tawphah suang sawm le nih tungah a kiciang hi a, tua suangtawphahte tungah Tuuno sawltak sawm le nihte’ min kigelh hi.

Mangmuhna 21:27

Ahi zongin a siang lo, a hoih loin a gamta mi, zuau a gen mite kuamah lut thei lo ding uh a, a nungta mite a kigelhna Tuuno laibu sungah a min a omte bek tua khuapi sungah lutthei ding uh hi.

Mangmuhna 21:9

Tua ciangin gimna nunung sagihte a dimin a om hai sagih a tawi vantungmi sagihte sung panin khat kei kiangah hong pai-in thu hong gen a, “Hong pai in; Tuuno zi, a Mothak ka hong lak ding hi,” hong ci hi.

Mangmuhna 5:6

Tua upate’ huamsung, ganhing lite le kumpi tokhom kikalah Tuuno a ding ka mu hi. Tua Tuuno pen a kigo lumsa tawh kibang a, leitung khempeuhah a kisawlkhia, Pasian’ khate’ lim ahi ki sagih le mittang sagih a nei hi.

Mangmuhna 5:8

Tua laizial a lak khit ciangin ganhing lite le upa sawmnih le lite, Topa’ mai-ah a kun uh hi. Amaute in harp lasakna khat ciat le Pasian’ mi siangthote in thungetna-in a zat uh paknamtui a dimin a om paknamtui beel khat ciat a tawi uh hi.

Mangmuhna 6:1

Tua ciangin Tuuno in tua ciaptehna sagih sung panin khat a honkhiat ka mu hi. Tua laitakin ganhing lite sung panin khat in vanging bangin nakpitakin, “Hong pai in,” a cihna ka za hi.

Mangmuhna 6:16

mualte le suangtum lianpite kiangah, “Kote tungah hong kiasuk unla, tokhom tungah a tupa’ maitang le Tuuno’ hehna panin kote hong liah un.

Mangmuhna 7:14

“Ka thei kei hi, topa aw. Nangmah in na theizaw ding hi,” ka ci hi. Tua ciangin amah in keima kiangah, “Hih mite pen bawlsiatna lianpi thuakin a hong suakta mite ahi uh hi. Amaute in a puan uh sawpsiangin Tuuno sisan tawh a paaksak uh ahi hi.

Mangmuhna 7:17

Bang hang hiam cih leh Tokhom laizangah a om Tuuno, amaute a kem pa hi ding a, nuntakna tui omna-ah amaute paipih ding a, Pasian in a khitui khempeuh uh nulsak ding hi,” hong ci hi.