Johan 1:16 - Tedim Bible

¹⁶ A kicing ama hong itna hangin eite khempeuh tungah thupha a banbanin hong pia hi.

Tedim Bible Revision 2017

¹⁶ A kicing ama hong itna hangin eite khempeuh tungah thupha a banbanin hong pia hi.

Johan 1:16 Iomraidhean Croise

Late 84:7

Amaute a paikawmun a tha uh hat semsem a, pasian-te’ Pasian Zion-ah mu ding uh hi.

Zekhariah 4:7

Thuhaksa pente nangawn in na ma hong khaktan zo lo ding hi. Biakinn na lamkik ding a, mite in, ‘Hoih mahmah hi,’ ci-in a ot ngeingai laitakin a khupna suang na ciang ding hi, hong ci hi,” a ci hi.

Mattiu 13:12

Bang hang hiam cih leh a neisate tungah kipia thuahin hau semsem ding a, a nei lote tung panin a neihsa sunsun nangawn kilaksak ding hi.

Mattiu 3:11

Na kisikkik khitna uh a kilat nadingin tui sungah note ka hong phum a, ahi zongin kei nungah a hong pai pa in Kha Siangtho le mei sungah note hong phum ding hi. Tua a hong pai ding pa pen kei sangin nakpitakin lianzaw a, ama khedap a tawisak ding nangawnin ka kilawmzo nai kei hi.

Mattiu 3:14

Ahi zongin Johan in na tuiphum nuam lo a, “Nang in kei nong tuiphum dingin a kilawmzaw kimlai, kei’ phum dingin nang hong pai zawsop na hi hiam?” a na ci hi.

Luka 21:15

Bang hang hiam cih leh tua hun ciangin note’ gen ding thu le pilna kong guan ding a, na galte uh khat beek in note’ thugen hong nialzo loin, zong hong sel zo lo ding uh hi.

Johan 3:34

Pasian in a sawl mipa tungah ama Kha a kicingin pia ahih manin a sawl mipa in Pasian’ thugente mah a gen ahi hi.

ROM (Romans) 5:17

Mi khat bek’ mawhna hangin sihna in hong uk ahihleh mi khat mah ahi Jesuh Khrih hangin nakpitakin a lian Pasian’ hehpihna le mihoih-a sanna a ngah mite nungta-in thahatzaw kan ding uh hi.

ROM (Romans) 5:2

Ama hangin upna tawh tu-a i omna Pasian hehpihna sungah a tung ihi a, Pasian tawh minthanna ngahkhawm ding, ci-in lamen ihih manin i lung a dam hi.

ROM (Romans) 5:20

Khialhna a tam semsem nadingin thukham hong kipia hi. Ahi zongin khialhna a tamna munah Pasian’ hehpihna hong lianzaw zel hi.

ROM (Romans) 8:9

Note sungah Pasian’ Kha Siangtho hong om nakleh nomau pumpi deihna bangin gamta loin Kha Siangtho deihna bangin na gamta ding uh hi. Khrih lungsim a nei lote Khrih tawh kipawl lo hi.

Efesa 1:23

Tua pawlpi pen Khrih’ pumpi hi a, tua pawlpi a dingin amahmah kipia-in, mun khempeuha om pawlpite, thu khempeuhah a cingtaaksak hi.

Efesa 3:19

Khrih hong itna a kicing takin theihkhit zawh loh ding ahi ta zongin note in thei-in, Pasian thu a cingin na theih nadingun thu ka hong ngetsak hi.

Kolose 1:19

Tua Tapa in Pasian’ pianzia a kimin a neih nading, Pasian mahmah in a sehsa ahi hi.

Kolose 2:3

Khrih pen Pasian’ pilna le a thuthuk khempeuh a kitheihtheih nading ahi hi.

1 PETER MASA 1:11

Khrih in gimna thuakin, tua khit ciangin minthanna a ngah nading thu Kha Siangtho in a gen ciangin, amaute sungah a om tua Khrih’ Kha Siangtho in kua a cihna hi a, bang hun ciang hi ding hiam, ci-in a kankan uh pen tuhun thu a gen ahi hi.

1 PETER MASA 1:2

Pa Pasian in ama ngimnasa bangin note hong teel a, note in Jesuh Khrih’ thu mangin, ama sisan tawh sianthona a ngah dingin a Kha Siangtho tawh note mi siangtho-in a hong bawl hi. Note tungah hehpihna le nopsakna thupha hong tam tun semsem tahen.