Johan 1:13 - Tedim Bible

¹³ Tua bangin Pasian’ tate suahna pen leitung ngeina nute pate sung panin suahna tawh hi loin Pasian sung panin suahna ahi hi.

Tedim Bible Revision 2017

¹³ Tua bangin Pasianʼ tate suahna pen leitung ngeina nute pate sung panin suahna tawh hi loin Pasian sung panin suahna ahi hi.

Johan 1:13 Iomraidhean Croise

Piancilna 25:22

Ama sungah a naute kilaigawp hi. Amah in, “Hih bang ahihleh bang hangin nungta se ka hi hiam?” a ci hi. Tua ahih ciangin Topa kiangah thukan dingin amah pai hi.

Piancilna 25:28

Isaac in Esau’ sa matsa nene ahih manin Esau mah itzaw a, ahi zongin Rebekah in Jakob itzaw hi.

Piancilna 27:33

Tua ciangin Isaac nakpitakin lingin, “Tua ahihleh, nang’ hong pai ma-in sa matsa hong paipihin, a vekin ka nek khit, amah thupha ka piakpa kua ahi hiam? Thupha pia khin ka hih manin amah in thupha ngah ding hi” a ci hi.

Piancilna 27:4

Ka sih ma-in nang thupha kong piak theih nadingin kei’ duh bangin an lim hong bawl inla, ka nek dingin hong paipih in,” a ci hi.

Late 110:3

Nangma mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsangin na khangnona nangma tungah hong tung ding hi.

Mattiu 3:9

‘Abraham’ suante ihi ngawn hi,’ cihna lungsim nei mawk kei un. Ke’n kong cihin-ah, Pasian in hih suangte nangawn Abraham’ suanlekhakte-in a bawl thei hi lel hi.

Johan 3:3

Jesuh in, “A mantakin kong genin-ah, mi khatpeuh a suahkik kei leh Pasian’ Ukna sungah lut thei lo ding hi,” a ci hi.

1 KORIN MASA 3:6

Keima nasep pen khaici vawh hi a, Apollos’ nasep pen tuibuah hi a, ahi zongin a khangsak pa ahihleh Pasian ahi hi.

Filippi 2:13

Bang hang hiam cih leh note in utna lungsim na neih nading uh le ama deihna na zuihzawh nadingun note sungah Pasian in a tawntungin na a hong sem ahi hi.

Titu 3:5

amah in eite hong honkhia hi. Eite in na hoih i sepzawhna hangin hong honkhia hi loin eite tungah suahtakna le nuntakna thak a hong pia Kha Siangtho in hong sawpsiangna hangin a hong hehpihna tawh a hong honkhia ahi hi.

Jeim 1:18

Ama piansakte khempeuh lakah eite a masa pen i suahtheih nadingin thuman thutak zangin ama utthu tawh eite a hong piangsak tawm ahi hi.

1 PETER MASA 1:23

A sithei nu le pate sung pan hi loin a sithei lo nu le pate sung panin a nungta tawntung Pasian’ thu tawh naungek bangin a suakkik na hi uh hi.

1 PETER MASA 1:3

I Topa Jesuh Khrih’ Pa Pasian tungah lungdam ni. Ama hong hehpih mahmahna hangin sihna panin Jesuh Khrih a thawhkik sakna tawh eite tungah nuntakna thak a hong pia hi. Tua ahih manin i lametna kiam ngei lo a,

1 PETER MASA 2:2

Naungek suakcilte na bang unla, note khangto-in hotkhiatna na ngahtheih nadingun kha thu tawh kisai nawizu siangtho duh belin na nei tawntung un.

1 JOHAN MASA 3:9

Pasian’ tate in mawhna bawlbawl lo uh hi. Pasian’ tate hi a, Pasian’ lungsim paii uh ahih manin mawhna zong bawl nuam lo uh hi.

1 JOHAN MASA 4:7

Ka it lawmte aw, Pasian pen itna hong piankhiatna bulpi ahih manin eite khatlekhat ki-it ni. Itna a nei mi peuhmah, Pasian’ tate hi a, Pasian a thei uh hi.

1 JOHAN MASA 5:1

Jesuh, Khrih hi, ci-in a um mi khempeuh Pasian’ tate hi a, pa a it mi peuhmah in a ta zong a it hi.

1 JOHAN MASA 5:18

Pasian’ tate in mawhna bawlbawl lo uh hi. Pasian’ Tapa in amaute kem a, Dawimangpa in amaute susia zo lo hi.

1 JOHAN MASA 5:4

Pasian’ ta ahite peuhmah in leitung nate zo uh a, i upna tawh leitung nate tungah a gualzo ihi hi.