Johan 1:1 - Tedim Bible

¹ A kipat cil-in Thu na om a, tua Thu, Pasian tawh na omkhawm a, tua Thu, Pasian ahi hi.

Tedim Bible Revision 2017

¹ A kipat cil-in Thu na om a, tua Thu, Pasian tawh na om khawm a, tua Thu, Pasian ahi hi.

Johan 1:1 Iomraidhean Croise

Piancilna 1:1

A kipat cil-in Pasian in vantung le leitung a piangsak hi.

Late 45:6

Na kumpi tokhom siangtho kip tawntung hi. Na kumpi ciangkhut thumanna ciangkhut hi a,

Isaiah 7:14

Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

Isaiah 9:6

Bang hang hiam cih leh eite a dingin naungek khat hong suak a, eite’ tungah tapa khat hong kipia hi. Amah pen eite hong ukpa hi ding a, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Mattiu 1:23

“Nungak khat gai-in tapa khat nei ding a, ama min dingin Emmanuel kiphuak ding hi,” ci hi. Emmanuel a khiatna in, eite tawh Pasian hong omkhawm hi, a cihna ahi hi.

Luka 24:53

Tua ciangin Pasian tungah lungdamna a ko dingin biakinn-ah a pai tawntung uh hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasian’ pianzia a neihna ka mu cian uh hi. Hih pianzia pen Pasian’ Tapa khat bek hihna tawh a neih pianzia ahi hi.

Johan 1:18

Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.

Johan 1:2

Tua hi a, a kipat cil a kipanin Thu le Pasian na omkhawm hi.

Johan 16:28

Pa kiang panin hong pai-in leitung a hong tung ka hi a, tu-in leitung nusia leuleu-in Pa kiang a zuankik ding ka hi hi,” a ci hi.

Johan 17:5

Pa aw, leitung a kipiansak ma-in nang tawh i neihkhawm na pianzia mah tu-in nangma omna munah hong pia ta in.

Johan 20:28

Thomas in zong, “Ka Topa, ka Pasian!” ci-in a dawn ciangin

Johan 8:58

Jesuh in, “A taktakin ci lehang, Abraham a pian’ ma-in kei ka omkhin hi,” ci-in a dawng hi.

ROM (Romans) 9:5

le a thupi pupite’ suanlekhakte hi uh a, leitung silesa tawh kisai-in Khrih zong amau minam sung panin a piang ahi hi. Hih thute hangin mi khempeuh in na khempeuh a uk Pasian phat tawntung ta uh hen! Amen.

Efesa 3:9

le Pasian in a geelsim thute a kisep khiatna thu mi khempeuh a musak dingin Pasian in kei tungah hih hamphatna hong pia hi. Tuhun laitakin vantung a uk van mite in pawlpi’ hangin Pasian’ pilna a nam tuamtuamin a muhtheih nadingun na khempeuh a bawl Pasian in a beisa hunah hih thu khempeuh a imcip hi.

Filippi 2:6

Jesuh Khrih in Pasian’ pianzia nei napi-in, Pasian tawh a kizakim theihna dingin thatanghat thu a suang kei hi.

Kolose 1:15

Khrih pen a kimu thei lo Pasian’ lim hi a, a kipiangsak khempeuh lakah tapa upa pen ahi hi.

Kolose 1:17

Na khempeuh khat beek a om ma-in amah om khinta a, amah tawh a kipawl manin na khempeuh ama mun sansanah hoihtakin a omthei hi.

1 TIMOTI MASA 3:16

I biakna pen a thuthuk a thulian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuhah ama thu ki-umin, vantungah amah kilato hi.

Hebru 13:8

Jesuh Khrih pen zani, tuni, a tawntungin kibang ngitnget hi.

Hebru 7:3

Melkhizedek’ pa le a nu a kipanin a suahna thu, a sihna thu, le a khang tangthu peuhmah a kiciamtehna om lo ahih manin Pasian’ Tapa tawh a kibang hi a, siampi mah hi tawntung paisuak hi.

2 PETER NIHNA 1:1

Jesuh Khrih nasem le sawltak ahi keimah Simon Peter in: Eite’ Pasian le Honpa ahi Jesuh Khrih a thumanna hangin kote’ upna zah mahin upna manpha a nei mite tungah lai ka hong khak hi.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.

1 JOHAN MASA 5:7

Hih thu-ah teci a pang thum om a,

Mangmuhna 1:11

“Na muhte khempeuh laibu sungah gelh inla, Efesa pawlpi, Smyrna pawlpi, Pergamum pawlpi, Thiatira pawlpi, Sardis pawlpi, Filadelfia pawlpi, Laodisia pawlpi, hih pawlpi sagihte kiangah khak in,” hong ci hi.

Mangmuhna 1:17

Amah ka muh ciangin misi bangin ama khe phungah ka puk hi. Ahi zongin amah in ka tungah a taklam khut hong nga a, “Lau kei in; kei pen a kipatna le a tawpna ka hi a,

Mangmuhna 1:2

Johan in zong a muhsa thu khempeuh na gen leuleu hi. Hih thute pen Johan in Pasian kiang panin hong pai thute le Jesuh Khrih in ama tungah a lahkhiat thuman thutakte a genna thu ahi hi.

Mangmuhna 1:8

A beisa hun, tuhun, le mailam hunah zong a om tawntung ding a Vanglian Topa Pasian in, “Kei pen na khempeuh a Kipatna le a Tawpna ka hi hi,” a ci hi.

Mangmuhna 19:13

Sisan sungah a kidiah puantualpi khat silh a, amah pen, “Pasian’ Thu,” cihna min tawh a kisam hi.

Mangmuhna 2:8

“Smyrna khua pawlpi vantungmi kiangah lai gelh inla, a kipatna le a tawpna, si ngei napi-in a hingkik pa’ thugen in:

Mangmuhna 21:6

Tua ciangin amah in, “Tu-in man khinta! Kei pen a kipatna le a tawpna a cihna Alfa le Omega ka hi hi. A dangtak mi khempeuh tungah nuntakna tuinak panin a khongin tui ka pia ding hi.

Mangmuhna 22:13

Kei pen a masa le a nunung, a kipatna le a tawpna a cihnopna ahi Alfa le Omega ka hi hi,” a hong ci hi.

Mangmuhna 3:14

“Laodisia khua pawlpi vantungmi kiangah lai gelh inla, thuman le citakin teci a pang, Pasian’ piansakte khempeuh a kipatna ahi Amen’ thugen in: