Joel 3:5 - Tedim Bible

⁵ Ka ngun, ka kham, le ka na manpha tampite la-in, na biakinn sung uhah na puak uh hi.

Tedim Bible Revision 2017

⁵ Ka ngun, ka kham le ka na manpha tampite la-in, na biakinn sung uh ah na puak uh hi.

Joel 3:5 Iomraidhean Croise

2 KUMPI NIHNATE 12:18

Judah kumpi Joash in Judah kumpite ahi ama hun ma-a sem Jehoshafat le Jehoram le Ahaziahte’ apsa thuciam piakna letsongte khempeuh, le ama thuciam piakna letsongte, le Topa’ biakinn le kumpipa’ sumkoihnate-ah a om kham khempeuh la-in Syria kumpipa Hazael kiangah a puak hi. Tua ciangin Jerusalem panin Hazael a paikhia hi.

2 KUMPI NIHNATE 16:8

Ahaz in zong Topa’ biakinn sung le kumpipa’ vankoihna-a ngun le khamte la a, Assiria kumpipa tungah letsongin a puak hi.

Isaiah 11:11

Tua ni ciangin Topa in Assiria gam, Egypt gam, Pathros gam, Ethiopia gam, Elam gam, Shinar gam, Hamath gam, le tuipi gei-a gamte panin ama mi a omlaite a ngahkik nadingin a vangliatna zang kik ding hi.

Jeremiah 23:7

“Tua ahih manin en un, Topa in kong cihin-ah, mite in, ‘Egypt gam panin Israel mite a hong paikhiatpih Topa a nuntak bangin,’ ci-in a kiciam nawn kei ding uh a,

Jeremiah 50:28

(Ngai dih un. Topa i Pasian’ thuhkikna, ama biakinnpi hangin a phulakna thu Zion khua-ah a taangko dingin Babylon gam panin ka mite suakta-in a tai uh hi.)

Jeremiah 51:11

Thaltangte hiam un. Lumte la un. “Topa in Babylon khua susia nuam ahih manin Media kumpite a hanthawn hi. Bang hang hiam cih leh hih pen a biakinnpi hangin Topa’ thukkikna ahi hi.

Ezekiel 37:12

Tua ahih ciangin ka mi Israel-te tungah thu gen inla, Topa Pasian in hih bangin ci hi, ci-in gen in: Ka mite aw, tu-in note’ hankhuk kong honsak ding a, note hong paikhiatpihin, Israel gam kong tunpihkik ding hi.

Daniel 11:38

Tua pasian-te sangin kulhpi a dal pasian a thupisim zaw ding hi. Amah in kham, ngun, suangmanpha, le a thupi letsongte, a pu a pate’ biak ngei loh pasian kiangah a pia ding hi.

Obadiah 1:17

Ahih hangin Zion mualah pawlkhat va tai ding uh a, tua mun pen a siangtho suak ding hi. Jakob innkuante in amau’ gam mah luahkik ding uh hi.