Joel 3:4 - Tedim Bible

⁴ “Taia khua, Sidon khua, le Filistia gam khempeuh aw, kei bang hong cih nuamin a kinei na hi uh hiam? Bang khat peuhpeuh hangin hong thukkik nuamin a kinei na hi uh hiam? Kei a hong thukkik na hih uhleh, kei zong manlang takin kong thukkik pah ding hi.

Tedim Bible Revision 2017

⁴ “Taia khua, Sidon khua le Filistia gam khempeuh aw, kei bang hong cih nuamin a kinei na hi uh hiam? Bang khat peuhpeuh hangin hong thukkik nuamin a kinei na hi uh hiam? Kei a hong thukkik na hih uh leh, kei zong manlang takin kong thukkik pah ding hi.

Joel 3:4 Iomraidhean Croise

2 KHANG TANGTHU NIHNATE 21:16

Tua ciangin Topa in Ethiopia mite kiangah a om Filistia mite le Arab mite, Jehoram tungah a heh nadingun tok lo hi.

Isaiah 14:29

“Filistia mi khempeuh aw, note hong kisatna ciangkhut a kitan manin lungdam kei un. Bang hang hiam cih leh singbul panin a sel a om bangin, gulpi a sih khit ciangin a siahuaizaw gul gunei hong om ding a, tuate pen a leng thei gulpi hong hi ding uh hi.

Isaiah 34:8

Topa in Zion a hotkhiat ding, a galte a thuksak ding hun khat a nei hi.

Isaiah 59:18

Amau’ gamtatna bangin amah in thukkik ding a, amah a langpangte gim pia ding hi. Ama galte a thukkik ding hi. A gamla pekah a om tuipi gei-a gamte zong a thukkik ding hi.

Jeremiah 47:1

Faro kumpipa in Gaza khua a sim ma-in Filistia mite tawh kisai-in Topa in kei tungah thu hong gen hi.

Jeremiah 47:4

Filistia mi khempeuh kisia-in, Taia le Sidon panin huhnate khaktanin, suksiat ding ni hong tungta hi. Bang hang hiam cih leh Topa keimah in Filistia mite le Kaftor tuipi gei-ah a omlaite ka susia ding hi.

Jeremiah 51:6

Babylon khuapi sung panin taikhia un. Mi khempeuh kisuahtak ciat un. Babylon’ mawhna sihpih kei un. Bang hang hiam cih leh a mawhna bangun a thuak nadingun Topa’ thuhkik hun ahi hi.

Joel 2:10

Amau’ mai-ah leipi ling a, vanpi nangawn ling damdam hi. Ni le kha zong mialta a, aksite zong taang nawn lo hi.

Joel 2:2

Tua ni pen a mial, a lungzinhuai, meii kai-in khuazin’ ni ahi ding hi. Mualtung a meiipi kai bangin simzawh lohin kauphe honpi hong leeng muaimuai hi. Cikmahin hih bang thu omngei nai lo a, cikmah ciangin zong omkik nawn lo ding hi.

Mattiu 11:21

“Khorazin khuapi mite le Bethsaida khuapi mite aw, gimna lianpi na thuak ding uh hi. Bang hang hiam cih leh note khua sungah a hong kilak na lamdangte, Taia le Sidon khua sungah kilak hileh amaute in kisikna limin sawtpekin puanhampi silhin vut kinuh ding uh hi.

Mattiu 11:22

Tua ahih manin thukhen ni ciangin note’ thuakna sangin, Taia le Sidon khuamite’ thuakna baihzaw lai ding ahihna thu phawk ta un.

Luka 10:13

Tua ciangin Jesuh in, “Khorazin khuapi mite le Bethsaida khuapi mite aw, gimna lianpi na thuak ding uh hi. Bang hang hiam cih leh note khua sungah a hong kilak na lamdangte, Taia le Sidon khua sungah kilak hileh amaute in kisikna limin sawtpekin puanhampi silhin vut kinuh ding uh hi.

Luka 10:14

Tua ahih manin Thukhen Ni ciangin Taia le Sidon khuapi mite’ thuak ding sangin note’ thuak ding haksazaw lai ding hi.

Luka 18:7

A sun a zanin ama tungah a thumthum ama mite’ thu a manin Pasian in khensak lo ding ahi hiam? Amaute a huh ding kizekaisak ding ahi hiam?

Sawltak 9:4

Saul, leilakah puksuk a, tua laitakin awging khat in ama kiangah, “Saul, Saul aw, bang hangin kei hong bawlsia na hi hiam?” a ci hi.

Thu-hilhkikna 32:35

Phulakna le thukkikna kei a’ hi a, a hun ciangin amaute puk ding uh hi. Bang hang hiam cih leh amau’ gim ngah hun ding hong naita a, amau’ siat nading hong tung pah hi.

2 THESALONIKA NIHNA 1:6

Pasian in a manin na sem ding ahih manin note a hong gimsak mite tungah Pasian in gimna pia ding a,

Thukhente 11:12

Tua ciangin Jefthah in Ammon mite’ kumpipa kiangah kamtaite sawlin, “Ka gam a sim dingin kei kiangah nong pai nadingin kei’ tungah bang thu om ahi hiam?” cisak hi.