Joel 3:2 - Tedim Bible

² Minam dang khempeuh kaikhawmin Jehoshafat Kuam-ah ka paipih ding hi. Ka mihingte tungah a bawlnasa uh hangin tua munah amaute thu ka khen ding hi. Amaute in Israel mite, gam dangah thehthang uh a, ka gam sung teng phelhawm mangkhin uh hi.

Tedim Bible Revision 2017

² Minam dang khempeuh kaikhawmin Jehoshafat Kuam ah ka paipih ding hi. Ka mihingte tungah a bawlnasa uh hangin tua munah amaute thu ka khen ding hi. Amaute in Israel mite, gam dangah thehthang uh a, ka gam sungteng phel hawm mangkhin uh hi.

Joel 3:2 Iomraidhean Croise

2 KHANG TANGTHU NIHNATE 20:26

A ni li ni-in Berakah Kuam-ah amaute kikhawm uh hi; bang hang hiam cih leh amaute in tua lai-ah Topa phat uh hi. Tua ahih ciangin tuni dongin tua lai mun pen Berakah Kuam kici hi.

Isaiah 66:16

Bang hang hiam cih leh Topa in mei tawh thukhenna sem ding a, a mawh mi khempeuh tungah a namsau tawh thu khen ding a, Topa in a thah mite tam mahmah ding hi.

Isaiah 66:18

Bang hang hiam cih leh amau’ nasepnate le amau’ ngaihsutnate ka thei a, minam khempeuh a khawm dingin ka hong pai hi. Amaute hong pai-in ka minthanna mu ding uh a,

Jeremiah 12:14

Ka mi Israel-te’ luah dingin ka piak gamh a susia nuam a gilo a vengte tawh kisai-in Topa in ka cihin-ah, “En un, a gam uh panin amaute ka botkhia ding a, amau’ khutsung panin Judah mite ka suaktasak ding hi.

Jeremiah 25:31

A awging, leimong dongah kithawn ding hi; bang hang hiam cih leh gamte’ langkhatah Topa pang hi. Amah in mi khempeuh thu sit ding a, namsau tawh migilote a thatlum ding hi, Topa in ci hi,’ na ci ding hi.

Jeremiah 49:1

Ammon mite tawh kisai-in Topa in a genin-ah: “Israel mite in tapa nei lo ahi uh hiam? Innluah ding nei lo ahi uh hiam? Bang hangin Milkom pasian biate in Gad gam la-in a khuapite sungah teng ahi uh hiam?

Jeremiah 50:17

“Israel mite, humpinelkai in a delhmang tuu tawh a kibang uh hi. A masa-in Assiria kumpipa in ne a, tu-in a tawpna-ah Babylon kumpipa Nebukhadnezzar in a guh dongin a teeptum hi.

Ezekiel 25:8

Topa Pasian in kei kiangah thu hong gen a, “Moab mite in a thugenna uhah, Judah gammite pen minam dangte bangmah hi lel uh hi, ci se uh hi.

Ezekiel 34:6

Tua ahih manin ka tuute kithehthang gawp uh a, mualtungte le mual sang tung khempeuhah vakmang uh hi. Leitung gam khempeuhah ka tuute kithehthang uh a, kuamah in zon ding kan dingin ngaihsun lo uh hi.

Ezekiel 35:10

“Kei pen Israel le Judah mite’ Topa Pasian hinapi-in, hih minam nihte nangma a’ in ngaihsunin a luah dingin na kigen hi.

Ezekiel 36:1

Topa in kei kiangah, “Mihing ahi Ezekiel aw, Israel mualte tungah thu gen inla, Topa Pasian ahi keimah in amaute tungah gen ding ka neih thute hih bangin gen in:

Ezekiel 36:5

“Topa Pasian ahi keimah in a kimkotah a om minam dangte, le a diakdiakin Edom mite tungah ka hehluatna tawh thu ka gen hi. Amaute in lungdamin nuihna le simmawhna tawh keima leitang la-in a tang uh hi.

Ezekiel 38:22

Pulnatna le sisan luanna tawh amah gim ka pia ding hi. Amah le a galkap honte le amah a panpih minam tampite tungah guahpi, gialpi, meikuang le kaat kuang, ka zusak ding hi.

Ezekiel 39:11

Topa in, “Hih thu hong pian’ ni ciangin Israel gam sung Si Tuipi nisuahna lamah a om Khualzin Mite’ Kuam a cihna sungteng, a kivui nadingun Gog ka pia ding hi. Gog le a galkap honpite, tua lai munah kivui ding ahih manin khualzin mite’ lampi khaktan ding a, tua mun pen, ‘Gog Galkapte’ Kuam,’ kici ding hi.

Joel 3:12

“Minam dangte hong kithawi hen la, Jehoshafat Kuam-ah hong kuan suk uh hen. Kimkotah a om minam dang khempeuh’ thu a khen dingin Topa ahi keimah, tua munah ka tu ding hi.

Joel 3:14

Thukhenna Kuam-ah a tul a thenin om uh hi. Bang hang hiam cih leh tua lai munah Topa’ ni hong tung baih ding hi.

Amos 1:11

Topa in hih bangin ci hi: Edom mite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in a sanggam uh Israel-te namsau tawh delh uh a, hehpihna lungsim nei lo uh hi. A hehna uh damsak ngei lo uh a, a tawntungin heh niloh uh hi.

Micah 4:12

Ahi zongin hih minamte in Topa’ lungsim tawng thei lo uh a, ancilna phualah anphalte kaihkhop bangin amaute kaikhawmin, a cilgawp ding ahihlam phawk lo uh hi.

Zefaniah 3:8

Topa in hih bangin thu gen a, “Tua ahih ciangin minamte ka mawhsak ni hun dong kei hong ngak phot dih un. Minamte le kumpi gamte kaikhawmin, ka hehna ka thuaksak ding, ka lungsim ka khensat khin hi. Ka hehluatna meikuang tawh leitung khempeuh kangtum ding hi.

Mangmuhna 11:18

Na hehna hong kilat hun hong tungta a, misite thukhen nading hun hong tungta ahih manin minam dangte heh mahmah uh hi. Nangma nasem kamsangte, a lian a neu, nang hong kihta mi khempeuhte thaman na piak ding hun hi ta a, leitung a susia mite na suksiat ding hun hi ta hi,” a ci uh hi.

Mangmuhna 16:14

Tuate pen dawite’ kha hi a, nalamdang a bawl uh hi. A Vanglian Pasian’ Ni hong tun ciangin gal a do dingin leitung gam khempeuhah a om kumpite a kaikhawm dingin a kuankhia uh hi.

Mangmuhna 16:16

Tua khate in Hebru pau-in Armageddon a kici munah kumpite a kaikhawm uh hi.

Mangmuhna 16:6

Amaute in mi siangthote le kamsangte’ sisan luangsak uh ahih manin tu-in amaute’ dawn dingin sisan a pia na hi hi. Hih pen amaute’ ngah dingin a kilawm ahi hi,” a cihna thu ka za hi.

Mangmuhna 20:8

Gog le Magog a kici leitung gam khempeuhah a om minam khempeuh a khem dingin kuankhia ding hi. Satan in a galsimpih dingin tuipi gei-a sehnel zahin a tam mihonpi kaikhawm ding hi.