Joel 3:1 - Tedim Bible

¹ “Tua hun ciangin Judah le Jerusalem, a nidang hun lai mah uh ka bangsakkik ding hi.

Tedim Bible Revision 2017

¹ “Tua hun ciangin Judah le Jerusalem, a nidang hun lai mah uh ka bangsakkik ding hi.

Joel 3:1 Iomraidhean Croise

Late 14:7

Israel-te a’ ding hotkhiatna Zion panin hong tunna ding thu ka ngenngen hi. Topa in ama mite tungah nopsakna a piakkik ciangin, ama mi Israel-te kipak mahmah ding uh hi.

Late 85:1

Topa aw, nangma leitang na hehpih a, Jakob’ nopsaknate a ngeina na bangsakkik hi.

Paunak 1:23

Kong thuhilhna hong ngai un; ka ngaihsutna kong gen ding a, ka theihna kong zasak ding hi.

Isaiah 44:3

“Bang hang hiam cih leh a dangtak leitang tungah tui ka sung ding a, lei keu tungah luitui ka luangsak ding hi. Na suanlekhakte tungah ka kha ka sung ding a, na tu na tate tungah ka thupha ka pia ding hi.

Jeremiah 16:15

Amaute in, ‘Leilu lam gam le eite hong hawlkhiatna gam khempeuh panin Israel mite a hong kaikhawm Topa a nuntak bangin,’ a cizaw ding uh hi. Bang hang hiam cih leh a pu a pate uh ka piaksa, amau’ neihsa gamah amaute ka paipih ding hi.

Jeremiah 29:14

Topa in kong cihin-ah, note in nong mu ding uh a, na saltanna uh hong beisakin, kong hawlkhiatna gam khempeuh le mun khempeuh panin kong kaikhawm kik ding a, note kong lakkhiatna gam mahah kong tunpih kik ding hi, Topa in kong ci hi.

Jeremiah 30:18

“Topa in kong cihin-ah: En un, keimah in Jakob suante’ bukte ka lamkik ding a, a tenna uh ka hehpih ding hi. Khuapi zong a omnasa mualtung mahah kilamkik ding a, kumpipa’ inn zong a omnasa mahah omkik ding hi.

Jeremiah 30:3

Bang hang hiam cih leh Topa in kong cihin-ah, ka mi Israel le Judah-te a saltanna uh ka beisakkik ni a hong tung ding hi. A pu a pate uh tungah ka piaksa gamah ka tunpihkik ding a, amaute in tua gam a tangkik ding uh hi, Topa in kong ci hi,” hong ci hi.

Ezekiel 16:53

“Ahi zongin, Sodom le a khuaneute, le Samaria le a khuaneute a cithei-in ka bawlkik ding hi. Tua mah bangin nang Jerusalem zong kong citheisakkik ding hi.

Ezekiel 39:25

Topa Pasian in kei kiangah, “Tu-in Jakob suanlekhak Israel mite ka hehpih ding a, amaute a cithei-in ka bawlkik ding hi. Keima min siangtho ka hu ta ding hi.

Daniel 12:1

Tua ciangin saihadial puan a silh vantungmi in, “Na mite a cing, a lian vantungmi Mikhael hong kilang ding hi. Tua ciangin leitungah mihing a pianzawh a kipan a nasia penpen gimna hun hong tung ding hi. Tua hun a hong tun ciangin Pasian’ laibu sungah a min a kigelh na mite khempeuh kihonkhia ding hi.

Joel 2:29

Tua hun ciangin nasem numei le nasem pasalte tung nangawnah ka kha ka sung ding hi.

Amos 9:14

Ka mi Israel-te, amau’ gam ka tunkik ding a, a kisia a khuapite uh hoihtakin lampha kikin a sungah a teng ding uh hi. Amaute in leenggui suanin, huan bawlin, a sunga piangte a ne ding uh hi.

Gamlak-vakna 11:29

Ahih hangin Moses in ama kiangah, “Keima tangin hong hazatsak na hi hiam? Topa’ mi khempeuh kamsang hi hen la, Topa in amau’ sungah ama Kha guan leh ka cih laitak hi,” a ci hi.

Gamlak-vakna 12:6

Topa in, “Ka thu za un: Note’ lakah kamsang a om leh Topa keimah in ama tungah maangmuhna tawh ka kilak a, amah tawh mang sungah ka kiho hi.

Thu-hilhkikna 30:3

Topa na Pasian un note na ngei uh hong bangsakkikin, note tungah hehpihna hong nei ding a, Topa na Pasian un note hong thehthangna mi khempeuhte lak panin note hong kaikhawm kik ding hi.