Joel 2:3 - Tedim Bible

³ A madawkte, a haltum thei meikuang bang a, a nungdalte, mei-am alh tawh kibang hi. Amau hong tun ma-in gam sung teng khempeuh Eden huan a bang hi a, amau’ khit ciangin a kinusiacip keugaw gam tawh kibang hi. Amaute kiang pan a suakta bangmah om lo hi.

Tedim Bible Revision 2017

³ A madawkte, a hal tum thei meikuang bang a, a nungdalte, mei-am alh tawh kibang hi. Amau hong tun ma-in gam sungteng khempeuh Eden huan a bang hi a, amauʼ khit ciangin a kinusiacip keugaw gam tawh kibang hi. Amaute kiang pan a suakta bangmah om lo hi.

Joel 2:3 Iomraidhean Croise

Piancilna 13:10

Lot zong khuadak a, Jordan gun kuam mun khempeuh in limtakin tui ngahin Topa’ huan hitaleh, Zoar lama Egypt gam tawh hitaleh kibang hi, ci-in mu hi. Hih pen Topa in Sodom le Gomorrah a suksiat hun ma ahi hi.

Piancilna 2:8

Topa Pasian in nisuahna lamah Eden huan khat bawl hi. Tua lai munah ama bawlsa mipa koih hi.

Late 50:3

Eite’ Pasian hong pai a, amah dai ommawk lo hi. Ama mai-ah mei husia om a, a kimkotah huihpi om hi.

Late 97:3

Ama mai-ah mei pai a, ama kiima om a galte a kangtum hi.

Paikhiatna 10:15

Bang hang hiam cih leh tuate in lei maitang khempeuh tuam uh a, leitang mial hi. Tuate in leitang tunga kung khempeuh le gialpi’ den baang singkung gah khempeuh ne uh hi. Egypt leitang tung khempeuhah gamlak singkung hitaleh kungno hitaleh a hing khat beek om nawn lo hi.

Paikhiatna 10:5

kuamah in leitang a muh theih loh nadingin tuate in lei maitang khempeuh tuam ding uh hi. Gialpi khit cianga nang a’ dinga a omlai sunte amaute in ne ding uh hi. Tuate in gamlak a a po nangma singkung khempeuh ne ding uh a,

Isaiah 14:17

leitung pen sehnel gam suaksakin, khuapite a susiapa, thong sungah a kikhum mite inn-ah a ciahsak lopa hih pa hi lo ahi hiam?’ hong ci ding uh hi.

Isaiah 15:6

Nimrim luite kang hi. Lopa keu-in a selthak om lo a, lopa hing om nawn lo hi.

Isaiah 33:4

Tangngol in na a khop bangin amau van kinusiate kaikhawm a, kauphe honpi bangin van tawmin mite phe zaizai hi.

Isaiah 51:3

“Tu-in Zion ka hehnem ding hi. A kisia ama munte khempeuh puahpha-in, ama gamlakte Eden huansung ka bangsak ding a, ama sehnel gamte Topa’ huan ka bangsak ding hi. Ama sungah lungdamna le kipahna, lungdamkohna le lasakna awging om ding hi.

Isaiah 9:18

Bang hang hiam cih leh gitlohna mei bangin kuang a, lingkungte le lingte kangtum sak hi. Gamlak lopa phate kuangsak a, meikhu lomtangin van lamah kizialto uh hi.

Isaiah 9:19

Vanglian Topa’ hehna hangin meikuang bangin gam sung kang a, mite pen mei a kicih sing tawh kibang uh hi. Kuamah in a sanggampa nangawn zah tuan lo hi.

Jeremiah 5:17

Amaute in lo-a na ante uh le na an huante uh hong gaihsak ding uh a, na tapate uh le na tanute uh hong thahsak ding uh hi. Na tuuhon, na bawnghonte uh hong gaihsak ding uh a, na leenggah, na theigahte uh hong nek mangsak ding uh hi. Na muan mahmah uh kulhpi tawh a ki-um na khuapite uh namsau tawh hong suksiatsak ding uh hi.

Ezekiel 36:35

Hih leitang pen gammang tulak a bang ngei hinapi-in tu-in Eden Huan a batna le a kisusia, a kiluhgawp, a kinusiacip khuapite pen tu-in a muanhuai kulh tawh ki-umin a sungah mi a tenna thu mi khempeuh in gen belin nei ding uh hi.

Amos 7:4

Tua ciangin Topa Pasian in hih bangin hong musak leuleu hi: Meikuang tawh a mite gim a pia dingin amah hong kithawi a, tuipite keutum sakin leitung zong a haltum dingin a hong kipan hi.

Habakkuk 1:6

A omkhong thei lo, a kihtakhuai Khaldea mite, a vang ka liansak ding a, leitung khempeuhah amaute pai-in gam khempeuh a zo mangkhin ding uh hi.

Zekhariah 7:14

Tua ahih manin Topa in, “Huihpi’ mutkhiat bangin amaute thehthang gawpin, a theihngei nai lohna uh gam dangah amaute teng ding uh hi. Amau’ nusiat leitang hoih zong gamkhing suak ding a, a tungah kuamah om nawn loin daicip ding hi,” a ci hi.