Joel 2:26 - Tedim Bible

²⁶ Tu-in nek ding tampi nei-in na gil uh vah ding a, note a dingin a lamdang nate a hong bawlsak Topa na Pasian uh na phat ding uh hi. Tua ciangin ka mite hong kisimmawh nawn lo ding hi.

Tedim Bible Revision 2017

²⁶ Tu-in nek ding tampi nei-in na gil uh vah dinga, note adingin a lamdang nate a hong bawlsak Topa na Pasian uh na phat ding uh hi. Tua ciangin ka mite hong kisimmawh nawn lo ding hi.

Joel 2:26 Iomraidhean Croise

Piancilna 33:11

Nang’ kianga hong kipaipih ka letsong nong san nadingin hong thum ing. Bang hang hiam cih leh Pasian in kei hong hehpih mahmah a, a kicing ka nei hi,” a ci hi. Tua bangin amah in kun teitei ahih manin Esau in zong a sang hi.

Nehemiah 9:25

Tua hi a, amaute in kulhnei khuapite le gam hoihte la uh a, na hoih tampi tawh a kidim innte, suang kikhuak tuibemte, leenggui lote, oliv lote, le nek theih singgah kung tampi a luah uh hi. Amaute in tuate ne-in gilvahin thau uh a, nangma hoihna hangin nuamsa mahmah uh hi.

Late 103:5

Muvanlai bangin ka tha a hat theih nadingin thupha namkim hong pia hi.

Late 116:7

Lungmuang takin ka om ding hi; bang hang hiam cih leh keima tungah Topa hong thunuam hi.

Late 13:6

Nong hehpihna kicing ahih manin, Topa, la kong sak ding hi.

Late 22:26

Gimna a thuakte in kham takin ne ding uh a, amah a zongte in Topa phat ding uh hi. A lungsim uh nuam tawntung ta hen!

Late 37:19

Siatna hun ciangin amaute kimaizumsak lo a, kial hun ciangin tampi nei uh hi.

Late 67:5

Pasian aw, mi khempeuh in nangmah hong phat hen la, mi khempeuh in nangmah hong pahtawi tahen.

Late 72:18

Na lamdangte a bawl amah bek ahi Israel Pasian, Topa in thupha ngah tahen.

Paunak 13:25

Thuman mi in a kham ding nei-in gilvah a, a gilo mi in nektawm ding nei loin a gil a kial hi.

Solomon la 5:1

Itluat ka lawmnu aw, ka huansung hong tungzo ing. Ka paknamtuite ka kaikhawm hi. Ka khuaizu le ka khuailuzu ka ne a, ka leenggahzu le ka bawngnawite ka dawn hi. Nungak le tangval aw, na lungkim piikpeek dongun ne-in dawnin nuamsa un.

Isaiah 25:1

Topa aw, nang pen keima Pasian na hi hi. Nangmah kong liansak ding a, nangma min ka phat ding hi. Bang hang hiam cih leh a lamdang nate na sem khin a, tanglai peka na geelnate a kip a kho takpi ahi hi.

Isaiah 29:22

Tua ahih ciangin Abraham a honkhia Topa in Jakob innkuan tawh kisai thu a genin-ah: “Jakob maizum nawn lo ding a, a mai khing nawn lo ding hi.

Isaiah 45:17

Ahih hangin Topa in Israel-te honkhia hi. A tawntungin gualzo ding uh a, cikmah hunin maizumna thuak ngei lo ding uh hi,” a ci hi.

Isaiah 49:23

Kumpite pen nang hong kem na pate hong hi ding a, kumpinute pen nang hong khoi na nute hong hi ding hi. Amaute in a maitang uh leilak ngatin nang kiangah hong kun ding uh a, na khe-a leivui baangte a liak ding uh hi. Tua ciangin kei pen Topa ka hihna na hong thei ding hi. Kei hong muangte maizum lo ding hi,” a ci hi.

Isaiah 54:4

Lau kei in, maizumna na thuak kei ding hi. Cihna ding thei loin om kei in; maizumin nang hong kikoih lo ding hi. Bang hang hiam cih leh na khangno lai-in na zulhtatna le na meigonna hangin hong kikonate na phawkkha nawn kei ding hi.

Isaiah 55:2

An ahi lo nate lei nadingin bang hangin na sum uh zang a, hong gilvahsak thei lo nate ngah nadingin bang hangin na sem na hi uh hiam? Keima thu limtakin ngai-in a limci an ne unla, anlimte ah nuamsa-in om un.

Siampi Laibu 25:19

Leitang in an hong piangsak ding a, note in na khamtakun ne-in, lungmuang takin na teng ding uh hi.

Siampi Laibu 26:26

Keimah in note’ nuntakna an ka suksiat ciangin, an kicing lo ahih manin nupi sawm in meibung khat sungah na anlum uh emkhawm ding a, na anlum uh a tawitehin hong piakhia kik ding hi. Note in na ne ding uh a, na khamzo kei ding uh hi.

Siampi Laibu 26:5

Na cil uh ante leenggah lawh hun dong kimang ding a, leenggah minte zong lopawi hun dong kimang ding hi. Note in na khamtakun an na ne ding uh a, lungnuam takin na gam sung uhah na teng ding uh hi.

Micah 6:14

An na nek hangun na kham kei ding uh a, na gil uh kiallai veve ding hi. Na na koihcing uh hangin phatuam lo ding hi. Galte in tua na koihcing uh nate susia veve ding hi.

Zefaniah 3:11

Tua hun ciangin ka mite in kei nong lehdona hangun maizumna ding bangmah om nawn lo ding hi. Note lak panin a kiphasak, a kihisak mite ka hawlkhia ding a, Jerusalem khua-a ka mual siangtho tungah kei nong lehdo nawn kei ding uh hi.

Zekhariah 9:15

Vanglian Topa in ama mite hu ding a, ama mite in a galte uh susia ding hi. Galdona sungah zukham bangin awng gawp ding uh a, a galte uh’ sisan luangsakgawp ding uh hi. Biakna site, biakna tau tungah hai a sun tawh kibangin a luangsak ding uh hi.

Zekhariah 9:17

Tua thu bangzah takin hoihin nuam ding ahi hiam? Anlim nekna in tangvalte thahatsak ding a, zulim nekna in nungakte thadimsak ding hi.

ROM (Romans) 10:11

Lai Siangtho in, “Amah a um mi peuhmah tavai lo ding hi,” ci hi.

ROM (Romans) 5:5

Pasian in eite tungah a hong piak a Kha Siangtho tawh eite sungah ama itna hong guang ahih manin hih lametna in eite hong lungkiasak ngei lo hi.

ROM (Romans) 9:33

Lai Siangtho in, “En un, keimah in Zion-ah mite a muktuk theih nading, mite a puktheih nading suang khat ka koih hi. Ahi zongin amah a muang mite khempeuh tavai cih om ngei lo ding hi,” ci hi.

Thu-hilhkikna 11:15

Amah in na ganhingte uh a dingin na gam sung uhah lopa hong posak ding a, note in zong an ne-in na gil uh vah ding hi.

Thu-hilhkikna 12:12

Topa na Pasian uh mai-ah note le na tapate uh le na tanute uh, na nasem numeite uh le na nasem pasalte uh, le note’ neih bangin tanh ahi a, luah ahi zongin a nei lo na khuasung uha om Levi mite tawh lungdam khawm un.

Thu-hilhkikna 12:18

Topa na Pasian un a teelna munah note le na tapate le na tanute, na nasem numeite le na nasem pasalte, le na khuapite uh sunga om Levi mite in Topa na Pasian uh mai-ah na ne ding uh hi. Na hihna khempeuh uhah Topa na Pasian uh mai-ah na lungdam ding uh hi.

Thu-hilhkikna 12:7

Topa na Pasian uh mai tua lai munah na ne ding uh a, Topa na Pasian un note thupha hong piakna hangin na hihna khempeuh uhah note le na innkuanpihte na lungdam ding uh hi.

Thu-hilhkikna 8:10

Note in ne-in na gil uh vah ding a, note tungah gam hoih hong piakna hangin Topa na Pasian uh na phat ding uh hi.

1 TIMOTI MASA 6:17

Tuhuna a hau mite kisatheikha loin, a kip lo hauhnate muan le suanin neikha loin, eite in nuamtakin i zat theih dingin citna tawh a hong pia Pasian a muan a suan nadingun na hilh in.

1 JOHAN MASA 2:28

Ka itte aw, Khrih hong kilatkik ciangin lungmuang takin i omtheih nading le ama hong pai Ni ciangin i bukbuk loh nadingin amah tawh kiptakin kipawl ni.