Joel 2:21 - Tedim Bible

²¹ “Lote aw, lau nawn kei unla, lungdam kipakin om un. Topa in note a dingin a lianpi hong bawlsak zo hi.

Tedim Bible Revision 2017

²¹ “Lote aw, lau nawn kei unla, lungdam kipakin om un. Topa in note adingin a lianpi hong bawlsak zo hi.

Joel 2:21 Iomraidhean Croise

Piancilna 15:1

Hih thute khit ciangin mang sungah Topa’ thu Abram’ tungah hong tung a, “Abram aw, lau kei in. Keimah in lauhuaina panin nang ka hong hu ding a, na thaman lian mahmah ding hi,” a ci hi.

Late 71:19

Pasian aw, na vangliatna le na thumanna in van sangpite banto hi. Pasian aw, na lianpipi na sem khinzo hi. Nang tawh a kibang kua om ahi hiam?

Late 98:8

Gunte aw, na khut uh beeng un. Mualte aw, Topa’ mai-ah lungdamin la sa un. Bang hang hiam cih leh leitung a uk dingin amah hong pai ta a, thumanna tawh leitung mite’ thu ahi ding bangin hong khen ding hi.

Isaiah 35:1

Gamlak le lei keuna gam lungdam ding a, sehnel gam lungdamin palhkhia ding hi. Unok pak bangin

Isaiah 41:10

nang hong ompih ka hih manin lau kei in. Na Pasian ka hih manin lungkia kei in. Nang hong thakhauhsakin ka hong huh ding a, nang hong huhin ka hong honkhia ding hi.

Isaiah 44:23

Vantungte aw, Topa in tua thu sem khin ahih manin la sa un. Lei thuknate aw, awng un. Mualte aw, la sa-in awngkhia un. Tulak le a sunga om sing khempeuh aw, awng un. Bang hang hiam cih leh Topa in Jakob honkhia khin a, Israel sungah amah kiminthangsak ding hi.

Isaiah 54:4

Lau kei in, maizumna na thuak kei ding hi. Cihna ding thei loin om kei in; maizumin nang hong kikoih lo ding hi. Bang hang hiam cih leh na khangno lai-in na zulhtatna le na meigonna hangin hong kikonate na phawkkha nawn kei ding hi.

Isaiah 55:12

Bang hang hiam cih leh Babylon panin lungdamna tawh na paikhia ding uh a, nopsakna tawh hong kipaikhiatpih ding hi. Note mai-a mual liante le mual neute inla sa-in awng ding uh a, gam sunga sing khempeuh in a khut uh beeng ding uh hi.

Jeremiah 33:3

Kei nong sap leh kong dawngkik ding a, na theih ngei nai loh a ki-imcip thu lianpite kong gen ding hi.

Hosea 2:21

Tua ni ciangin keima mi Jezreel-te’ thungetna ka pia ding a, leitungah guah ka zusak ding hi.

Joel 2:20

Leilu lam gam panin a hong pai mite, note kiang panin sehnel gamah ka hawlkhia ding a, a madawkte uh nisuahna tuipi sungah khia-in, a nungdalte uh nitumna tuipi sungah ka khia ding a, amaute in note tungah hong bawlna hangin a luanghawmte uh uihgawp ding hi.

Joel 2:26

Tu-in nek ding tampi nei-in na gil uh vah ding a, note a dingin a lamdang nate a hong bawlsak Topa na Pasian uh na phat ding uh hi. Tua ciangin ka mite hong kisimmawh nawn lo ding hi.

Zekhariah 8:15

Ahi zongin tu-in Jerusalem khua mite le Judah gammite tungah thupha piak ding ka ngaihsun hi. Tua ahih ciangin lunghimawh kei un.

Thu-hilhkikna 4:32

“Pasian in leitungah mi a piansak ni a kipan, note’ pian’ ma-a hun beisa thu tu-in kan unla, van mong khat pan mong khat kikal thu zong kan un. Hih bang na lian piang ngei-in, a kiza ngei peuhmah hiam?

1 SAMUEL MASA 12:16

Tua ahih ciangin tu-in taang loin ding unla, note’ muhna-ah Topa in a hih ding hih na lian en un.

1 SAMUEL MASA 12:24

Topa zahtak unla, na lungsim khempeuh uh tawh citakin ama na sem un; bang hang hiam cih leh note a dingin amah in na lian hong bawlsaksate ngaihsun un.