Joel 2:2 - Tedim Bible

² Tua ni pen a mial, a lungzinhuai, meii kai-in khuazin’ ni ahi ding hi. Mualtung a meiipi kai bangin simzawh lohin kauphe honpi hong leeng muaimuai hi. Cikmahin hih bang thu omngei nai lo a, cikmah ciangin zong omkik nawn lo ding hi.

Tedim Bible Revision 2017

² Tua ni pen a mial, a lungzinhuai, meii kai-in khuazinʼ ni ahi ding hi. Mual tung a meiipi kai bangin sim zawh lohin kauphe honpi hong leeng muaimuai hi. Cikmahin hih bang thu omngei nai lo a, cikmah ciangin zong omkik nawn lo ding hi.

Joel 2:2 Iomraidhean Croise

Late 10:6

A lungsim sungah, “Kiling ngei kei ning; khang tawntungin kamsiatna tuak kei ning,” ci-in a ngaihsun hi.

Late 97:2

Meiipite le khuamial sahpite ama kiimah om a, thumanna le thutannate ama tokhom bulpi ahi hi.

Paikhiatna 10:14

Tua masiah kauphe hon tua banga a tam a om ngei lo, cikmah ciangin zong a omkik ngei lo ding, Egypt leitang tung khempeuhah kauphe hong om a, Egypt gam buppi-ah a dim uh hi.

Paikhiatna 10:6

nangma innte le na nasemte khempeuh le Egypt mite’ inn khempeuhah dim ding uh hi. Na pu na pate uh leitang tungah a pian’ uh a kipan tuni donga tua bang a muh ngei lohte uh hi ding hi,’ ci hi,” ci-in a gen hi. Tua ciangin amah kihei-in Faro’ kiang panin a paikhia hi.

Paikhiatna 20:21

Pasian’ omna meii sah nai-ah Moses a pai laitakin mite a gamla-ah a ding uh hi.

Isaiah 5:30

Tua ni ciangin amaute in tuipi ging bangin Israel ngik ding uh hi. Mi khatpeuh in hih gam sung en leh khuamial le lungzinna bek om a, meiite in khua a mialsak hi.

Isaiah 8:22

Amaute in leilak a etsuk hangun, lungkhamna le khuamialna, lungzinga gimna bek om hi. Khuamial ngeungau sungah amaute kihawlkhia ding hi.

Jeremiah 13:16

Topa in khua mialsak a, khuamialna mualtungah na tuk ma un, na lamet uh khuavak pen khuamial bikbek a suah ma-in, Topa na Pasian uh pahtawi un.

Jeremiah 13:6

Tua zawh ni tampi khit ciangin Topa in kei kiangah, “Eufratis gun-ah va pai inla, na seel dingin ka hong sawl na dialkaih va lakik in,” hong ci hi.

Kah la 1:12

A kiim a pamah a pai mi khempeuh kiangah, “Hong en in, kei’ thuak zahin gimna a thuak, Topa in a heh laitakin a hong thuaksak gimna a thuak kei longal, midang kuamah om lo hi,” ci-in a kiko hi.

Ezekiel 32:7

Nang kong suksiat ni ciangin vanpi ka khuhcip ding a, aksi ka mialsak ding hi. Ni, meiipi ka liahsak ding a, kha, ka mialsak ding hi.

Ezekiel 34:12

Tuucingte in a kithehthang tuute kaikhawmin a kep bangin keimah in donin ka kem ding hi. Tua bang a lauhuai siatna ding hun laitakin a kithehthangna uh mun khempeuh panin ka kaikhawm ding hi.

Ezekiel 38:9

Nang le na galkap honpite le nang hong pawlpih minam tampite in khuapi huih bangin na simgawp ding uh a, meiipi bangin a gam sung khempeuh na tuamcip ding uh hi.

Daniel 12:1

Tua ciangin saihadial puan a silh vantungmi in, “Na mite a cing, a lian vantungmi Mikhael hong kilang ding hi. Tua ciangin leitungah mihing a pianzawh a kipan a nasia penpen gimna hun hong tung ding hi. Tua hun a hong tun ciangin Pasian’ laibu sungah a min a kigelh na mite khempeuh kihonkhia ding hi.

Daniel 9:12

Na gensa bangin kote tung le ko hong ukte tungah na hong bawlzo hi. Leitung a om khuapi dang khatpeuh sangin Jerusalem khuapi a nasia zaw-in gim na pia hi.

Joel 1:6

Kauphe honpi in i gam hong sim a, amaute tam mahmah uh a, hat mahmah uh hi. A ha uh humpinelkai ha bangin hiam a, humpinelkaipi ha bangin gupha mahmah hi.

Joel 2:25

Note a hong sim dingin ka hong sawl kauphe honpi, a tuan kauphe, a susia kauphe, a pettan kauphe, hih ka galkap honte in a hong neksak kum sungin a piang ding teng tang kong piakik ding hi.

Joel 2:31

Topa’ ni, tua a lauhuai hun a hong tun ma-in ni hong mialin, kha, sisan hong bang ding hi.

Joel 2:5

Mualtung tengah a tuan zuazua laitakun sakol leeng ging zuazuate le gamlak a lopa omte kangin a puak ziazua tawh kibang uh a, galsim dingin a kithawi, galkap honpi tawh kibang uh hi.

Joel 3:4

“Taia khua, Sidon khua, le Filistia gam khempeuh aw, kei bang hong cih nuamin a kinei na hi uh hiam? Bang khat peuhpeuh hangin hong thukkik nuamin a kinei na hi uh hiam? Kei a hong thukkik na hih uhleh, kei zong manlang takin kong thukkik pah ding hi.

Amos 4:13

Bang hiam cih leh mualte bawlin huihte a piangsak pa, ama ngaihsutna mihingte tungah kilang sakin, sun nitaang kimlai zanin a bawlpa, leitung khempeuh a ukpa’ min, Topa, Vanglian Pasian ahi hi.

Zefaniah 1:7

Topa Pasian’ mai-ah gamdai takin om un! Topa’ ni hong naita hi. Topa in biakna-a sa gawh bangin a mite a go dingin kithawi a, a gawh ding mite siansuah khin hi.

Zekhariah 14:6

Tua ni hong tun ciangin khuadam, vukkiat cihte om nawn lo ding a,

Mattiu 24:21

Bang hang hiam cih leh leitung piancil a kipan tuhun dong, cikmahin tua bang haksatna a om ngei lo, nidang ciangin zong a om ngei nawn lo ding, tua hun laitakin hong tung ding hi.

Marka 13:19

Bang hang hiam cih leh Pasian in leitung a piansak cil a kipanin tuhun dong, cikmahin tua bang haksatna a om ngei lo, nidang ciangin zong a om ngei nawn lo ding, tua hun laitakin hong tung ding hi.

Thu-hilhkikna 32:7

“A beisa hunte phawk unla, khang tampi hunte ngaihsun un. Na pate uh dong le-uh cin, hong hilh ding uh a, na upate uh dong le-uh cin hong gen ding uh hi.

Hebru 12:18

Israel mite in a tuahsa bangin note in Sinai Mual tunga meikuang, khuamial le lungzinna, huihpi,

Juda 1:13

a sepna uh tawh amau mah’ maizum nading a piangsak tuipi hualte, le Pasian in amaute’ om nadingin leisung khuamial thukpi a koihsak tawntung, a lampial aksite tawh kibang bek uh hi.

Mangmuhna 9:2

Amah in tua kuahawm thukpi a hon ciangin meiphualpi panin meikhu bangin meikhu tampi hong pusuak a, tua meikhu hangin ni mialin khim a zing hi.