Joel 2:19 - Tedim Bible

¹⁹ Topa in ama mite’ thungetna dawng a, “Tu-in note tungah an, leenggahzu le sathau ka hong pia a, na kham takun na ne ding uh hi. Minam dangte’ simmawhin na om nawn kei ding uh hi.

Tedim Bible Revision 2017

¹⁹ Topa in ama miteʼ thungetna dawng a, “Tu-in note tungah an, leenggahzu le sathau kong pia a, na kham takun na ne ding uh hi. Minam dangteʼ simmawhin na om nawn kei ding uh hi.

Joel 2:19 Iomraidhean Croise

Jeremiah 31:12

Amaute hong pai-in Zion mual tungah ngaihtakin la sa ding uh a, Topa’ hehpihna ahi, buh, leenggahzu, sathau le tuuno, bawngnote’ hangin amaute a lungdam mahmah ding uh hi. A nuntakna uh, tui a kibuak huan bang ding a, lungkham nawn lo ding uh hi.

Ezekiel 34:29

Amaute tungah logam hoih pia ding ka hih manin gam sungah gilkial dangtak om nawn lo ding hi. Minam dangte in amaute simmawhbawl nawn lo ding uh hi.

Ezekiel 36:15

Minam dangte’ hong kobawlna za nawn loin, a hong mindaisakna uh na thuak nawn kei ding uh a, na sung uhah a teng mite’ tate zong no Israel mualtung gamte in na laksak nawn kei ding uh hi. Topa Pasian in hih thu ka gen khin hi,” hong ci hi.

Ezekiel 36:29

Note hong ninsak thei ding na khempeuh panin kong hu ding hi. An tampi ka piangsak ding a, gilkial na thuakkha nawn kei ding uh hi.

Ezekiel 36:30

Na singgah kungte uh le na lolai ante uh tampi tak ka phasak ding a, minam dangte lakah gilkial a mindaina na thuakkha nawn kei ding uh hi.

Ezekiel 39:29

Israel mite tungah ka kha ka sung ding a, amaute ka nungngat nawn kei ding hi. Topa Pasian in hih thu ka gen khin hi,” hong ci hi.

Hosea 2:15

Tua lai panin a leenggui lote ka piakik ding a, Lungkhamna Kuam a cihnopna Akhor Kuam pen lametna kongpi ka suaksak ding hi. Egypt panin a paikhiat, a nungakno hun lai mah bangin ka thugennate hong ngai ding hi.

Hosea 2:21

Tua ni ciangin keima mi Jezreel-te’ thungetna ka pia ding a, leitungah guah ka zusak ding hi.

Hosea 2:22

Leitung in an, leenggahzu le sathaute piangsak ding hi.

Joel 1:10

Lo ante kisusia a, leengguite keutum hi. Oliv kungte keugaw a, lolai-ah bangmah om nawn lo ahih manin leitang lungzuangin a thum hi.

Joel 2:24

Na ancilna phual uh an tawh kidim ding a, na koihna uh umlebeel khempeuh leenggahzu le sathau tawh kidim ding hi.

Siampi Laibu 26:5

Na cil uh ante leenggah lawh hun dong kimang ding a, leenggah minte zong lopawi hun dong kimang ding hi. Note in na khamtakun an na ne ding uh a, lungnuam takin na gam sung uhah na teng ding uh hi.

Zekhariah 8:12

Lungnuam takin lokho singpua-in nuam a sa ding uh hi. Leengguite gahpha ding a, guah tampi zu-in lo-ah an tampi piang ding a, a suaktalai ka minamte tungah hih bang thupha khempeuh ka tungsak ding hi.

Mattiu 6:33

Thudang khempeuh sangin Pasian’ ukna le ama deihna na zuih theih nading uh thupi ngaihsut masazaw un. Tua hileh hih na kisapna dangte khempeuh uh zong hong piathuah veve ding hi.

Thu-hilhkikna 11:14

na an uh le na leenggahzu uh le na sathau uh na kaihkhop theih nadingun amah in guah masa le guah nunung, a hunin na leitang uh a dingin hong zusak ding hi.

Ruth 1:6

Tua ciangin tua nu a mo tegel tawh Moab gam panin a ciahkik dingin kithawi hi. Bang hang hiam cih leh Topa in a mite kemin an a piakna thu Moab gam sung panin amah in za hi.