Joel 2:17 - Tedim Bible

¹⁷ Topa’ na a sem siampite, biakinn sung innliim le biakna tau kikalah kapin thu ngen uh hen la, “Topa aw, na mite hong hehpih in. Minam dangte in, ‘Na Pasian uh koi-ah om ahi hiam,’ ci-in kote hong simmawhsak kei in. Amaute’ nuihsatin kote hong omsak kei in,” ci uh hen.

Tedim Bible Revision 2017

¹⁷ Topaʼ na a sem siampite, biakinn sung innliim le biakna tau kikalah kapin thu ngen uh henla, “Topa aw, na mite hong hehpih in. Minam dangte in, ‘Na Pasian uh koi ah om ahi hiam,’ ci-in kote hong simmawhsak kei in. Amauteʼ nuihsatin kote hong omsak kei in,” ci uh hen.

Joel 2:17 Iomraidhean Croise

1 KUMPI MASATE 6:3

Biakinn mai-ah a innliim pen biakinn zaina zahin pi sawmthum sau a, inn mai lamah pi sawm le nga sang hi.

1 KUMPI MASATE 9:7

amaute ka piaksa leitang panin Israel mite ka lakhia ding hi. Tua ciangin ka min dingin ka apsa biakinn pen ka muhna panin ka lawnkhia ding a, Israel-te pen mi khempeuh lakah paunak le thugentehna suak ding hi.

2 KHANG TANGTHU NIHNATE 7:20

note’ tungah kong piaksa leitang panin note kong botkhia ding hi. Tua ciangin ka min dingin ka apsa hih biakinn ka muhna panin ka lawnkhia ding a, mi khempeuh lakah paunak le gentehna ka suaksak ding hi.

2 KHANG TANGTHU NIHNATE 8:12

Tua ciangin Sabbath nite, Khadet nite, le kum simin a kinei pawi thum - silngo sawh loh anlum pawi, nipikal pawi, le biakbuk pawite a dingin Moses’ thupiakna tawh kizui-in nisimin piakna nasep ding a kisam ahih mah bangin innliim mai-a a lam Topa’ biakna tau tungah Solomon in meihal biakna Topa tungah a pia hi.

Nehemiah 9:36

Tu-in kote sal ka hi uh hi. Ka pu ka pate un a leitang pana piangte ne-in a na hoih khempeuhte nuamtakin a ngah nadingun na piak gam hih lai munah kote sal ka hi ta uh hi.

Late 115:2

Bang hangin minam dangte in, “Amaute’ Pasian koi-ah om ahi hiam?” ci laizang ding ahi uh hiam?

Late 42:10

Ka langte in kei tungah, “Na Pasian koi-ah om ahi hiam?” hong cihcih sungteng, ka sungah meima nai tawm bangin hong tum ngangngang hi.

Late 42:11

Bang hangin khakunkun a, lunghimawh niloh ka hi hiam? Pasian’ sungah lametna nei ning; bang hang hiam cih leh kei a hong huh ka Pasian ka phatkik ngawn ding hi.

Late 42:3

Mite in keima tungah, “Na Pasian koi-ah om ahi hiam?” hong cihcih sungteng, sun le zanin ka khitui an-in ka ne hi.

Late 42:4

Ka lungsim sung ka suahkhia a, pawi bawl mihon khat kipakin otna le nuamna la tawh Pasian’ inn-ah ka makaihna, mihonpi tawh ka paina ka phawkkik hi.

Late 74:10

Pasian aw, ka galte in bang tanvei hong thusim loin om ding ahi hiam? Langpangte in nangma min hong simmawh den ding ahi uh hiam?

Late 79:10

“Amaute’ Pasian koi-ah om ahi hiam?” minam dangte in a cih ding kilawm ding ahi hiam? Na nasemte’ sisan luangkhia a phulakna pen, minam dangte’ lak, komau’ muhna-ah kitheisak in.

Late 79:4

Kote pen ka vengte uh’ zahko, ka kiim uha omte in a hong ko a hong nuihsat ka suak khinta uh hi.

Late 89:41

A pai khempeuh in ama nate sutgawp uh a, amah pen a vengte’ nuihsat a suak hi.

Paikhiatna 34:9

Amah in, “Tu-in na muhna-ah maipha ka muh leh, Topa aw, kong thum hi; lungkhauh mite ka hita uh zongin kote’ kiangah Topa hong pai in. Kote’ mawhna le kote’ khialhna hong maisak inla, nangma mi dingin kote hong sang in,” a ci hi.

Isaiah 22:12

Tua ni ciangin Vanglian Topa Pasian in kahna le thumna, sam mettolna le puanhampi silhna a zang dingin thu hong pia hi.

Isaiah 37:20

Tua ahih ciangin Topa kote’ Pasian aw, nang bek Topa na hihna thu leitung kumpi gam khempeuh in a theih nadingin, tu-in ama khutsung panin kote hong honkhia in,” a ci hi.

Ezekiel 20:9

Ahi zongin Egypt gam panin no Israel mite kong paikhiatpih ding hi, ci-in amau’ ompih mite’ zakin gen khin ka hih manin, tua bangin gim thuaksak leng keima min a daisak suak ding, cih ngaihsutna hangin gim ka pia kei hi.

Ezekiel 8:16

Tua ciangin biakinn tual sungnungah hong paipih hi. Tua lai-ah biakinn kongkhak gei, biakna taute le innliim kikal sanah mihing sawmnih le nga khawng na om a, biakna tau nungngatin nisuahna lam nga-in nisuak tung na bia uh hi.

Hosea 14:2

Topa’ lamah kihei unla, “Ka mawhna khempeuh uh hong maisak inla, kong thumna uh hong ngai in. Ka kampauna bangun kong gamta ding uh hi.

Joel 1:13

Siampite aw, puanhampi silhin kap un; biakna tau-a nasemte aw, thumin tau un. Ka Pasian’ na a semte aw, biakinn sungah tum unla, zanthapai-in dahna lim puanhampi silh un. Note’ Pasian’ biakinn sungah piak ding an le leenggahzu khat zong om nawn lo hi.

Joel 1:9

Topa’ biakinn-ah biakna-in piak ding an le leenggahzu om nawn lo a, Topa’ na a sem siampite thumin a tau uh hi.

Amos 7:2

Kauphe in gam sung lopate a gaih khit ciangin, keimah in Topa tungah ka thum a, “Topa Pasian aw, na mihingte’ mawhna maisak in. Amaute minam tawm hi a, zawngkhal uh ahih manin bangci-in thuakzo ding ahi uh hiam?” ka ci hi.

Amos 7:5

Tua ciangin Topa Pasian kiangah ka thum a, “Topa aw, khawl dih in. Na mite, minam tawm hi a, zawngkhal mahmah uh ahih manin bangci-in thuakzo ding uh ahi hiam?” ka ci hi.

Micah 7:10

Tua hun ciangin ka galte in hih thu hong mu ding uh a, “Na Topa Pasian, koi-ah om ahi hiam?” ci-in a hong tawng ka galte a maizum ding uh hi. Amaute guallel ding uh a, kongzing buannawng bangin a kisikgawp mu-in, kei ka nuam ding hi.

Malakhi 1:9

Tua ahih ciangin no siampite aw, Pasian in eite hong hehpih theih nadingin ama kiangah thum un. Na hih ngeisa bangun na nget uh hangin na ngetnate uh hong pia lo ding hi; tua pen nomau’ khialhna ahi hi.

Gamlak-vakna 25:6

Kikhopna bukkongah amaute kapin a om laitak, Moses’ muhna le Israel mihon buppi’ muhna-ah Israel mite khat hong pai-in, Midian numei khat ama innkuanpihte kiangah hong ciahpih hi.

Mattiu 23:35

Tua thu hangin, mawh nei lo Abel a kithah hun a kipanin biakinn le biakna tau kikal-a na thah uh, Barakhiah’ tapa Zekhariah hun ciang dongin, mawhna nei lo a kithat mite khempeuh hangin gimna note in na thuak ding uh hi.

Mattiu 27:43

Amah in, ‘Kei, Pasian’ Tapa ka hi hi,’ ci ahih manin, amah in Pasian muanin a nei hi. Pasian in a hotnop leh tu-in honkhia ta hen,” a ci uh hi.

Thu-hilhkikna 28:37

Topa in note hong paikhiatpihna mite lakah a cikzethuai, paunak, le gentehna na suak ding uh hi.

Thu-hilhkikna 32:27

Amau’ langte in ngaihsun khialin, amaute in, “Eite i gualzo hi. Topa in hihte khempeuh bawl lo hi,” hong ci kha ding uh ahih manin galte’ hong phin ding ka lau hi,’ a ci hi.

Joshua 7:9

Bang hang hiam cih leh Kanaan mite le hih gam a teng mi khempeuh in hih thu za ding uh a, kote hong umcihin leitung panin kote hong phiatkhia mang ding uh hi. Tua ciangin a lian mahmah nangma min bang cih ding na hi hiam?” a ci hi.