Joel 2:16 - Tedim Bible

¹⁶ Mite kaikhawm unla, amaute siansuah un. A khangham mite sam unla, naupangte zong kaikhawm un. Nawine lai naungekte zong paipih un. A kiteng cil nungak le tangvalte nangawn in a omna uh nusia-in hong pai uh hen.

Tedim Bible Revision 2017

¹⁶ Mite kaikhawm unla, amaute siansuah un. A khangham mite sam unla, naupangte zong kaikhawm un. Nawi ne lai naungekte zong paipih un. A kiteeng cil nungak le tangvalte nangawn in a omna uh nusia-in hong pai uh hen.

Joel 2:16 Iomraidhean Croise

2 KHANG TANGTHU NIHNATE 20:13

Tua laitakin Topa’ mai-ah Judah mi khempeuh a taneute, a zite, le a naupangte uh tawh a ding uh hi.

2 KHANG TANGTHU NIHNATE 29:5

amaute kiangah, “Levi mite aw, ka thugen hong za un! Tuni-in nomau kisiansuah unla, na pu na pate uh Pasian, Topa’ biakinn siangthosakin a ninsak thei na khempeuh siangtho mun panin nawnkhia un.

2 KHANG TANGTHU NIHNATE 30:17

Bang hang hiam cih leh a kikhawm lakah amau mah a kisiansuah nai lo tampi om uh hi. Tua ahih ciangin Topa’ tungah a siangtho-in a kibawl nadingun a nin khempeuh a dingin Levi mite in Paisan Pawi tuuno a gawh ding uh kisam hi.

2 KHANG TANGTHU NIHNATE 30:19

biakinn sianthona ngeina om bangin lungsim tak tawh nang hong biate khempeuh’ mawhna maisak in,” a ci hi.

2 KHANG TANGTHU NIHNATE 35:6

Tua ciangin Paisan Pawi bawlna ganhing go-in nomau mah kisiansuah unla, Moses’ tungtawnin Topa’ thugen bangin na sanggamte uh a dingin kithawi un,” a ci hi.

JOB (Job) 1:5

Tua banga a pawi bawl uh gual khat a kikhit ciangin Job in a tapate samin amaute siansuah a, zingsangin tho baihin a ta phazah tawh kizui-in meihal biakna a pia hi; bang hang hiam cih leh Job in, “Ka tate khialin, a lungsim sung uhah Pasian samsia khathei ding uh hi,” a ci hi. Tu-a bangin Job in hih tawntung hi.

Late 19:5

a innsung pan a hong pusuak zi pi tangval tawh ahi zongin, lungtaii takin tai ding a kipan mi thahat khat tawh ahi zongin a kibang hi.

Paikhiatna 19:10

Topa in Moses kiangah, “Mite kiangah pai inla, tuni le zingciang sungteng amaute siangthosakin, amau’ puante amau mah sawpsakin,

Paikhiatna 19:15

Amah in mite kiangah, “Ni thum ni ciangin a baihsa-in om un; numei tawh lumkhawm kei un,” a ci hi.

Paikhiatna 19:22

Amaute’ tungah Topa hehlua kha ding ahih manin, Topa’ kiangah hong pai siampite zong amau mah kisiangthosak tawm hen,” a ci hi.

Joel 1:14

An tan’ ding thu pia unla, a thupi biak kikhopna bawl un. Note’ Topa Pasian’ biakinn sungah makaite le gammi khempeuh kaikhawm unla, Topa’ tungah kiko-in thum un.

Mattiu 21:16

Jesuh kiangah, “Hih naupangte’ otna na za hiam?” ci-in a dong uh hi. Jesuh in, “Ka za hi. Lai Siangtho sungah, ‘Naungekte le naupangte’ kam tawh a cingtaak phatna na gen sak hi,’ a cihna thu sim ngei lo na hi uh hiam?” ci-in a dawng hi.

Mattiu 9:15

Jesuh in amaute kiangah, “Mopina pawi khatah, a zineipa a om sungin a mopawi simte dah dingin um na hi uh hiam? Dah het lo ding uh hi. Ahi zongin amaute kiang panin zineipa a kilakkhiat ding hun hong tung ding a, tua hun ciangin amaute in an a tang ding uh hi.

1 KORIN MASA 7:5

Thungetna-in hun na zattheih nadingun tawlkhat sung tuam om ding thukim khawm masa lopi-in lupkhop ding kinialkha kei un. Tua bangin tawlkhat sung na tuam om khit uh ciangin note’ pumpi’ deihna hangin Satan’ ze-etna sungah na pukkhak loh nadingun a ngeina bangin lupkhop ding kipan kik un.

Joshua 7:13

Tho in, mite siansuah inla, ‘Zing cianga dingin note kisiansuah tawm un. Bang hang hiam cih leh Israel Pasian Topa in, “Israel mite aw, note’ lakah a ki-ap nate om hi. Note’ lak panin a ki-ap nate na lakkhiat matengun na galte uh na nangzo kei ding uh hi,” ci hi.

Joshua 8:35

Moses in a thupiak kammalte khempeuh Israel mihonpite, numeite, le amaute lakah a teng peemtate mai-ah Joshua in a simloh khatzong om lo hi.

1 SAMUEL MASA 16:5

Amah in, “Thuhoih hi; Topa’ tungah biakna a pia dingin kong pai hi. Note ki-ap unla, biakpiakna-ah kei tawh hong pai un,” a ci hi. Amah in Jessi le a tapate apin, biakpiakna-ah amaute a sam hi.