Joel 2:13 - Tedim Bible

¹³ Na dah taktakna uh lungkhamna tawh langsak unla, na puante uh a balkek bek hi kei un,” hong ci hi. Topa, note’ Pasian kiangah ciahkik un. Amah migi mahmahin hehpihna a nei hi a, a lungduai-in hong huh nuam tawntung a, gim hong pia loin hong maisak nuam tawntung hi.

Tedim Bible Revision 2017

¹³ Na dah taktakna uh lungkhamna tawh langsak unla, na puante uh a bal kek bek hi kei un,” hong ci hi. Topa, noteʼ Pasian kiangah ciahkik un. Amah migi mahmah in hehpihna a nei hi a, a lungduai-in hong huh nuam tawntung a, gim hong pia loin hong maisak nuam tawntung hi.

Joel 2:13 Iomraidhean Croise

Piancilna 37:29

Reuben dumah paikikin dum sungah Josef a om lohna a muh ciangin amah in a puan balkek a,

Piancilna 37:34

Tua ciangin Jakob in ama puan balkekin, a kawngah puanhampi teng a, a tapa’ hangin ni tampi sung a kap hi.

2 SAMUEL NIHNA 1:11

Tua ciangin David in ama puante lenin balkek a, amah tawh a om mite khempeuh in zong tua bangmahin a hih uh hi.

1 KUMPI MASATE 21:27

Ahab in hih thute a zak ciangin a puante balkek a, a pum tungah puanhampi silhin, an tangin puanhampi tungah lum a, maikhingin a vak kawikawi hi.

2 KUMPI NIHNATE 22:11

Kumpipa in thukham laibu sunga thute a zak ciangin a dahna hangin a puante a balkek hi.

2 KUMPI NIHNATE 22:19

amaute gamkhing le samsiat a ngahte a suah nadingin hih mun le a tungah a teng mite tungah ka kampauna na zak ciangin na lungsim kisikin Topa’ mai-ah nangmahmah kiniamkhiatin, na puante balkekin ka mai-ah na kahna thu, keimah in zong ka za hi, Topa in ci hi.

2 KUMPI NIHNATE 5:7

Israel kumpipa in a laikhak a sim ciangin amah in a puante balkekin, “Mi khat a phaknatna damsak dingin hih mipa in kei tungah hih thu hong puak nadingin a that ding le a nungtasak dingin kei, Pasian ka hi hiam? Ngaihsun dih un. Kei tawh kitotna ding a zonna thei un,” a ci hi.

2 KUMPI NIHNATE 6:30

Kumpipa in tua numei’ thugente a zak ciangin ama puante balkek hi. Kulhzangah kumpipa pai kawikawi a, mite khuadakin amah a et uh ciangin amah in a sung lamah puanhampi a silh mu uh hi.

2 KHANG TANGTHU NIHNATE 6:27

amaute a pai nading lampi hoih hilh inla, vantung panin za-in na nasem, na mi Israel-te’ khialhna maisak in. Tua ciangin na mite tungah gamh-in na piak leitang tungah guah zusak in.

Nehemiah 9:17

Amaute in thu mang nuam lo uh a, amaute lakah na bawl na lamdangte ngaihsun kha lo uh hi. Amaute lungkhauh niloh uh a, a salsuahna uh Egypt-ah a paipih kik dingin makai khat seh uh hi. Ahi zongin nang pen mawhna a maisak nuam, dikin hehpihna a nei, lungduai-in itna kip a nei Pasian na hi a, amaute na nusia tuan kei hi.

JOB (Job) 1:20

Hih thu a zak ciangin Job dahlua-in a puan balkek a, a sam met khia-in leilakah bok sukin Pasian a bia hi.

Late 103:8

Topa dikin hehpihna tawh kidim a, heh hakin, a lian mahmah itna kip tawh a kidim hi.

Late 106:45

Amaute a’ ding a ngaihsutna-in ama thuciamna phawk a, ama itna kip tawh kizui-in a kolsak hi.

Late 34:18

Lungsim kitamzante kiangah Topa hong om a, lungsim zangawpte a hon hi.

Late 51:17

Pasian’ san theih biakna pen lungsim kitamzan ahi hi. Pasian aw, a kitamzan, a kisik lungsim na simmawh kei ding hi.

Late 86:15

Ahih hangin Topa aw, nang pen a hehpih thei, a dik Pasian na hi a, heh hak mahmahin, itna kip le thumanna tawh a kidim na hi hi.

Late 86:5

Bang hang hiam cih leh Topa aw, nangmah hoihin mawhna na maisak a, hong ngente khempeuh tungah itna kip tampi na nei hi.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahipa in hih bangin ci hi: “Kei pen a sangna mun le a siangtho munah ka om a, a kiniamkhiat mite’ lungsim le a kisik mite’ lungsim a thakhauhsakkik dingin kisikna le kiniamkhiatna lungsim a neite tawh zong kei ka omkhawm hi.

Isaiah 58:5

Maugua kun bangin na lu uh kunsukin, puanhampi le vut tungah lumin, nomau na kigimsak tawmnate uh kei’ deih antanna nam sa na hi uh hiam? Hih bang hihna pen antanna man le Topa’ santheih pawl hi, ci ding na hi uh hiam?

Isaiah 66:2

Hih nate khempeuh keima bawlsa ahih manin hih nate khempeuh keima-a’ ahi hi, Topa in ci hi. Ahih hangin kiniamkhiatin, lungsim a kitamzan mipa, keima thu-ah lau-in a ling kelkel pa, keima deih mipa ahi hi.

Jeremiah 36:7

Topa’ tungah amaute thumin a vekpi-un a hoih lohna uh panin a kihei thei kha ding uh hi. Bang hang hiam cih leh hih mite’ tungah Topa in tunsak dingin a gensa a hehna le a thangpaihna lian mahmah hi,” ka ci hi.

Jeremiah 41:5

Shekhem, Shiloh, le Samaria khuate panin mi sawmgiat hong pai uh hi. Amaute in a khamul uh metin a puan uh balkekin, a pumpi uh a kikui gawpsa-in Topa’ biakinn-ah an tawh biakna le paknamtui tawh biakna a piak ding uh hong tawi khawm uh hi.

Jeremiah 42:10

Hih gamah note na omsuak uhleh note kong lam ding a, kong phel kei ding hi. Kong phut ding a, kong botkhia kei ding hi. Bang hang hiam cih leh note’ tungah siatna kong tunsak manin ka dah hi.

Ezekiel 9:4

“Jerusalem khuasung khempeuhah pai kawikawi inla, hih khuapi sungah a muhdahhuai gamtatnate a kisepna hangin dahin a lungkham mi khempeuhte’ taltangah ciaptehna va bawl in,” ci-in a sawl hi.

Hosea 14:1

Israel-te aw, note’ Topa Pasian’ lamah kihei kik un. Na mawhna hangun note na puk khin uh hi.

Jonah 3:9

Eite i sih loh nadingin Pasian kisikin a hehna damsak lo ding hi, kua in ci thei na hi uh hiam?” a cisak hi.

Jonah 4:2

Topa’ kiangah thu ngen a, “Kong thum hi, Topa aw; ka gam sungah ka omlai pekin hici mah in teh, ci hi lo ka hi hiam? Hanciamin Tarshish khua-ah ka taisimna zong tua hang mah ahi hi; bang hang hiam cih leh nang pen a hehpih thei Pasian, a hehhak, a migi mahmah, siatna tunsak ding a kisiknuam Pasian na hihna kong thei hi.

Micah 7:18

Topa aw, nang tawh a kibang Pasian dang om lo a, a omlai na mite’ mawhna nangmah in na maisak hi. Nang na heh paisuak kei a, na itna kip nong lak hi.

Nahum 1:3

Topa lungduai mahmah a, a vang zong lian mahmah a, ahih hangin mimawhte khahkhong ngei lo hi. A paina peuhpeuhah huihpi nungin pingpei kipei a, ama paina hanga leivui leeng meiipi kai tawh kibang hi.

ROM (Romans) 2:4

Pasian migi-in thu a diah hithiatna pen na kisikkik theih nading uh a deihna ahih lamtak phawkkha loin, a migitna, a lungduaina, a hong thuaknate neu ngaihsutkha na hi uh hiam?

Efesa 2:4

Tua bang hinapi-in Pasian’ hong hehpihna le eite hong itna lian mahmah ahih manin,

1 TIMOTI MASA 4:8

Pumpi kisekin kisinna manpha hi. Ahi zongin kha thu-ah kisekin kisinna pen tuhun laitak le a hong tung ding hunah nuntakna hong piathei ahih manin manphazaw lai hi,