Joel 2:12 - Tedim Bible

¹² Topa in hih bangin ci hi: “Tu mahmah nangawnin lungsim tak tawh kisik kikin, an tangin, kapin, thumna tawh kei kiangah hong paikik un.

Tedim Bible Revision 2017

¹² Topa in hih bangin ci hi: “Tu mahmah nangawnin lungsim tak tawh kisikkikin, an tangin, kapin, thumna tawh kei kiangah hong paikik un.

Joel 2:12 Iomraidhean Croise

2 SAMUEL NIHNA 24:10

Ahih hangin mi a sim khit ciangin David’ lungsim in amahmah gimsak hi. Tua ciangin David in Topa’ tungah, “Ka gamtatnasa sungah nakpitakin ka khial hi. Ahih hangin, tu-in, Topa aw, nang tungah kong thum hi; na nasempa’ mawhna hong maisak in; bang hang hiam cih leh ka hai gamtatkha khin hi,” a ci hi.

2 KHANG TANGTHU NIHNATE 30:6

Tua ahih ciangin kumpipa le a uliante kiang pana laikhakte tawh Israel khempeuh le Judah sungah laikhakte tawh pai uh a, kumpipa’ thupiakna: “Israel mite aw, Assiria kumpite’ khutsung panin a suakta, a omlai note’ lamah amah hong kiheikik theih nadingin Abraham, Isaac, le Israel Pasian, Topa’ lamah kiheikik un.

2 KHANG TANGTHU NIHNATE 6:27

amaute a pai nading lampi hoih hilh inla, vantung panin za-in na nasem, na mi Israel-te’ khialhna maisak in. Tua ciangin na mite tungah gamh-in na piak leitang tungah guah zusak in.

Esther 4:16

“Pai-in Susa khua sunga om Jew mi khempeuh khawm inla, keimah ngaihsutna-in an na tang un. A sun a zan ci loin ni thum sung an ne lo, tui dawn loin na om un. Na tan’ uh mah bangin kei le ka nasem numeite in zong ka na tang ding uh hi. Tua khit ciangin ngeina ahihloh hangin kumpipa kiangah ka va pai ding hi,” a ci hi.

Paikhiatna 33:5

Bang hang hiam cih leh Topa in Moses kiangah, “Israel mite’ tungah hih bangin gen in: ‘Note mi lungkhauh na hi uh hi. Note’ lakah tomno khat sung hong paito leng, note kong beisak ding hi. Tua ahih ciangin note kong bawl nading ka theih nadingin note’ tung panin na kizepnate uh suahkhia un,’ ci in,” ci-in gen khinzo hi.

Isaiah 22:12

Tua ni ciangin Vanglian Topa Pasian in kahna le thumna, sam mettolna le puanhampi silhna a zang dingin thu hong pia hi.

Isaiah 58:4

Note in a kitawng ding, a kilai ding, gitloh gamtatin, khuttum tawh a kitum ding bekin an na tang uh hi. Hih bang lelin antanna tawh na thungetna uh hong kingai ding ahi hiam?

Jeremiah 3:22

Topa in, “Hong kileh kik un, a zulhzau ka tate aw, na zulhzauna uh kong damsak ding hi,” a ci hi. Amaute in zong, “En in, nang kiang kong pai uh hi. Bang hang hiam cih leh Topa kote’ Pasian na hi hi.

Jeremiah 36:7

Topa’ tungah amaute thumin a vekpi-un a hoih lohna uh panin a kihei thei kha ding uh hi. Bang hang hiam cih leh hih mite’ tungah Topa in tunsak dingin a gensa a hehna le a thangpaihna lian mahmah hi,” ka ci hi.

Jeremiah 4:1

Topa in, “Israel mite aw, na kilehkik nop uhleh kei kiangah hong kilehkik un. Na kihhuainate uh kei kiang pan na paihkhiat uh a, na tai kawikawi kei uh a,

Jeremiah 4:2

‘Topa a nuntak bangin,’ ci-in, thuman tak, kiptak, thutang takin thu na ciam nak-uhleh gam khempeuh in thupha ka piak ding hong ngen ding uh a, kei’ sungah amaute a lungdam ding uh hi,” a ci hi.

Ezekiel 33:11

Amaute kiangah hih bangin gen in: Kei pen a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deih hizaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Daniel 9:3

An ngawlin, puanhampi silhin, vut lakah tu-in, Topa’ kiangah deih takin thu ka ngen hi.

Hosea 12:6

Pasian’ huhna tawh note khempeuh kiheikik unla, thuman thutangin gamta un. Pasian muang tawntung un.

Hosea 12:7

Sumbukte in tawitehna man lo zang uh a, amaute in mi khem ding nuam a sa uh hi.

Hosea 14:1

Israel-te aw, note’ Topa Pasian’ lamah kihei kik un. Na mawhna hangun note na puk khin uh hi.

Hosea 6:1

Amaute in, “Hong pai un, Topa kiangah ciahkik ni; amah in eite hong balgawp hangin hong damsakkik ding a, eite hong liamsak hangin i liammate hong tunsakkik ding hi lo ahi hiam?

Joel 1:13

Siampite aw, puanhampi silhin kap un; biakna tau-a nasemte aw, thumin tau un. Ka Pasian’ na a semte aw, biakinn sungah tum unla, zanthapai-in dahna lim puanhampi silh un. Note’ Pasian’ biakinn sungah piak ding an le leenggahzu khat zong om nawn lo hi.

Zekhariah 7:5

“Gam sung mi khempeuh le siampite tungah hih bangin gen in: Amaute in a beisa kum sawmsagih sung kha ngana le kha sagihna sungin an tangin a kahna uh, kei hong pahtawina uh hi lo hi.

Malakhi 1:9

Tua ahih ciangin no siampite aw, Pasian in eite hong hehpih theih nadingin ama kiangah thum un. Na hih ngeisa bangun na nget uh hangin na ngetnate uh hong pia lo ding hi; tua pen nomau’ khialhna ahi hi.

Sawltak 26:20

Mite a mawhna uh panin kisikin Pasian kiang a zuat nading uh le a kisikna uh a kilatsak nadingun a gamtat ding uh a masa-in Damaskas khua-ah thu hilhin, a zomin Jerusalem khua-ah, tua ciangin Jew mite omna gam khempeuh le Gentail mite lakah thu ka hilh hi.

Thukhente 2:4

Topa’ vantungmi in Israel mi khempeuh tungah hih thute a gen ciangin mite a kap uh hi.

Thukhente 20:26

Tua ciangin Israel mite khempeuh, galkap vekpi paito-in Bethel-ah tungin a kap uh hi. Tua lai mun Topa’ mai-ah amaute tu-in nitak dong tua ni an tang uh a, Topa’ mai-ah meihal biakna le thunuama biakna a pia uh hi.

1 SAMUEL MASA 7:3

Tua ciangin Samuel in Israel mite khempeuh kiangah, “Na lungsim khempeuh uh tawh Topa’ lamah a kiheikik na hih uhleh note’ lak panin gamdang pasian-te le Ashtaroth nusian milim koihkhia-in Topa’ lamah na lungsim uh ngat unla, amah bek bia un. Tua hileh amah in Filistia-te’ khutsung panin note hong honkhia ding hi,” a ci hi.

1 SAMUEL MASA 7:6

Tua ahih ciangin amaute Mizpah-ah kikhawm uh a, tui tawi-in Topa’ mai-ah sungkhia uh a, tua ni-in an tangin tua lai munah, “Topa’ tungah i khial khinzo hi,” a ci uh hi. Samuel in Israel mite Mizpah-ah thu khen hi.