Joel 1:7 - Tedim Bible

⁷ Amaute in i leengguiteng susiamang khin a, i theikungteng khempeuh netummang khin uh hi. A hawng khempeuh netum uh a, a hiangte kang sengsang hi.

Tedim Bible Revision 2017

⁷ Amaute in i leenggui teng susia mangkhin a, i theikung teng khempeuh ne tum mangkhin uh hi. A hawng khempeuh ne tum uh a, a hiangte kang sengsang hi.

Joel 1:7 Iomraidhean Croise

Late 105:33

Amah in amau’ leengguite le a theikungte uh vattansak a, amau’ gam sung sing khempeuh a kuaihtansak hi.

Paikhiatna 10:14

Tua masiah kauphe hon tua banga a tam a om ngei lo, cikmah ciangin zong a omkik ngei lo ding, Egypt leitang tung khempeuhah kauphe hong om a, Egypt gam buppi-ah a dim uh hi.

Paikhiatna 10:15

Bang hang hiam cih leh tuate in lei maitang khempeuh tuam uh a, leitang mial hi. Tuate in leitang tunga kung khempeuh le gialpi’ den baang singkung gah khempeuh ne uh hi. Egypt leitang tung khempeuhah gamlak singkung hitaleh kungno hitaleh a hing khat beek om nawn lo hi.

Isaiah 24:7

Leengguite keutumin leenggahzu tawm semsem a, a lungdam mi khempeuh khuisa ta uh hi.

Isaiah 32:12

A hoih mahmah lote le tampi a gah leengguite a siatna, keima mite’ leitangah ling le lingkungte a pona, lungdamna khuapi sungah lungdamna a omna innte a siatna hangin dahin na dip uh hum un.

Isaiah 5:6

Lokhulin ka bawl ding hi. Kipuah loin, kikho lo ding a, tua lo sungah lingkung le lingte a khang ding hi. Ama tungah meiite in zong guah a zuksak loh nadingin thu ka pia ding hi.

Jeremiah 8:13

“Topa in kong cihin-ah, amaute ka susia khin ding a, a lote uhah leenggah a om nawn kei ding hi. Thei in zong gah a nei nawn kei ding hi. A tehte nangawn keu ding a, amaute ka piaksa nate a bei ding uh hi.

Hosea 2:12

Ka pasal it dangte in thamanin hong piak hi, ci-in a gen a leengguite le a theikungte ka susia ding a, gamsate in tuate suksiatsakin gamlakpi a suak ding hi.

Joel 1:12

Leengguite keu a, theikungte vuai ta hi. Mang kawlsingte, nisuhte, epel kungte a kipan singkung khempeuh keumang khin hi. Mihingte a lungdamna dingteng zong a maimang ta hi.

Amos 4:9

Na ankungte uh lung nesakin ka vulsak a, na ankungte uh cinasakin a kang dikdekin ka bawl hi. Na huante uh le na leenggui lote uh a hawmguakin ka koih hi. Na theikungte uh le na oliv kungte uh kauphe in gai khin hi. Tua bang hinapi-in kei lamah nong kihei kei uh hi, Topa in ci hi.

Habakkuk 3:17

Theigahte a hut khin a, leengguite a gah kei zongin, oliv kungte gah lo a, lo-ah an a piang kei zongin, tuu khempeuh a si khin a, ganbuk khempeuh a hawm khin zongin,

Malakhi 3:11

Lo panin a piang na ante uh, kauphe ka nesak nawn kei ding a, na leenggui uh gahpha mahmah ding hi.