Joel 1:2 - Tedim Bible

² No khangham zawdiakte aw, ngai un; Judah gammi khempeuh aw, na bil uh ngat un. Note’ khansung ahi a, na pu na pate uh khansung ahi zongin, hih bang thu piang ngei peuhmah ahi hiam?

Tedim Bible Revision 2017

² No khangham zaw diakte aw, ngai un; Judah gam mi khempeuh aw, na bil uh ngat un. Noteʼ khan sung ahi a, na pu na pate uh khan sung ahi zongin, hih bang thu piang ngei peuhmah ahi hiam?

Joel 1:2 Iomraidhean Croise

JOB (Job) 12:12

“Khanghamte in pilna nei a, nuntak saute in thu theitel uh hi.

JOB (Job) 15:10

Na pa’ pianma a a piang puteek samkangte’ tung panin kote in ka pilnate uh a ngah ka hi uh hi.

JOB (Job) 21:7

“Bang hangin Pasian in migilote khantosak a, hausakin liansak ahi hiam?

JOB (Job) 8:8

“Khangluite’ thu kantel inla, pute pate’ tuahsa thute ngaihsun pha in.

Late 49:1

Hih thu za un, mi khempeuh aw! Ngai un, leitung a a teng khempeuh,

Isaiah 34:1

Minam khempeuhte aw, thu za dingin hong pai un. Mihingte aw, hong ngai un! Leitang le a tungah a om khempeuhte aw, ngai un. Leitung buppi le a tung panin a hong pai mi khempeuh in ngai un.

Isaiah 7:17

Efraim mite pen Judah mite’ kiang panin a paikhiat hun a kipan nidangin a piang ngei lo thu, Assiria kumpipa pen nang le na mite le na pate’ inn-ah Topa in hong tungsak ding hi.

Jeremiah 30:7

Nu e! Tua ni lianpi hong tung ding a, nidang tawh tehtheih ding hi lo hi. Jakob suante’ gimhun hi ding a, ahih hangin amaute suakta veve ding uh hi.

Jeremiah 5:21

“Ngai un, ngaihsutna a nei lo mihaite aw, mit nei napi-in a mu lote, bil nei napi-in a za lo mite aw,

Daniel 12:1

Tua ciangin saihadial puan a silh vantungmi in, “Na mite a cing, a lian vantungmi Mikhael hong kilang ding hi. Tua ciangin leitungah mihing a pianzawh a kipan a nasia penpen gimna hun hong tung ding hi. Tua hun a hong tun ciangin Pasian’ laibu sungah a min a kigelh na mite khempeuh kihonkhia ding hi.

Hosea 4:1

Israel mite aw, Topa’ thugen ngai un. Hih gam sungah a teng mite tungah Topa lungkim lo ahih manin hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Hosea 5:1

No siampite aw, hih thu ngai un! No Israel mite aw, thudon un. Kumpipa’ innkuante aw, ngai un! Note in midangte tungah thu a khen ding hinapi-in, note tungah thukhenna hong tung ding hi. Bang hang hiam cih le note in mite’ awk nadingin Mizpah mualah thang na siah uh a, mite’ awk nadingin Tabor mualah ngenthang na hi uh hi.

Joel 1:14

An tan’ ding thu pia unla, a thupi biak kikhopna bawl un. Note’ Topa Pasian’ biakinn sungah makaite le gammi khempeuh kaikhawm unla, Topa’ tungah kiko-in thum un.

Joel 2:2

Tua ni pen a mial, a lungzinhuai, meii kai-in khuazin’ ni ahi ding hi. Mualtung a meiipi kai bangin simzawh lohin kauphe honpi hong leeng muaimuai hi. Cikmahin hih bang thu omngei nai lo a, cikmah ciangin zong omkik nawn lo ding hi.

Amos 3:1

Israel mite aw, note’ langkhat a Topa’ thugen, hih thu limtakin ngai un: Egypt gam panin na minam bupun note kong paikhiatpih hi.

Amos 4:1

Bashan gam bawngpi bangin a thau mahmah, mizawngte nengniamin mi cimawhte a sugawp, na pasalte uh kiangah, “Ka dawn ding bang khatpeuh hong puak in,” ci-in a vaikhak no Samaria numeite aw, hih thu limtakin ngai un:

Amos 5:1

Israel mite aw, kap kawmin kong thugenna, limtakin ngai un:

Micah 1:2

No minam khempeuhte aw, hih thu za un: Leitungah a teng mi khempeuhte aw, hih thu ngai un: Note’ langkhatah Topa Pasian in teci pang a, a vantung biakinn panin thu hong gen hi.

Micah 3:1

Israel a uk makaite aw, hih thu ngai un: Note in thutang thuman a deih dingin a kilawm hinapi-in,

Micah 3:9

Ngai un! Israel a uk makaite aw. Note in thutang deih loin, thuman kimlai a khialin na hei uh hi.

Mattiu 13:9

“Zak nading bil a neite in hih thu na za ta un,” ci-in Jesuh in a thugen a khum hi.

Mattiu 24:21

Bang hang hiam cih leh leitung piancil a kipan tuhun dong, cikmahin tua bang haksatna a om ngei lo, nidang ciangin zong a om ngei nawn lo ding, tua hun laitakin hong tung ding hi.

Mangmuhna 2:7

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mite tungah, Pasian’ Huan sunga om nuntakna singgahte a nektheih nadingun thu ka pia ding hi.