Joel 1:15 - Tedim Bible

¹⁵ Kalai! A hun hong naita! Topa’ ni hong naita a, Vanglianpa’ suksiatna hun hong naita hi.

Tedim Bible Revision 2017

¹⁵ Kalai! A hun hong nai ta! Topaʼ ni hong nai ta a, Vanglian paʼ suksiatna hun hong nai ta hi.

Joel 1:15 Iomraidhean Croise

Late 37:13

Ahih hangin Topa in migilo pa’ hun a tungta ahihlam mu ahih manin amah a nuihsan lel hi.

Jeremiah 30:7

Nu e! Tua ni lianpi hong tung ding a, nidang tawh tehtheih ding hi lo hi. Jakob suante’ gimhun hi ding a, ahih hangin amaute suakta veve ding uh hi.

Jeremiah 46:10

“Bang hang hiam cih leh tuni pen Vanglian Topa Pasian’ ni hi a, phu a lakkik ni, a galte a thuk ni ahi hi. Namsau in amaute that ding a, a kham mateng a si uh a dawn ding hi. Bang hang hiam cih leh Vanglian Topa Pasian in Eufratis gun gei leilu lamah amaute biakna-in a nei hi.

Ezekiel 30:3

Minamte’ siatna ding hun Topa’ ni hong naita hi.

Joel 2:11

Ama mihonpite tam mahmah uh ahih manin amaute thu pia-in a mai uhah Topa awng a, ama thupiakna bangin a semte hat mahmah uh hi. Topa’ ni ding kihtakhuai mahmah ahih manin a thuakzo ding kua om ding ahi hiam?

Joel 2:31

Topa’ ni, tua a lauhuai hun a hong tun ma-in ni hong mialin, kha, sisan hong bang ding hi.

Joel 3:14

Thukhenna Kuam-ah a tul a thenin om uh hi. Bang hang hiam cih leh tua lai munah Topa’ ni hong tung baih ding hi.

Obadiah 1:15

Bang hang hiam cih leh minam kimte tungah ka thukhenna ding ni a naizo hi. Nang bawl bangin nangma tungah hong kibawl ding hi. Na hih bangin na lu bukah hong tukik ding hi.

Zefaniah 1:7

Topa Pasian’ mai-ah gamdai takin om un! Topa’ ni hong naita hi. Topa in biakna-a sa gawh bangin a mite a go dingin kithawi a, a gawh ding mite siansuah khin hi.

Jeim 5:9

Sanggamte aw, Pasian in note tungah thu hong khenkhak loh nadingin khatlekhat na kiphunsan kei un. Thukhen ding pa hong nai mahmah ta a, hong tung dektak ta hi.

Mangmuhna 6:17

Amaute’ hehna hangin gimna hun hong tungta ahih manin kua in thuakzo ding ahi hiam?” a ci uh hi.