Joel 1:14 - Tedim Bible

¹⁴ An tan’ ding thu pia unla, a thupi biak kikhopna bawl un. Note’ Topa Pasian’ biakinn sungah makaite le gammi khempeuh kaikhawm unla, Topa’ tungah kiko-in thum un.

Tedim Bible Revision 2017

¹⁴ An tan ding thu pia unla, a thupi biak kikhopna bawl un. Noteʼ Topa Pasianʼ biakinn sungah makaite le gam mi khempeuh kaikhawm unla, Topaʼ tungah kiko-in thum un.

Joel 1:14 Iomraidhean Croise

2 KUMPI NIHNATE 10:20

Tua ciangin Jehu in thu pia-in, “Baal a dingin a thupi kikhopna khat bawl un,” a ci hi. Tua ahih ciangin amaute in tua thu zasak uh hi.

2 KHANG TANGTHU NIHNATE 20:13

Tua laitakin Topa’ mai-ah Judah mi khempeuh a taneute, a zite, le a naupangte uh tawh a ding uh hi.

Nehemiah 8:18

Tua hi a, a kipat ni a kipan a bei ni dong Ezra in ni simin Pasian’ thukham laibu a simkhia hi. Amaute in ni sagih sung tua pawi kham uh a, a ngeina om bangin a ni giat ni-in pawi khupna thupi kikhopna khat a om hi.

Esther 4:16

“Pai-in Susa khua sunga om Jew mi khempeuh khawm inla, keimah ngaihsutna-in an na tang un. A sun a zan ci loin ni thum sung an ne lo, tui dawn loin na om un. Na tan’ uh mah bangin kei le ka nasem numeite in zong ka na tang ding uh hi. Tua khit ciangin ngeina ahihloh hangin kumpipa kiangah ka va pai ding hi,” a ci hi.

Jeremiah 14:2

“Judah gam kap a, a khuapite maimang dekdek hi. A mite in puan vom khu-in leilakah bok uh a, Jerusalem khua-a om mite’ kahna aw ging hi.

Jeremiah 36:9

Josiah’ tapa Judah kumpi Jehoiakim in a ukzawh kum nga a phak kum, a kha kuana kha-in Jerusalem khua-a om mi khempeuh le Judah gam khuapite panin Jerusalem khua-ah a hong pai mi khempeuh in Topa’ maipha ngah nadingin an a tang uh hi.

Joel 1:2

No khangham zawdiakte aw, ngai un; Judah gammi khempeuh aw, na bil uh ngat un. Note’ khansung ahi a, na pu na pate uh khansung ahi zongin, hih bang thu piang ngei peuhmah ahi hiam?

Siampi Laibu 23:36

Ni sagih sung note in Topa’ tungah meihal biakna na pia ding uh a, a ni giat ni-in a siangtho kikhopna khat nei-in, Topa’ tungah meihal biakna na pia ding uh hi. Tua pen a thupi kikhopna khat hi a, note in thatang nasep na sem kei ding uh hi.

Jonah 3:5

Nineveh khuamite kisikin Pasian um uh a, antan’ ding thu thangsakin, a golpen pan a kipan a neupen dongin puanhampi a silh uh hi.

Jonah 3:8

Mihing le ganhingte in puanhampi silhin Pasian’ tungah nakpi-in kiko ta uh hen. Mi khempeuh, a khialhnate uh le a gitlohnate uh panin kihei ta uh hen.

Zefaniah 2:1

A maizum thei lo minam aw, hoihtakin thu ngaihsun in.