Joel 1:13 - Tedim Bible

¹³ Siampite aw, puanhampi silhin kap un; biakna tau-a nasemte aw, thumin tau un. Ka Pasian’ na a semte aw, biakinn sungah tum unla, zanthapai-in dahna lim puanhampi silh un. Note’ Pasian’ biakinn sungah piak ding an le leenggahzu khat zong om nawn lo hi.

Tedim Bible Revision 2017

¹³ Siampite aw, puanhampi silhin kap un; biakna tau-a nasemte aw, thumin tau un. Ka Pasianʼ na a semte aw, biakinn sungah tum unla, zan thapai-in dahna lim puanhampi silh un. Noteʼ Pasianʼ biakinn sungah piak ding an le leenggahzu khat zong om nawn lo hi.

Joel 1:13 Iomraidhean Croise

2 SAMUEL NIHNA 12:16

Tua ahih ciangin David in naungek a dingin Pasian’ tungah thum hi. David in an tangin zan tawntung leilakah a lum hi.

1 KUMPI MASATE 21:27

Ahab in hih thute a zak ciangin a puante balkek a, a pum tungah puanhampi silhin, an tangin puanhampi tungah lum a, maikhingin a vak kawikawi hi.

Isaiah 22:12

Tua ni ciangin Vanglian Topa Pasian in kahna le thumna, sam mettolna le puanhampi silhna a zang dingin thu hong pia hi.

Isaiah 61:6

Ahih hangin note pen Topa’ siampite hong kici ding a, mihingte in note pen i Pasian’ nasemte, ci-in hong gen ding uh hi. Minamte’ hauhna teng note in na ne ding uh a, amau’ hauhna teng note in na kisaktheihpih ding uh hi.

Jeremiah 4:8

Tua ahih manin puanhampi silhin tau-in kap un. Bang hang hiam cih leh Topa’ hehna lauhuaipi eite’ kiang panin kiheikhia nai lo hi.

Jeremiah 9:10

“Mualte a dingin kapin tau unla, gamlak lonona munte a dingin thumin tau un. Bang hang hiam cih leh tuate keu gawp a, kuamah pai nawn lo hi. Bawng ham zong kiza nawn lo a, vana leeng vasate le gamsate a taimangta uh hi.

Ezekiel 21:12

Mihing ahi Ezekiel aw, awng inla kiko in. Hih namsau pen ka mihingte le Israel makai khempeuh a kisawmna ahi hi. Amaute pen ka mite khempeuh tawh a kithat khawm ding ahi hi. Dahna tawh na dip hum in.

Ezekiel 27:31

Nangma hangin a lu uh mettol uh a, dahna limin puanhampi silh uh a, na sa lua-in a kap uh hi.

Ezekiel 7:18

Amaute in dahna limin puanhampi silh ding uh a, pumlingawp ding uh hi. A sam uh kimettolsak ding a, a mindai ding uh hi.

Hosea 9:5

A kiseh pawi hunte le Topa’ pawi hun hong tun ciangin bangcih ding na hi uh hiam?

Joel 2:12

Topa in hih bangin ci hi: “Tu mahmah nangawnin lungsim tak tawh kisik kikin, an tangin, kapin, thumna tawh kei kiangah hong paikik un.

Joel 2:14

Topa, eite’ Pasian in a lungsim hong kheelin an hauhsakna tawh thupha hong piakha ding hi. Tua hileh ama tungah an le leenggahzu tawh biakna i pia thei ding hi.

Joel 2:17

Topa’ na a sem siampite, biakinn sung innliim le biakna tau kikalah kapin thu ngen uh hen la, “Topa aw, na mite hong hehpih in. Minam dangte in, ‘Na Pasian uh koi-ah om ahi hiam,’ ci-in kote hong simmawhsak kei in. Amaute’ nuihsatin kote hong omsak kei in,” ci uh hen.

Gamlak-vakna 28:14

Leenggahzu tawh biaknate pen, bawngtal khat ciangin leenggahzu thawl lang, tuutal khat ciangin leenggahzu hai nih, tuuno khat ciangin leenggahzu hai khat hi ding hi. Hihte pen kum khat sunga om kha simin meihal biakna ahi hi.

Gamlak-vakna 28:4

Tuuno khat zingsangin na pia ding uh a, a tuuno khat pen nitakin na pia ding uh hi.

Gamlak-vakna 28:7

Leenggahzu tawh biakna pen tuuno khat ciangin hai khat hi ding hi. Topa’ tungah leenggahzucil tawh biakna pen siangtho munah na sung ding uh hi.

Gamlak-vakna 29:6

A khasim meihal biakna le an tawh biakna , le a kitatsat lo-a meihal biakna le an tawh biakna , le tuate a’ ding ngeina a om bangin a gim namtui, Topa’ tungah mei tawh kihal biakna ahi leenggahzu tawh biaknate banah hi ding hi.

1 KORIN MASA 4:1

Kote pen Khrih’ nasem, le Pasian’ thusim a zeekte-in nong ngaihsut ding uh ahi hi.

1 KORIN MASA 9:13

Biakinn-ah nasem dingin a kicial mite in biakinn mah panin an ngah uh a, biakna tau-ah na a semte in biakna sa mah a ngahna uh thei lo na hi uh hiam?

2 KORIN NIHNA 11:23

Amaute Khrih nasem ahihleh kei zong hong hai pau mai ning. Khrih nasem a hoihzaw pekpek ka hi hi. Amaute sangin na ka nak sepzaw a, satna tamvei ka thuakzaw a, sih dektakna tamvei ka tuakzaw hi.

2 KORIN NIHNA 3:6

Thuciamna thak nasem thei dingin kote tungah siamna a hong pia hi. Tua hong piakna pen lai-a kigelh thukham tawh hi loin Kha Siangtho tawh ahi hi. Bang hang hiam cih leh lai-a kigelh thukham in sihna piangsak a, ahi zongin Kha Siangtho in nuntakna hong pia hi.

2 KORIN NIHNA 6:4

Tua ahih manin ka sepna khempeuh uhah Pasian’ nasemte ka hihna uh ka kilangsak uh a, lungduai takin gimna, haksatna, lungkhamnate ka thuak uh hi.

Mangmuhna 11:3

Ka teci nihte puanhampi silhin ka paisak ding a, amaute in ni tulkhat zanih sawmguk sung Pasian’ thu a gen ding uh hi,” hong ci hi.