Jeremiah 8:3 - Tedim Bible

³ Hih a gilo minamte’ lakah a omlai sunteng in ka hawlkhiatna munah nuntak ding sangin sih ding a teelzaw ding uh hi, Vanglian Topa in kong ci hi.

Tedim Bible Revision 2017

³ Hih a gilo minamteʼ lakah a om lai sunteng in ka hawl khiatna munah nuntak ding sangin sih ding a teel zaw ding uh hi, Vanglian Topa in kong ci hi.

Jeremiah 8:3 Iomraidhean Croise

Mangmuhna 9:6

Tua hun ciangin mite in a sihtheih nading uh a zonzon uh hangin sihtheih nading lampi mu lo ding uh a, sinuam mahmah napi-un sithei het lo ding uh hi.

Jeremiah 29:14

Topa in kong cihin-ah, note in nong mu ding uh a, na saltanna uh hong beisakin, kong hawlkhiatna gam khempeuh le mun khempeuh panin kong kaikhawm kik ding a, note kong lakkhiatna gam mahah kong tunpih kik ding hi, Topa in kong ci hi.

Jeremiah 23:8

‘A hawlkhiatna leilu lam gam le gamdangte khempeuh panin Israel mite’ suanlekhakte kaikhawmin a makaih Topa a nuntak bangin,’ ci-in a kiciamzaw ding uh hi. Tua ciangin amaute amau’ gam sung mahah a teng ding uh hi,” a ci hi.

Jeremiah 23:3

Ka mite a omlai sunteng, ka hawlkhiatna ding gamte panin ka kaikhawmkik ding a, a gam uhah ka ciahsakkik ding hi. Amaute pungin a khang ding uh hi.

Thu-hilhkikna 30:4

A kihawlkhia na mite uh van mong pekah a om leh zong, Topa na Pasian un tua lai panin note hong khawmin, tua lai panin amah in hong paipih ding hi.

Jonah 4:3

Tua ahih ciangin Topa aw, tu-in ka nuntakna hong la in, ci-in kong thum hi. Bang hang hiam cih leh ka nuntak sangin sileng kei a dingin a hoihzaw hi,” a ci hi.

Daniel 9:7

Topa, nang na hih leh na siangtho a, ahih hangin kote ka hih uhleh a zumhuai-in ka gamta uh hi. Judah gam le Jerusalem khuasunga teng Israel mite khempeuh thuman lo uh ahih manin, a nai a gamla gam tuamtuamah na thehthangzo hi.

Thu-hilhkikna 30:1

“Note’ mai-ah ka koih, na teel ding thu thupha le samsiatna, hih nate khempeuh note tungah hong tungin, Topa in note hong hawlkhiatna minamte lakah hih thute phawk kikin,

Mangmuhna 6:16

mualte le suangtum lianpite kiangah, “Kote tungah hong kiasuk unla, tokhom tungah a tupa’ maitang le Tuuno’ hehna panin kote hong liah un.

Jeremiah 40:12

Tua ciangin Jew mi khempeuh a kithehthangna mun khempeuh panin Judah gamah hong ciahkik uh a, Mizpah khua Gedaliah kiangah hong pai uh hi. Leenggahzu le khuakhal an tampi a kaikhawm uh hi.

Jeremiah 29:28

Bang hang hiam cih leh amah in Babylon khua-ate lai hong khakin, sawt veipi sal tang ding na hih manun, inn lamin a sungah teng unla, huan bawlin a sunga na cinte uh ne un, hong ci hi,” ci-in a gelh hi. Hih bangin Zefaniah’ kiangah a laikhakna thu tawh kisai Shemaiah kiangah a gen dingin Pasian in kei hong sawl hi.

1 KUMPI MASATE 19:4

Ahih hangin amahmah gamlakah ni khat lam pailai-in poding kung nuai khatah a tu hi. Tua ciangin amah in a sih nading thu ngenin, “Phazo hi; tu-in Topa aw, ka nuntakna hong la ta in; bang hang hiam cih leh ka pate sangin kei ka hoihzaw kei hi,” a ci hi.

Jeremiah 6:9

Vanglian Topa in kei hong hopih a, “Leenggah lo-ah a sangte a kilawh khit bangin Israel mi a omlai sunteng lo siang vet in,” hong ci hi.

Amos 3:1

Israel mite aw, note’ langkhat a Topa’ thugen, hih thu limtakin ngai un: Egypt gam panin na minam bupun note kong paikhiatpih hi.

Micah 2:3

Tua ahih ciangin Topa in hih bangin ci hi: Note’ tungah gimna tunsak ding ka ngaihsun a, tua gimna tawh na kipelh thei kei ding uh hi. Note a dingin hun hoih lo hi ding ahih manin kiphatsakna tawh na gamta nawn kei ding uh hi.

Siampi Laibu 26:33

Keimah in minam dangte lakah note kong thehthang ding a, keimah in namsau a paai panin dokin note kong delh ding hi. Na leitang uh gamkhing suak ding a, na khuapite uh a sia hi ding hi.

Jeremiah 44:2

“Vanglian Topa, Israel mite’ Pasian in kong genin-ah: Note in Jerusalem khua le Judah gam khuapi khempeuh tungah ka tunsak gimna na muzo uh hi. En un, tuni-in tua khuate a siasa mahin omlai a, kuamah teng lo hi.

Jeremiah 44:6

Tua ahih manin Judah gam khuapite sung le Jerusalem khua kongzing lakah ka hehna le ka thangpaihna ka bua a, ka kuangsak hi. Tuni-a na muh uh bangin tuate kisia-in gamlak suak khinta hi.