Jeremiah 5:3 - Tedim Bible

³ Topa aw, nangmah in thuman en gige hi lo na hi hiam? Nangmah in amaute na sat hangin a awlmawh tuan kei uh hi. Na sukgawp hangin na thuhilhna a ngai tuan kei uh hi. Amaute’ maitang suangtum sangin sakzaw a, a kisik nuam kei uh hi.

Tedim Bible Revision 2017

³ Topa aw, nangmah in thuman en gige hi lo na hi hiam? Nangmah in amaute na sat hangin a awlmawh tuan kei uh hi. Na suk gawp hangin na thuhilhna a ngai tuan kei uh hi. Amauteʼ maitang suangtum sangin sak zaw a, a kisik nuam kei uh hi.

Jeremiah 5:3 Iomraidhean Croise

Piancilna 19:34

A zing ciangin a u in a nau tungah, “En in, zan zanin i pa tawh ka lum hi. Tu nitakin zong amah leenggahzu khamsak leuleu ni. Tua ciangin nang pai inla, i pa tawh suanlekhak i kizopsak theih nadingin amah tawh lumkhawm in,” a ci hi.

1 KUMPI MASATE 13:33

Hih thu khit ciangin zong ama gamtat sia panin Jeroboam kihei tuan lo a, mite khempeuh sung panin mualtung a biaknate-a sem ding siampite bawlkik hi. Amah in a sem nuam peuhpeuh mualtung a biakna siampi dingin a ap hi.

2 KUMPI NIHNATE 1:13

Tua ciangin kumpipa in mihing sawmnga a uk a thumna pa a mihing sawmnga mah tawh sawl leuleu hi. Tua ciangin mihing sawmnga a uk a thumna pa paito a, Elijah’ mai-ah hong pai-in khukdinin hong puk a, amah kunh-in, “Pasian’ mipa aw, nangma tungah kong thum hi, keima nuntakna le nangma nasem hih mihing sawmngate’ nuntakna pammaih sa-in hong hehpih in.

2 KHANG TANGTHU NIHNATE 16:9

Bang hang hiam cih leh ama lamah a lungsim a paubaang lo mite’ tangin ama vangliatna a lak dingin Topa’ mit in leitung khempeuh en kawikawi hi. Hih thu-ah na hai gamtat khin hi; bang hang hiam cih leh tu a kipan gal na do ding hi,” a ci hi.

2 KHANG TANGTHU NIHNATE 28:22

Hih Kumpi Ahaz mah pen, a lungkham hunin Topa’ tungah citak lozaw lai hi.

Late 51:6

Nang in nuntakna sungah thumanna na deih hi. Tua ahih ciangin ka lungsim tawngah ciimna hong hilh in.

Late 51:8

Lungdamna le kipahna kei tungah hong pia inla, na hong sukgawp mipa hong lungdamsak in.

Late 55:20

Ka kikholhpih ngei mi in a lawmte langpangin sugawp a, a thuciamna palsat hi.

Paunak 21:29

Migilote pen muantheih dingin khauh pau uh a, midikte ahihleh lungmuang takin kampau hiathiat uh hi.

Paunak 22:12

Topa in thuman mite kem a, ahi zongin thuzuau gente a lawnthal hi.

Paunak 23:35

“Hong vuak hangun ka liam kei a, hong sat hangun ka phawk kei hi. Ka pilvang ciangin zu ka ne kik ding hi,” na ci ding hi.

Paunak 27:22

Mihai khat a sih dek dongin na satsat hangin a hai ngei mahin hai veve lai ding hi.

Isaiah 26:11

Topa aw, amaute gim na piak ding lamtak na galte in thei lo uh hi. Amaute maizumna thuaksak inla, amaute a dingin na geelsa gimnate amaute thuaksak in. Na mite na itna thu na galte tungah kilangsak in.

Isaiah 42:25

Tua ahih ciangin amah in ama hehna so leh galkidonate eite tungah hong tungsak hi. Israel mi khempeuh lakah ama hehna mei bangin hong kuang a, ahih hangin eite in bangmah i thei kei hi. Tua bang i thuakna hangin eite in bangmah i phawk thei tuan kei hi.

Isaiah 48:4

Note pen paupeengin na ngawng uh sik thagui bang hi a, na thatang uh sumngo bangin a sakna thei khin ka hih manin,

Isaiah 9:13

Amaute a satpa’ lamah Israel mite kihei lo a, Vanglian Topa zong lo uh hi.

Jeremiah 15:7

Na gam sung khua kongpite-ah huihpi’ mut bangin note kong mutmang ding hi. Na tate uh ka beisak ding a, ka mite ka susia ding hi. Bang hang hiam cih leh na gitlohna uh le na omdan hoih lo panun na kiheikik kei uh hi.

Jeremiah 17:23

Ahih hangin na pu na pate un ka thu hong ngai lo uh a, a bil uh hong ngat lo uh hi. Ka thu hong mang lo uh a, ka hilhna a theih loh nadingun a lungsim uh a khauhsak uh hi.

Jeremiah 19:15

“Vanglian Topa, Israel mite’ Pasian in a cihin-ah: En un, hih khuapi le a kiima khuaneute tungah ka gensa siatna khempeuh ka tungsak ding hi. Bang hang hiam cih leh amaute in a lungsim uh khauhsak uh a, ka thute a ngai nuam kei uh hi, ci hi,” ka ci hi.

Jeremiah 2:30

Na tate uh thuhilhin ka sat hangin a mawkna suakzo ta hi. Amaute kibawlpha tuan lo uh hi. Humpinelkai hawk bangin na namsaute un na kamsangte uh a that khinzo uh hi.

Jeremiah 3:3

Tua hang mahin guahtui kikangsak a, guah nunung hong zu lo hi. Ahi zongin numei paktatte tawh a kibang hinapi-in na maizum thei kei lailai hi.

Jeremiah 32:19

na ngimnate lian mahmah a, na sepnate thupi mahmah hi. Mite’ nuntak zia khempeuh na mu a, amau’ nuntak dan le a sepna tawh kizui-in mi khempeuh tungah thaman na pia kim hi.

Jeremiah 35:13

“Vanglian Topa, Israel mite’ Pasian in kong cihin-ah: Pai inla Judah mite kiang le Jerusalem khua-a teng mite’ kiangah, Topa in: Ka thuhilhna hong sang loin ka thu hong ngai lo ding na hi uh hiam?

Jeremiah 44:10

Tuni ciang dong note na kiniamkhiat kei uh a, kei hong zahtak loin, note le na pute na pate uh tungah kong piak ka thukhamte le ka ngeinate na zui kei uh hi.

Jeremiah 7:26

ahih hangin amau in ka kamsangte’ thu ngai loin, a bil uh hong ngat lo uh a, a lungsim uh a khauhsak uh hi. A pute a pate uh sangin a siazaw uh hi.

Jeremiah 7:28

Tua ciangin nangmah in amaute kiangah, ‘Hih gam pen, Topa amaute’ Pasian’ thu a mang lo gam hi a, thuhilhna sang loin, thuman om nawn lo a, thuman genin zong a nei nawn kei uh hi,’ na ci ding hi.

Jeremiah 8:5

Tua ahihleh bang hangin hih mite lam khialin hong kilehkik nawn lo ahi uh hiam? Zuau pasian milimte lenkip uh a, hong kilehkik nuam lo uh hi.

Ezekiel 2:4

Amaute a lungsim uh khauhin paupeeng uh hi. Keimah Topa Pasian in amaute tungah ka gen ding thute a va gen dingin a hong sawl ka hi hi.

Ezekiel 24:13

Jerusalem aw, na gamtat hoih lohnate in nang hong ninsak khin hi. A siansuah dingin kong hanciamciam hangin a nin mahin na omlai veve hi. Ka heh mahmahna na thuak khit matengin na siangkik ngei kei ding hi.

Daniel 9:13

Moses’ thukham sunga kigen gimna khempeuh ka thuak uh hi. Topa Pasian aw, tu nangawnin zong nang kong lungdamsakna ding uh hanciam loin, na thuman ka zuih theih nadingun mawhna ka kisik kei uh hi.

Siampi Laibu 26:23

“Hih banga hihna tawh note hong kihei tuan loin, kei na hong demlai uhleh,

Amos 4:10

Egypt gamah ka hong tunsak bangin note lakah gimna kong tungsak hi. Gal sungah na tangvalteng uh ka sisak a, na sakolte uh kong paihkhiatsak hi. Na giahphual sungte uh a uih mahmahna tawh na nakngek uh kong zensak hi. Tua bang hinapi-in kei lamah nong kihei kei uh hi, Topa in ci hi.

Amos 4:11

Sodom le Gomorrah khuapite ka suksiat bangin note pawlkhat kong susia hi. Meikhuk panin a kiteenkhia singkhuah khat tawh na kibang uh hi. Tua bang hinapi-in kei lamah nong kihei kei uh hi, Topa in ci hi.

Amos 4:6

Na khuapi khempeuh uhah kial tungsakin, annek ding nei loin note a hong koihpa pen keimah hinapi-in, keima lamah nong kihei tuan kei uh hi, Topa in ci hi.

Amos 4:8

Dangtak manin thaneemin khuapi nih khuapi thum mite tui zong dingin a khuavengte kiangah pai uh a, ahi zongin tuidawn tawm ding nangawn a kicing om lo hi. Tua hinapi-in kei kiangah nong kihei tuan kei uh hi, Topa in ci hi.

Amos 4:9

Na ankungte uh lung nesakin ka vulsak a, na ankungte uh cinasakin a kang dikdekin ka bawl hi. Na huante uh le na leenggui lote uh a hawmguakin ka koih hi. Na theikungte uh le na oliv kungte uh kauphe in gai khin hi. Tua bang hinapi-in kei lamah nong kihei kei uh hi, Topa in ci hi.

Zefaniah 3:7

Tua ahih manin ka mite in kei hong zahtakin ka thuhilhna ngai ding uh a, mangngilh lo ding uh hi, ci-in ka ngaihsun hi. Ahi zongin a gamtatsiat ngei bangun gamtalai veve uh hi,” a ci hi.

ROM (Romans) 2:2

Tua bang mawhna a gamtate, Pasian in gim a piak pen a man mah ahihna i thei ciat hi.

Hebru 12:9

Tua banah, i leitung pate in gim hong pia a, zong i zahtak lai hi. Tua ahihleh kha thu tawh kisai-ah i Pa’ thu mang phazaw-in i nuntak ding kisam hi.