Jeremiah 4:3 - Tedim Bible

³ Judah gammite le Jerusalem khuamite tungah Topa in hih bangin ci hi: “Na lote uh kal unla, ling lakah khai vawh kei un.

Tedim Bible Revision 2017

³ Judah gam mite le Jerusalem khua mite tungah Topa in hih bangin ci hi: “Na lote uh kal unla, ling lakah khai vawh kei un.

Jeremiah 4:3 Iomraidhean Croise

Piancilna 3:18

Ling le kiakte, nang a dingin hong pokhiasak ding a, nang in gamlak kungte na ne ding hi.

Paikhiatna 23:11

Ahih hangin a kum sagihna ciangin, nomau’ mi a zawngte in a nek theih nadingin leitang tawlngasakin, lokhulin na omsak ding uh a, gamlak ganhingte in mizawngte’ nek loh teng ne thei ding uh hi. Na leenggui lote uh le na oliv lote uh zong tua bangmahin na hih ding uh hi.

Hosea 10:12

Khai tuh bangin thuman tuhin, kei nong itna hangun a piang thuphate at un. Note’ Topa keima lamah nong kihei ding uh a hun hita ahih manin lo thak lei kalkham un. Tua hileh kei hong pai-in note tungah thupha kong pia ding hi, ka ci hi.

Mattiu 13:22

Lingbulsum omna leilakah a tu khaicite pen Pasian’ thu za napi-in amau nuntakna sung uhah leitung lunghihmawhna le hauh nopnate in Pasian’ thu vuknelh ahih manin bangmah a suakkhia zo lote a cihnopna ahi hi.

Mattiu 13:7

Pawlkhatte, lingbulsum a omna mun leilak tu a, lingbulsumte hong selin hong khang ahih manin ankungte a depgawp hi.

Marka 4:7

Pawlkhatte lingbulsum omna lak tu a, lingte hong selin depgawp ahih manin bangmah gahzo lo hi.

Luka 8:14

Lingbulsum omna a tukna munte pen Pasian’ thu za napi-in a nuntakna sung uhah leitung lunghihmawhna, hauhna, le nopsaknate in depgawp ahih manin bangmah a suakkhia zo lote a cihnopna ahi hi.

Luka 8:7

Pawlkhatte, lingbulsum omna leilak tu a, lingte a khan ciangin a deplum hi.