Jeremiah 3:3 - Tedim Bible

³ Tua hang mahin guahtui kikangsak a, guah nunung hong zu lo hi. Ahi zongin numei paktatte tawh a kibang hinapi-in na maizum thei kei lailai hi.

Tedim Bible Revision 2017

³ Tua hang mahin guahtui kikangsak a, guah nunung hong zu lo hi. Ahi zongin numei paktatte tawh a kibang hi napi-in na maizum thei kei lailai hi.

Jeremiah 3:3 Iomraidhean Croise

Piancilna 19:34

A zing ciangin a u in a nau tungah, “En in, zan zanin i pa tawh ka lum hi. Tu nitakin zong amah leenggahzu khamsak leuleu ni. Tua ciangin nang pai inla, i pa tawh suanlekhak i kizopsak theih nadingin amah tawh lumkhawm in,” a ci hi.

Nehemiah 9:17

Amaute in thu mang nuam lo uh a, amaute lakah na bawl na lamdangte ngaihsun kha lo uh hi. Amaute lungkhauh niloh uh a, a salsuahna uh Egypt-ah a paipih kik dingin makai khat seh uh hi. Ahi zongin nang pen mawhna a maisak nuam, dikin hehpihna a nei, lungduai-in itna kip a nei Pasian na hi a, amaute na nusia tuan kei hi.

Paunak 21:29

Migilote pen muantheih dingin khauh pau uh a, midikte ahihleh lungmuang takin kampau hiathiat uh hi.

Isaiah 5:6

Lokhulin ka bawl ding hi. Kipuah loin, kikho lo ding a, tua lo sungah lingkung le lingte a khang ding hi. Ama tungah meiite in zong guah a zuksak loh nadingin thu ka pia ding hi.

Jeremiah 14:1

Guah zu loin khua keuna tawh kisai-in Topa in Jerusalem kiangah hih bangin a gen hi:

Jeremiah 14:22

Gamdang pasian zuaute’ lakah guah a zusak thei om ahi hiam? Tua ahih kei leh zong vantungmi in ama thu-in guah zu tawmsak thei ahi hiam? Tua bang a hih thei nang bek hi lo na hi hiam? Topa kote’ Pasian aw, nangmah in tuate khempeuh hih na hih manin nangma sungah lametna kong nei uh hi.

Jeremiah 14:3

Uliante in a nasemte uh tuitawi dingin sawl uh a, tuikhuk a zuat uhleh tui na om lo hi. A beel hawm uh tawh hong kilehkik uh a, lungkhamin cih nading thei loin a lu uh puan a khuh uh hi.

Jeremiah 14:4

Lokhote lungmang uh a, a lu uh puan a khuh uh hi. Bang hang hiam cih leh guah zu lo ahih manin lei a keugawp hi.

Jeremiah 36:2

“Laizial khat la inla, tua sungah Josiah kumpi a suah kum, nang kong hopih masak hun a kipan tuni ciang dong Israel gam le gamdang khempeuhte’ langkhatah ka thugente khempeuh gelh in.

Jeremiah 5:24

A lungsim sung uhah, ‘A huna guah hong zusak a, tukguah, khalguah hong pia a, anlak hun ding a hong sehsak den Topa i Pasian zahtak ni,’ a ci kei uh hi.

Jeremiah 5:25

Na khialhnate un hih na hoihte khaktan a, na mawhnate uh hangin tuate na taanlawh uh hi.

Jeremiah 5:3

Topa aw, nangmah in thuman en gige hi lo na hi hiam? Nangmah in amaute na sat hangin a awlmawh tuan kei uh hi. Na sukgawp hangin na thuhilhna a ngai tuan kei uh hi. Amaute’ maitang suangtum sangin sakzaw a, a kisik nuam kei uh hi.

Jeremiah 6:15

Hih a kihhuai nate a sep uh ciangin a maizum beek uh hiam? Maizum beek lo uh a, kisuangthei beek lo uh hi. Tua ahih manin a site’ lak mahah amaute zong si ding uh a, gim ka piak ni ciangin a kilawnkhia ding uh hi,” Topa in hong ci hi.

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh a, kisuangthei beek lo uh hi. Tua ahih manin a site lak mahah amau zong si ding uh a, gim ka piak ni ciangin a kilawnkhia ding uh hi, Topa in kong ci hi.

Jeremiah 9:12

Tua ciangin keimah in, “Hih thu a theitel ding mipil kua om ahi hiam? Hih thu a gentel theih nadingin Topa in kua tungah hilhtel na hi hiam? Kuamah in hih gam a kantan nawn loh nadingin bang hangin kisia-in gamlak tawh kibang ahi hiam?” ci-in ka dong hi.

Ezekiel 3:7

Ahi zongin Israel mite khat beek in na thu hong ngai lo ding uh hi. Keima kam teekteek nangawn ngai lo ding uh hi. Amaute a lungsim uh khauh a, demnopna lungsim nei uh hi.

Siampi Laibu 26:19

keimah in na kiphatsakpih uh note’ vangliatna susia-in, van panin guah hong zusak loin, na leitang uh sik ka bangsak ding hi.

Amos 4:7

Tua ahih manin anlak hun ding kha thum bek in a sap laitak, lolai-a om ante in guahtui a sap mahmah laitakin guah ka zusak kei a, khuapi khat bekah zusakin a dangte-ah ka zusak kei hi. Lo khat bekah guah zu a, a zuk lohna lote a keutum hi.

Amos 4:8

Dangtak manin thaneemin khuapi nih khuapi thum mite tui zong dingin a khuavengte kiangah pai uh a, ahi zongin tuidawn tawm ding nangawn a kicing om lo hi. Tua hinapi-in kei kiangah nong kihei tuan kei uh hi, Topa in ci hi.

Zefaniah 2:1

A maizum thei lo minam aw, hoihtakin thu ngaihsun in.

Zefaniah 3:5

Ahi zongin tua khuapi sungah Topa omin, a thuman na bek sem a, a khialin gamta ngei lo hi. Zingsang simin mihingte tungah pelh ngei loin thutang lak hi. Ahi zongin tua lai-a mihing thuman lote, a sia-in gamta teitei uh a, maizumna mel theithei lo uh hi.

Haggai 1:11

Keimah in gam sung teng, mualtung khempeuh, leitang pana a piang kung khempeuh, mihing, ganhing, le mite’ nasepna khempeuhah keuna ka tungsak hi,” a ci hi.

Thu-hilhkikna 28:23

Na lu tung uha om vantungte pen sumngo bangin sanin guah zu lo ding a, na nuai uha om leitung pen sik bangin sak ding hi.

Hebru 12:25

Tua ahih manin note tungah thu a hong gen pa’ thugen na ngaih loh khak ding uh kidawm un. Hih leitungah thu a gen pa’ thu a ngai lote suakta lo ahih manin vantung panin thu a hong gen pa’ thugen ngai kei lehang i suakta kei zaw kan lai ding hi.