Hebru 9:7 - Tedim Bible

⁷ Ahi zongin a dei sungnung sungah Siampi Lianpen pa bek kum khatin khatvei pai a, theih loh man a, amah le mite’ khialhna hangin ganhing sisan tawh biakpiakna a bawl hi.

Tedim Bible Revision 2017

⁷ Ahi zongin a dei sung nung sungah Siampi Lianpen pa bek kum khatin khatvei pai a, theih loh man a, amah le miteʼ khialhna hangin ganhing sisan tawh biakpiakna a bawl hi.

Hebru 9:7 Iomraidhean Croise

2 SAMUEL NIHNA 6:7

Tua ciangin Uzzah tungah Topa hong sinso hi. Amah in Thuciamna Singkuang lamah a khut zan ahih manin Pasian in tua lai-ah amah vatlum a, Pasian’ Thuciamna Singkuang gei-ah amah si hi.

2 KHANG TANGTHU NIHNATE 33:9

Manasseh in Judah le Jerusalem-a tengte zol ahih manin, Israel mite’ mai-ah Topa in a suksiat minamte sangin amaute a sia tamzaw gamta uh hi.

Late 19:12

Ahih hangin kua in ama khialhnate mukhia theitawm ahi hiam? Theih loh manin khialhna panin kei hong siangsak hi.

Late 95:10

Kum sawmli sung tua minam ka kih a, “Amaute pen a lungsim uhah a khial mi hi a, amaute in ka thupiakte mang lo uh hi,” ka ci hi.

Paikhiatna 30:10

Aaron in kilem nadingin khialhna hanga biakna si a kite tungah kum khatin khatvei zut ding hi. Amah in na khang tawntungun kum khatin khatvei kilemna bawl ding hi. Tua pen Topa’ tungah a siangtho pen ahi hi,” a ci hi.

Isaiah 28:7

Hih mite zong leenggahzu tawh hoi-in khamtheihzu tawh awn uh hi. Siampite le kamsangte nangawn zukhamin hoi uh hi. Kamsangte in zu kham lua uh ahih manin Pasian’ muhsak maangmuhnate theithei lo uh a, siampite in zong zu kham lua uh ahih manin a thukhen dingte uh khen thei lo uh hi.

Isaiah 29:14

Tua ahih ciangin en un, hih mite tungah a tumdang le a lamdang ahi a lamdang nate ka bawlkik ding hi. Amau’ mipilte’ pilna kisia ding a, amau’ thu mutheite’ thu muhtel theihna kiseel ding hi,” a ci hi.

Isaiah 3:12

Keima mite ahihleh naupangte in bawlsia uh a, numeite in zong uk uh hi. Ka mite aw, na makaite un note lam hong lakkhial a, note’ lampi zuih pen hong siasak hi.

Isaiah 9:16

Bang hang hiam cih leh hih minam a makaihte in lam khialsak a, amau’ makaih mite in siatna ngah uh hi.

Hosea 4:12

Ka mite in aisanin singthem peuh thudotin nei uh a, amau’ thu theihnopte, ciangkang peuh in gen tazen hi. Amaute in kei hong taisan uh a, a paktat numei bangin pasian dangte a zuan uh hi.

Siampi Laibu 16:34

Hih pen Israel mite a dingin amau’ khialhnate khempeuh hangin kum khatin khatvei kilemna a kibawlsak theih nadingin note a dingin a om tawntung ngeina kip khat hi ding hi,” a ci hi. Topa in amah a thupiak bangin Moses a gamta hi.

Siampi Laibu 5:18

Tuuhon lak pan a sitbaang lo tuutal khat, a manzah ding nangmah in seh inla, amah in mawhna hanga biak nadingin siampipa kiangah paipih ding hi. Theihlohna hanga ama gamtatnasa khialhna hangin siampipa in ama a’ ding kilemna bawlsak ding a, amah kimaisak ding hi.

Amos 2:14

A tai hatte nangawn suakta zo lo ding a, a thahatte a hatna bei ding a, galhangte in amau’ nuntakna hu zo lo ding uh hi.

Gamlak-vakna 15:25

Siampipa in Israel mihonte khempeuh a dingin kilemna bawlsak ding a, amaute kimaisak ding hi. Bang hang hiam cih leh tua pen tatkhialhna hi a, amaute in tua amau’ tatkhialhna hangin Topa’ tungah mei tawh kihal amau’ biakna le khialhna hanga amau’ biakna uh Topa’ mai-ah paipih khin uh hi.

Efesa 4:18

a ngaihsutnate uh khuamial tawh kibang hi. Amaute’ lungsim khauhin bangmah thei het lo uh ahih manin Pasian’ hong piak nuntakna neikha het lo uh hi.

Hebru 10:3

Tua ahih manin biakpiakna a kipiak simin a kum kumin mite a mawhna uh a kiphawksak kikkik ahi hi.

Hebru 6:19

I lungsim a hong kipsak dingin tu-a bang lametna a nei ihi hi. Tua i lametna kician mahmah a, vantung biakinn siangtho tawngnung sung ciang dong tung khinta hi.

Hebru 7:27

Siampi lianpen dangte in nisimin amau’ mawhna hangin biakna pia masa-in, tua ciangin midangte’ mawhna hangin a piak niloh bang hi loin, amah khatvei bek a kipiakna tawh a tawntung adingin a kimang paisuak ahi hi.

Hebru 9:3

Tua Siangtho Mun a kideina zomah Siangtho Pen Mun a kici a dei dang khat om leuleu hi.