Hebru 9:22 - Tedim Bible

²² Thukham kizatna sungah na khempeuh sisan tawh kisiansuah a, sisan a kiluansak khit ciang bekin mawhna kimaisak thei pan hi.

Tedim Bible Revision 2017

²² Thukham kizatna sungah na khempeuh sisan tawh kisiansuah a, sisan a kiluansak khit ciang bekin mawhna kimaisak thei pan hi.

Hebru 9:22 Iomraidhean Croise

Ezekiel 43:18

Tua ciangin Topa Pasian in kei kiangah, “Mihing ahi Ezekiel aw, hih biakna tau zatna ding ngeinate hih bang hi ding hi: Biakna tau a kizawh khit ciangin a tungah meihal biakpiakna le biakpiakna ganhing site thehna tawh apna a bawl ding na hi hi.

Siampi Laibu 14:14

Siampipa in mawhna hanga biakna si tawmkhat la-in, tua si pen a kisiangthosak ding mipa’ taklam bilteep, a taklam khutpi, le a taklam khepi nuh ding hi.

Siampi Laibu 14:25

Amah in mawhna hanga biakna tuuno go ding hi. Siampipa in mawhna hanga biakna si tawmkhat la-in, a kisiangthosak ding mipa’ taklam bilteep, a taklam khutpi, le a taklam khepi nuh ding hi.

Siampi Laibu 14:6

Amah in a hing lai vasa pen taamtak sing le a ausan puan le puknah tawh la khawmin, tuate le a hing lai vasa pen tuiluang tunga kithat vasa’ si sungah diah ding hi.

Siampi Laibu 17:11

Bang hang hiam cih leh pumpi nuntakna pen si sungah om hi. Note a’ ding kilemna bawl nadingin note a dingin biakna tau tungah tua si ka piazo hi. Si pen nuntakna ahih manin kilemna a piangsak na ahi hi.

Siampi Laibu 4:20

Tua bangin a bawngtal hih ding hi. Amah in khialhna hanga biakna bawngtal a hihsa mah bangin hih zong hih ding hi. Siampipa in amau a’ dingin kilemna bawlsak ding a, amaute kimaisak ding hi.

Siampi Laibu 4:26

Thunuama biakna sathaute mah bangin amah in biakna tau tungah a thau khempeuh hal ding hi. Tua ahih ciangin siampipa in ama khialhna hangin kilemna bawlsak ding a, amah kimaisak ding hi.

Siampi Laibu 4:35

Thunuama biakpiakna panin tuuno thau a kilak khiat mah bangin amah in a thau khempeuh lakhia ding a, Topa’ tungah mei tawh kihal biakna, biakna tau tungah siampipa in hal ding hi. Siampipa in ama gamtatnasa a khialhna hangin kilemna bawlsak ding a, amah kimaisak ding hi.

Siampi Laibu 5:10

Tua ciangin amah in ngeina kip om bangin meihal biak nadingin a khat pia ding hi. Siampipa in a gamtatnasa a khialhna hangin kilemna bawlsak ding a, amah kimaisak ding hi.

Siampi Laibu 5:11

“Ahih hangin amah in vakhu nih ahi a, kawl vakhuno nih ahi zongin a piak zawh kei leh, amah in a gamtatnasa a khialhna hangin a biakna-in annel lawh khat, khialhna hanga biak nadingin paipih ding hi. Tua pen khialhna hanga biakna ahih manin amah in tua sungah sathau khah lo ding a, paknamtui zong hel lo ding hi.

Siampi Laibu 5:12

Amah in siampipa kiangah paipih ding a, siampipa in phawkna-in khutdim khat la-in Topa’ tungah mei tawh kihal biakna, biakna tau tungah hal ding hi. Tua pen khialhna hanga biakna ahi hi.

Siampi Laibu 5:18

Tuuhon lak pan a sitbaang lo tuutal khat, a manzah ding nangmah in seh inla, amah in mawhna hanga biak nadingin siampipa kiangah paipih ding hi. Theihlohna hanga ama gamtatnasa khialhna hangin siampipa in ama a’ ding kilemna bawlsak ding a, amah kimaisak ding hi.

Siampi Laibu 6:7

Siampipa in Topa’ mai-ah ama a’ ding kilemna bawlsak ding a, mi khat a mawh theih ngeina khat peuhpeuhte-ah amah kimaisak ding hi,” a ci hi.