Hebru 9:1 - Tedim Bible

¹ A masa thuciamna nangawn in biakna zia ding le biak nading mun tawh kisai ngeina na nei tei sam hi.

Tedim Bible Revision 2017

¹ A masa thuciamna nangawn in biak zia ding le biak nading mun tawh kisai ngeina na nei tei sam hi.

Hebru 9:1 Iomraidhean Croise

Paikhiatna 25:8

Amaute’ lakah kei ka om theih nadingin kei a dingin biakbuk khat amaute bawlsak in.

Ezekiel 43:11

Amaute a gamtatnasate uh hangin hong maizum theih uhleh, biakinn geelna, a lim, a lutna le a pusuahna, a buppi lim, a na khempeuh a kigeelna, le a zat dan ding khempeuh a cingtakin amaute tungah laktel in la, amaute in a kigelnate thei-in a zat dan ding bangin a zuih theihna dingun amaute a dingin lai-in gelhsak in.

Siampi Laibu 18:30

“Tua ahih ciangin note’ ma-a a kizang hih a kihhuai ngeinate khat peuhpeuh na gamtat ngei loh nading uh le tuate tawh nomau na kinitsak loh nadingun kong thuhilhte zui un; kei pen Topa na Pasian uh ka hi hi,” a ci hi.

Siampi Laibu 22:9

“Tua ahih ciangin amaute in ka thuhilhna zui ding uh hi. Tua hikeileh amaute in tua thu a daisak uh ciangin khialhna thuakin sihpih ding uh hi. Amaute a siangthosakpa pen keimah Topa ka hi hi.

Gamlak-vakna 9:12

Amaute in a zingsang dong bangmah siit lo ding uh a, a guh khat zong sutan lo ding uh hi. Paisan Pawi ngeinate tawh kizui-in amaute in a kham ding uh hi.

Luka 1:6

A nih tuakun Pasian’ muhna-ah a manin gamta uh a, Topa’ thukhamte le a ngeina khempeuh a zui uh hi.

ROM (Romans) 9:4

Amaute pen Pasian’ teel Israel mite hi a, Pasian in ama ta-in bawlin a minthanna a hopte, amaute tungah thuciamna bawlin Thukham a piakte, a man taktakin biaktheihna nei-in thuciamna a ngahte,

Kolose 2:8

Khrih thu tawh a kituak lopi-in, tangthu tuanthu ahi a, huihlak a ukte’ thu siksanin ahi zongin, bangmahin a kimang lo leitung pilna tawh mite’ khemsa-in sila na suahkhak loh nadingun kingaihsun un.

Hebru 8:13

Pasian in thuciamna thak a gen ciangin thu ciamna lui pen a bei-in a seh ahi hi. Tua a bei thuciamna pen a maimangta ahi hi.

Hebru 8:2

Amah in, mite’ bawl ahi lo, Topa mahmah in a bawl a taktak puanbuk ahi a Siangtho Pen mun sungah siampi lianpen nasep a sem ahi hi.

Hebru 8:7

Thuciamna a masa kimang thei hileh thuciamna a nihna kisam nawn lo ding hi.

Hebru 9:24

Tua ahih manin a lim ahi mihingte’ bawl Siangtho Mun sungah Jesuh pai lo a, vantung mahmahah va pai-in Pasian’ omna-ah eite’ tangin tu-in amah a va kilaak ahi hi.