Hebru 8:9 - Tedim Bible

⁹ Egypt gam panin a paikhiatpih dingin a pu a pate uh ka khut tawh ka kaih lai a, amaute tawh ka bawl thuciamna bang hi lo ding hi. Amaute tawh ka bawl thuciamna zui lo uh ahih manin kei zong amaute ka don kei hi.

Tedim Bible Revision 2017

⁹ Egypt gam panin a paikhiatpih dingin a pu a pate uh ka khut tawh ka kaih lai a, amaute tawh ka bawl thuciamna bang hi lo ding hi. Amaute tawh ka bawl thuciamna zui lo uh ahih manin kei zong amaute ka don kei hi.

Hebru 8:9 Iomraidhean Croise

Piancilna 19:16

Ahih hangin amah lungka-in omlai veve hi. Ahi zongin Topa in ama tungah hehpihna nei ahih manin, mite in amah le a zi le a tanu nihte a khut uh tawh manin, amaute in amah paikhiatpihin khua pualamah koih uh hi.

JOB (Job) 8:20

“Theitel in; Pasian in cikmah hunin mawhbaang lo mite nilkhia lo ding a, gamtatsia mite huh ngei lo ding hi.

Late 105:43

Tua ahih ciangin ama mite lungdamna tawh, ama teel mite lasakna tawh a paikhiatpih hi.

Late 77:20

Nangmah in Moses le Aaron’ khut tawh nangma mite tuuhon bangin na makaih hi.

Late 78:57

a pu a pate uh mah bangin kiheikhia-in a zuau gamtat uh hi. Thal ginalo bangin amaute a kihuiheek uh hi.

Paikhiatna 32:8

Ka thupiakna lampi panin amaute kiheikhia pak uh hi. Amau a dingin amaute in a kisung bawngno khat bawlin, tua bia-in a tungah biakna pia uh a, ‘Israel mite aw, hih pen Egypt leitang panin note hong paikhiatpih to na pasian uh ahi hi!’ ci uh hi,” a ci hi.

Paikhiatna 34:10

Topa in Moses kiangah, “En in, keimah in thuciamna khat ka bawl hi. Nangma mi khempeuh’ muhna-ah, leitung khempeuh hitaleh minam khatpeuh sungah hitaleh cikmahin tua bang a kibawl ngei lo na lamdangte ka bawl ding a, note’ lakah a om mite khempeuh in Topa’ nasepna mu ding uh hi. Bang hang hiam cih leh note’ tungah kong bawl ding na pen a kihtakhuai thu ahi hi.

Solomon la 8:5

Gamlak panin a lawmpa tawh khut kilensa-in a hong paikhia kua ahi hiam? Nangmah na pianna mun, na nu in hong neihna mun, epel kung nuai panin nang kong phong hi.

Isaiah 40:11

Amah in tuucingpa bangin ama tuuhonte an vak ding a, ama tuuhonte kaikhawmin a ang sungah pua ding a, no ngeklai a neite dam takin a paipih ding hi.

Isaiah 41:13

Bang hang hiam cih leh keimah Topa na Pasian in na khut taklam ka len hi. “Lau kei in, nangmah kong huh ding hi,” nang tungah a hong ci pa keimah ka hi hi.

Isaiah 51:18

Na mite khempeuh sung panin nang a hong makaih ding kuamah om lo a, na khoisa tapate khempeuh lak panin na khut a hong len ding kuamah om lo hi.

Isaiah 63:9

Vantung mite’ hotkhiat hi loin, Topa mahmah in amaute honkhia hi. A itna le a hehpihna tawh amaute honkhia a, amah in a beisa hun khempeuhah amaute hoihtakin a kem hi.

Jeremiah 31:32

Tua pen, a pu a pate uh, Egypt gam panin ka lakkhiat nadingin a khut uh tawh ka kaihkhiat huna ka bawl uh thuciamna tawh kibang lo ding hi. Tua hun lai-in kei amaute’ pasal hinapi-in ka thuciamna a hong palsat uh hi, Topa in kong ci hi.

Kah la 4:16

Topa in amaute a zat nopna om nawn lo ahih manin amaute a thehthang hi. Amah in i makaite le i siampite a awlmawh nawn kei hi.

Ezekiel 16:59

“Topa Pasian in hih bangin ci hi. Nang in i kamciamna le i thuciamna don lo na hih manin nangma gamtatna bangin nang tungah kong gamta hi.

Ezekiel 16:8

“Nang kong muhkhak kik ciangin pasal nei thei ding hun na hita hi. Na pum guakin a om kimlai, ka puan tawh kong khuh a, na zumhuaina-teng hong seelsakin, tenpih dingin kam kong ciam hi. Kong kamciamna tangtung sakin nang pen keima-a’ nong suak hi, Topa Pasian in ci hi.

Amos 5:22

Meihal biakna le an tawh biakna nong paipih uh hangin tuate kong sang kei ding hi. Thunuama biakpiak nadingin na hong paipih uh a thau mahmah ganhingte zong et-in ka nei vet kei ding hi.

Malakhi 2:13

Note’ gamtatna adang khat omlai hi. Tua pen, note’ paipih biaknate hong sang nawn lo ahih manin Topa’ biakna tau, khitui tawh na kawtsak uh a, kapin thumin na om uh hi.

Marka 8:23

Jesuh in tua mittaw pa’ khut lenin khuanawlah a paipih hi. A mipa’ mitah a cil a phih khit ciangin a khut tawh lawng a, “Na khat peuhpeuh na mu thei hiam?” ci-in a dong hi.

Sawltak 13:11

Tu-in Topa in nang hong su ding a, na mit taw-in tawlkhat sung khua na mu kei ding hi,” a cih khit phetin, meii vom in Elymas’ mit tuamcip a, a khut lenin amah a paipih ding mi a zawt kawikawi hi.

Sawltak 7:36

Amah in Egypt gam le San Tuipi-ah lim le na lamdangte bawlin, Egypt gam panin Israel mite paikhiatpih a, gamlakah kum sawmli sung amaute a makaih hi.

Sawltak 9:8

Saul zong leilak panin thoto a, a mit a hah hangin khua mu thei lo hi. Tua ahih manin a kikholhpihte in a khutin lenin Damaskas khua-ah a paipih uh hi.

Galati 4:24

Hihte pen gentehna lim ahi hi. Hih nupi nihte pen thuciamna nam nih a lahna ahi hi. Sila a suak tate a hingkhia nu Hagar hi a, Sinai Mual tunga kipia thuciamna a lahnopna ahi hi.

Thu-hilhkikna 29:1

Hihte pen, Horeb-ah amaute tawh thuciamna a bawlsa banah, Israel mite tawh Moab gamah thuciamna a bawl dingin Topa in Moses a sawl, a thuciamna kammalte ahi hi.

Thu-hilhkikna 29:25

Tua ciangin mite in, ‘Amah in Egypt gam panin a paikhiatpih lai-in amaute tawh a bawl, a pu a pate uh Pasian ahi Topa’ thuciamna amaute in nusia-in,