Hebru 8:6 - Tedim Bible

⁶ Tua ahih manin Pasian le mite kikalah Jesuh in a bawl thuciamna pen na a hoihzaw piak nading thuciamna ahih mah bangin Jesuh tungah a kipia siampi nasep pen siampi dang khempeuhte’ sep sangin a lianzaw ahi hi.

Tedim Bible Revision 2017

⁶ Tua ahih manin Pasian le mite kikalah Jesu in a bawl thuciamna pen na a hoih zaw piak nading thuciamna ahih mah bangin Jesu tungah a kipia siampi nasep pen siampi dang khempeuhteʼ sep sangin a lian zaw ahi hi.

Hebru 8:6 Iomraidhean Croise

Jeremiah 50:5

Zion khua lampi a dong ding uh a, tua khua lam maingatin, ‘Hong pai un. A kimangngilh ngei nawn lo ding tawntung thuciamna khat Topa’ tungah ciamkhawm dih ni,’ a ci ding uh hi.

Luka 22:20

Tua mah bangin an a nekkhit uh ciangin amaute tungah hai pia a, “Hih leenggahzu pen note a dingin a luangkhia, Pasian’ thuciamna thak a kipsak ka sisan ahi hi.

ROM (Romans) 9:4

Amaute pen Pasian’ teel Israel mite hi a, Pasian in ama ta-in bawlin a minthanna a hopte, amaute tungah thuciamna bawlin Thukham a piakte, a man taktakin biaktheihna nei-in thuciamna a ngahte,

Efesa 2:12

Tuahun lai-in Khrih tawh na kikhen uh a, Pasian’ teel Israel minamte hi loin a pualam mite na hi uh hi. Pasian in ama mite tungah piak dingin a ciam thute zong a ngah dingte na hi kei uh a, Pasian a nei lo, lamet ding bangmah nei loin leitungah a om na hi uh hi.

1 TIMOTI MASA 2:5

Bang hang hiam cih leh Pasian khat bek om a, Pasian le mite a hong kilemsakkik thei Khrih Jesuh khat bek om hi.

Hebru 12:24

thuciamna thak a hong vaihawm Jesuh kiang, Abel’ sisan sangin thu hoihzaw a gen sisan a kithehna mun na tungzo uh hi.

Hebru 7:22

Hih bangin a kilamdang diakin a kibawlna in Jesuh pen kiciamna hoihzaw ahihna thu hong kilangsak hi.

2 PETER NIHNA 1:4

Amah in piak dingin a hong ciam a manpha mahmah nate hih bangzia-in hong pia a, hih ama hong piak nate hangin leitungah a om siatna a piangsak thei duhluatna le deihluatnate panin na suakta uh a, Pasian’ pianziate na nei uh hi.