Hebru 8:2 - Tedim Bible

² Amah in, mite’ bawl ahi lo, Topa mahmah in a bawl a taktak puanbuk ahi a Siangtho Pen mun sungah siampi lianpen nasep a sem ahi hi.

Tedim Bible Revision 2017

² Amah in, miteʼ bawl ahi lo, Topa mahmah in a bawl a taktak puanbuk ahi a Siangtho Pen mun sungah siampi lianpen nasep a sem ahi hi.

Hebru 8:2 Iomraidhean Croise

Paikhiatna 25:9

Biakbuk le a nazatte’ lim ding tawh kisai-in nang’ tungah kong lahte khempeuh tawh kituakin nangmah in na bawl ding hi.

Paikhiatna 28:1

“Tua ciangin keima tungah siampi na a sem dingin Israel mite lak panin na sanggampa Aaron le a tapate Nadab le Abihu, Eleazar le Ithamar, nangma kiangah la in.

Paikhiatna 28:35

Aaron in biakna na a sep ciangin tua puan silh ding a, amah a sih khak loh nadingin Topa’ mai a siangtho munah a tum ciang le a pusuah ciangin a gingte kiza ding hi.

Paikhiatna 33:7

Israel mite in giahphual a sat simin Moses in puanbuk la-in giahphual panin a gamla pekah lam thei zel hi. Amah in tua pen kikhopna buk, ci hi. Topa’ tungah thu a dong nuam mi peuhmah giahphual pualama om kikhopna bukah paikhia uh hi.

Luka 24:44

Tua ciangin Jesuh in amaute kiangah, “Tu-a thupiang khempeuh pen note tawh kong omkhawm lai-a ka gengen thute mah ahi hi. Moses Thukham laibu sung, kamsangte laibu sung le Late sungah a kigelh thu khempeuh a tung ding ahi hi,” a ci hi.

ROM (Romans) 15:8

Hih banga kong genna pen, Pasian thuman hi, ci-in a kilat nadingin pupite tungah Pasian’ thuciamna a tungsak dingin, Jew mite hoih nading,

2 KORIN NIHNA 5:1

Bang hang hiam cih leh hih ka tenna ka leitung pumpi uh a sih ciangin mihingte bawl ahi lo, Pasian in a kip tawntung dingin kote a dingin a hong bawlsak inn, vantungah a nei ding ka hihna uh ka thei uh hi.

Kolose 2:11

Amah tawh na kipawlna uh hangin mihingte in pumpi vun a at uh bang hi loin, Khrih’ vun-atna ahi mawhnopna lungsim tawh kipelhna a ngah khinta na hi uh hi.

Hebru 10:11

Jew siampite nisimin a nasepna uh munah dingin a kibang biakpiakna mah pia niloh uh a, ahi zongin tua a piak uh biakpiaknate in mawhna maisak thei lo hi.

Hebru 10:21

Pasian’ innsung a uk siampi lianpen zong i nei hi.

Hebru 11:10

Pasian in geelin a lam, bulkip a nei khuapi, Abraham in a ngakna-in tua bangin a om ahi hi.

Hebru 9:1

A masa thuciamna nangawn in biakna zia ding le biak nading mun tawh kisai ngeina na nei tei sam hi.

Mangmuhna 21:3

Tokhom panin nakpitakin awging khat ka za a, “Tu-in Pasian omna inn pen mite tawh omkhawm ta hi. Pasian in amaute ompih ding a, amaute pen ama mite hi ding uh hi. Pasian mahmah amaute tawh omkhawm ding a, amah pen amaute’ Pasian hi ding hi.