Hebru 8:10 - Tedim Bible

¹⁰ Ahi zongin tu-in Israel mite tawh ka bawl ding thuciamna hih bang ahi hi. Amaute sungah ka thukham ka guang ding a, amaute lungtang tungah gelhin, amaute’ Pasian ka hi ding a, amaute pen keima mi ahi ding uh hi.

Tedim Bible Revision 2017

¹⁰ Ahi zongin tu-in Israel mite tawh ka bawl ding thuciamna hih bang ahi hi. Amaute sungah ka thukham ka guang dinga, amaute lungtang tungah gelhin, amauteʼ Pasian ka hi dinga, amaute pen keima mi ahi ding uh hi.

Hebru 8:10 Iomraidhean Croise

Paikhiatna 24:4

Moses in Topa’ thugente khempeuh a gelh hi. Zingsangin amah tho baih a, mual bulah biakna tau khat lamin, Israel minam sawm le nihte tawh kituakin khuam sawm le nih a phut hi.

Paikhiatna 24:7

Tua ciangin amah in thuciamna laibu la-in, mite’ zakin tua laibu a sim hi. Amaute in, “Topa’ gensa khempeuh kote in ka hih ding uh a, kote ka thumang ding uh hi,” a ci uh hi.

Paikhiatna 34:1

Topa in Moses kiangah, “A masa tawh a kibangin suangpek nih sui in. Na sukkhap a masa suangpeekte sunga om thute tuate tungah ka gelh kik ding hi.

Paikhiatna 34:27

Topa in Moses kiangah, “Hih thute gelh in. Hih thute tawh kizui-in nang le Israel tawh thuciamna khat ka bawlzo hi,” a ci hi.

Solomon la 2:16

Ka ngaihno keima a’ hi; kei zong ama a’ hi’ng. Amah in unok paakte lakah a tuu cing a,

Jeremiah 24:7

Keimah Topa ka hihlam theihtheihna lungsim ka pia ding hi. A lungsim khempeuh uh tawh kei kiangah hong kileh ding uh ahih manin amaute ka mi ahi ding uh a, kei pen amaute’ Pasian ka hi ding hi.

Jeremiah 31:1

“Topa in kong cihin-ah, tua hun ciangin kei pen Israel mi khempeuhte’ Pasian ka hi ding a, amaute pen keima mite ahi ding uh hi,” a ci hi.

Jeremiah 31:33

Ahih hangin Topa in kong cihin-ah, tua hun hong tun ciangin Israel minamte tawh hih bangin thuciamna ka bawl ding hi: Amaute’ sungah ka thukham ka koih ding a, amaute’ lungtang tungah ka gelh ding hi. Kei pen amaute’ Pasian ka hi ding a, amaute pen keima mite ahi ding uh hi.

Jeremiah 32:38

Amaute keima mi hi ding uh a, kei pen amaute’ Pasian ka hi ding hi.

Jeremiah 32:40

Amaute tungah a tawntungin hoihna ka bawl den nadingin amaute tawh tawntung thuciamna khat ka bawl ding hi. Kei kiang panin a kiheikhiat loh nadingun amaute sungah kei hong zahtakna ding uh lungsim ka guan ding hi.

Ezekiel 37:27

Amaute tawh tengkhawmin, amaute’ Pasian ka hi ding a, amaute pen keima mite hi ding uh hi.

Ezekiel 39:22

Tua khit a kipanin amaute’ Topa Pasian ka hihna thu, Israel mite in hong thei ding uh hi.

Hosea 1:10

Ahi zongin, tehzawh loh, simzawh loh zah dongin tuipi sehnel bangin Israel mite tampi pha ding uh a, tua hunin, “Note ka mi hi lo,” a kicih hangin ni khat ni ciangin, “A nungta Pasian’ tate,” kici ding hi.

Hosea 2:23

Leitungah ka mite kipsakin a cithei-in ka bawl ding a, hehpih loh, a kici mite ka hehpih ding a, ka mi hi lo, a kici mite, ka mi na hi uh hi, ka ci ding a, amaute in, “Nang pen kote’ Pasian na hi hi,” hong ci ding uh hi, Topa in a ci hi.

Zekhariah 13:9

Tua a suakta sehkhatte pen meikhukah ngun a kisiansak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ thungetna ka pia ding hi. Keima mi ahihna uh amaute tungah ka gen ding a, amaute in kei pen amau’ Pasian ka hihna thu a kam uh tawh pulak ding uh hi,” a ci hi.

Zekhariah 8:8

Jerusalem khua sungah ka tunpihkik ding hi. Amaute pen keima mi hi-in, kei zong amau’ Pasian ka hi ding a, amau tawh ka thuciamnate limtakin ka zui ding hi.

Mattiu 22:32

Pasian in, ‘Kei pen Abraham’ Pasian, Isaac’ Pasian, Jakob’ Pasian ka hi hi,’ ci hi. Pasian pen a si mite’ Pasian hi loin a nungta mite’ Pasian ahi hi,” a ci hi.

ROM (Romans) 11:27

Amaute’ mawhna ka maisak ciangin hih ka thuciamna ka pia ding hi,” ci-in gen hi.

1 KORIN MASA 6:16

Numei paktat tawh a pumpi a kizomsak pa pen tua numei tawh pumkhat sakhat a suak ahih lamtak thei lo na hi uh hiam? Bang hang hiam cih leh Lai Siangtho in, “Tua mi nihte pumkhat a suak ding uh hi,” na ci hi.

2 KORIN NIHNA 3:3

Hih lai pen Khrih mahmah in gelhin kote a hong puasak ahihna thu kitel mahmah hi. Laidal le suangpek tungah laitui le laikung tawh a kigelh hi lo a, mihing lungtang tungah a nungta Pasian Kha Siangtho tawh a kigelh ahi hi.

Thu-hilhkikna 30:6

Note in na lungsim khempeuh uh le na nuntakna khempeuh uh tawh Topa na Pasian uh itin na hintheih nadingun, Topa na Pasian un note le na suanlekhakte uh tungah thu man’ nopna lungsim hong guan ding hi.

Titu 2:14

I mawhna khempeuh panin hong honkhia ding le ama neihtuam i suahtheih nadingin Jesuh amahmah hong kipumpiak a, eite pen gamtat hoih gamtat ding a lawp mahmah ihi hi.

Hebru 11:16

Ahi zongin amaute’ lunggulh pen leitung sangin a hoihzaw vantung gam ahi hi. Pasian in amaute a dingin khuapi khat na vaihawmsak ahih manin, tua bang mite in amah pen ka Pasian uh hi, ci-in a gen ding uh Pasian in maizumna in na ngaihsun lo hi.

Jeim 1:18

Ama piansakte khempeuh lakah eite a masa pen i suahtheih nadingin thuman thutak zangin ama utthu tawh eite a hong piangsak tawm ahi hi.

Jeim 1:21

Tua ahih manin ngeina hoih lote le gamtat siate khempeuh nusia unla, Pasian’ thu mangin note’ lungsim sungah a hong koih thu zui un. Tua thu in note hong honkhia thei hi.

1 PETER MASA 1:23

A sithei nu le pate sung pan hi loin a sithei lo nu le pate sung panin a nungta tawntung Pasian’ thu tawh naungek bangin a suakkik na hi uh hi.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasian’ mite na hi uh a, khuamial sung panin a lamdang mahmah ama khuavak sungah a hong samkhia pa’ nasepna a lamdangte a genkhia dingin Pasian in a hong teel mite na hi uh hi.