Hebru 7:5 - Tedim Bible

⁵ Levi suanlekhak sung panin siampi a sem mite pen Abraham’ suanlekhak mah hinapi-in, amau mipih Israel-te tung panin sawm-ah-khat a lak nadingun Thukham a na kibawl hi.

Tedim Bible Revision 2017

⁵ Levi suanlekhak sung panin siampi a sem mite pen Abrahamʼ suanlekhak mah hi napi-in, amau mipih Israel-te tung panin sawm-ah-khat a lak nadingun Thukham a na kibawl hi.

Hebru 7:5 Iomraidhean Croise

Piancilna 35:11

Pasian in ama kiangah, “Kei pen Vanglian Pasian ka hi hi: Pung inla, tampi pha in. Minam khat le minamte honkhat nang’ sung panin piang ding a, nang’ sung panin kumpite zong piang ding hi.

Piancilna 46:26

Egypt gamah a pai Jakob-a’ ahi ama suanlekhak, Jakob’ tate’ zite a kisim loin, a vekpi-in mi sawmguk le guk ahi hi.

1 KUMPI MASATE 8:19

Ahi zongin nangmah in a biakinn na lam kei ding a, nangma sung pan hong suak ding na tapa in ka min dingin biakinn a lam ding hi,’ a ci hi.

Nehemiah 13:10

Levi mite’ ngah dingte amau’ tungah kipia lo ahih manin Levi mite le lasate in a nasep ngeite uh nusia-in a lote uhah na a sepna uh zong ka phawkkhia hi.

Paikhiatna 1:5

Jakob’ suanlekhakte khempeuh mi sawmsagih hi a, Josef pen Egypt-ah na om khinzo hi.

Paikhiatna 28:1

“Tua ciangin keima tungah siampi na a sem dingin Israel mite lak panin na sanggampa Aaron le a tapate Nadab le Abihu, Eleazar le Ithamar, nangma kiangah la in.

Gamlak-vakna 18:7

Nang le na tapate in biakna tau tawh kisai nate le dalna puan sunga om nate khempeuhah na siampi nasep uh na sem ding uh hi. Na siampi nasep uh letsongin kong piak hi a, midangte in hong sep leh kithat ding hi,” a ci hi.

Thu-hilhkikna 26:12

“Sawm-ah-khat piak kum ahi, a kum thumna kumin, amaute in na khuapite uh sungah an ne-in, gilvahin a om theih nadingun Levi mite, peemtate, pa nei lote, le meigong numeite tungah na piak uh, na khawhsa uh sawm-ah-khat na piak khit uh ciangin,

Hebru 5:4

Tua bangin pahtawina a nei siampi lianpen nasep pen a sem dingte amau utthu tawh a kisehtawm mawk hi lo hi; siampi lianpen a sem dingin amahmah a kisehtawm hi lo a, Aaron a kisap mah bangin Pasian in amah a seh ahi hi.

Hebru 7:10

Bang hang hiam cih leh Melkhizedek in Abraham a na dawn laitakin Levi suak nai lo ahih manin a pupi Abraham’ sung mahah a omlai ahi hi.