Hebru 6:9 - Tedim Bible

⁹ Lawm itte aw, hih bangin thu i gen hangin note ka hong muang mahmah uh a, hotkhiatna tawh kizomin thupha a hoihzaw ngah taktak uh hi, ci-in ka hong ngaihsun uh hi.

Tedim Bible Revision 2017

⁹ Lawm itte aw, hih bangin thu i gen hangin note kong muang mahmah uh a, hotkhiatna tawh kizomin thupha a hoih zaw ngah taktak uh hi, ci-in ka hong ngaihsun uh hi.

Hebru 6:9 Iomraidhean Croise

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahipa in hih bangin ci hi: “Kei pen a sangna mun le a siangtho munah ka om a, a kiniamkhiat mite’ lungsim le a kisik mite’ lungsim a thakhauhsakkik dingin kisikna le kiniamkhiatna lungsim a neite tawh zong kei ka omkhawm hi.

Marka 16:16

Lungdamna Thu umin tui a kiphum mi peuhpeuh in hotkhiatna ngah ding a, a um lo mi peuhpeuh in mawhsakna thuak ding uh hi.

Sawltak 11:18

Amaute in hih thu a zak uh ciangin mawhsakna thu gen nawn lo uh a, “Gentail mite zong kisikin a nuntak theih nadingun Pasian in hunhoih pia hi,” ci-in Pasian a phat uh hi.

Sawltak 20:21

Jew mi le Gentail mite a mawhna panun Pasian’ lamah kihei-in i Topa Jesuh a up nadingun thu ka gen khinzo hi.

1 KORIN MASA 10:14

Tua ahih manin lawm itte aw, milim biakna pelh un.

2 KORIN NIHNA 12:19

Note mai-ah ka mawhna uh a kiphelphel bang khatin na hong ngaihsut khak uhleh tua bang hi lo hi. Lawmte aw, ka hihna khempeuh uh note’ phattuam nading ka deihna uh tawh Khrih in kote’ gen ding a hong deih bangin Pasian’ mai-ah thu genin nasem ka hi uh hi.

2 KORIN NIHNA 7:1

Tua ahih manin ka hong it lawmte aw, pumpi le lungsim a ninsak theite khempeuh panin kisiansuahin, Pasian zahtakna tawh nungta-in siangtho sinsenin om ni.

2 KORIN NIHNA 7:10

Tua na dahna uh hotkhiatna ngahtheih nadingin na lungsim uh na kheel nadingun Pasian in hong zang ahih manin dah nading bangmah om lo hi. Ahi zongin hih leitung dahna lelte in ahihleh sihna piangsak hi.

Galati 5:6

Bang hang hiam cih leh Jesuh Khrih tawh i kipawl ciangin vun-atna le vun-at lohna a thupi tuan om lo a, Khrih i upna hangin midangte i itna a thupi hi bek hi.

Hebru 10:34

Note in a hoihzaw, a kipzaw nate a nei na hihlam uh kithei na hih manun thongkia mite thuakpih ngamin, na neihsa uh hong kilaksak hangin zong lungdam takin na om thei veve lai uh hi.

Hebru 10:39

Eite pen nungkikin a maimang mite ihi kei a, upna nei-in hotkhiatna a ngah mite ihi hi.

Hebru 2:3

Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.

Hebru 5:9

Tua bangin a cingtaak mi a suahkhit ciangin ama thu a mang mite khempeuh a dingin tawntung hotkhiatna a kipatna hong suak a,

Hebru 6:10

Pasian, a man loin gamta ngei lo ahih manin na Khristianpihte uh a beisa hunah na huhna uh le tu dongin na huh laina uh tawh ama a dingin na nasepna uh le amah na itna uh na lahnate uh hong mangngilh het lo ding hi.

1 PETER MASA 2:11

Ka itte aw, hih leitungah gamdang mi, a peempak bangin kingaihsun unla, na kha nuntakna uh tawh a kilehngat pumpi’ deihnate na kikham un.

2 PETER NIHNA 3:1

Ka itte aw, hih ka hong laigelh a nihveina hi a, lungsim siangtak tawh thu na ngaihsut phatkik theih nadingun a nihvei mahin ka hong phawksakkik hi.

1 JOHAN MASA 2:7

Kong it lawmte aw, hih ka hong gelh thupiaknate pen a thak hi lo a, a kipat cil a kipanin na neihsa uh thupiakna lui mah ahi hi. Tua thupiakna lui pen note in na zakzaksa uh thu ahi hi.

Juda 1:3

Ka itte aw, eite in i ngahkhawm hotkhiatna thu, note kiangah gelh nuam mahmahin ka om laitakin Pasian in ama mite tungah a tawntungin a kimang dingin khatvei bek a hong piak upna thu-ah note in na nawksuak nadingun hanthotna gelh ding a kisapna thu ka phawk hi.