Hebru 6:5 - Tedim Bible

⁵ Pasian’ thu a hoihna phawk khinin, a hong tung ding vangliatna thu zong thei khin uh ahih manin,

Tedim Bible Revision 2017

⁵ Pasianʼ thu a hoihna phawk khinin, a hong tung ding vangliatna thu zong thei khin uh ahih manin,

Hebru 6:5 Iomraidhean Croise

Late 34:8

Topa tawh kikhawl phot unla, ama hoihna thei un! Amah a beel mite mi lungdam ahi uh hi.

Mattiu 12:32

Mihing Tapa langpangin a gensiate a mawhna uh kimaisak thei ding a, ahi zongin Kha Siangtho langpangin a gensiate pen tuhun a kipan a tawntungin a mawhna uh kimaisak lo ding hi.

Marka 6:20

Bang hang hiam cih leh Johan pen a thuman mihoih khat hi, ci-in Herod in ngaihsun ahih manin amah zahtakin siatna a thuak nading panin hu hi. Ama thugente in a lungsim nuam losak hi; ahi zongin a thugen zanuam veve hi.

Luka 8:13

Suang kitawphah leilak a tukna munte pen Pasian’ thu a zak ciangin lungdam takin a sangte a cihna ahi hi. Ahi zongin amaute sungah thuktum lo ahih manin tawlkhat sung bek um uh a, ze-etna hun a tun ciangin a puk uh hi.

Efesa 6:17

Siklukhu khuk bangin hotkhiatna nei unla, Kha Siangtho in a hong piak Pasian’ thu pen namsau zat bangin na zang un.

Hebru 11:3

Pasian’ kampauna tawh leitung le vantung piang a, tu-a i muhtheih nate a om nai lopi panin hong piang hi, ci-in i upna bek mah tawh a thei ihi hi.

Hebru 2:5

Eite in genbelin i neih a hong tung ding leitung pen Pasian in vantung mite’ khut sungah koih lo hi.

Hebru 4:12

Pasian’ thu nungta-in a gamtang hi a, langnih a hiam namsau sangin hiamzaw lai hi. Kha le lungsim, guh le taang kituahna, guh le guhngek dongin khenkhia thei hi. Mihingte’ lungsim ngimna le a ngaihsutnate zong theithei hi.

1 PETER MASA 1:25

ahi zongin Topa’ thu kip tawntung hi,” ci-in na kigelh hi. Note kiangah a hong kihilh Lungdamna Thu pen tua Topa’ thu ahi hi.

1 PETER MASA 2:3

Bang hang hiam cih leh note in Topa’ hoihna thu na thei khinzo uh hi.

2 PETER NIHNA 2:20

I Topa le Honpa Jesuh Khrih theihna hangin leitung siatna sung panin suakta khin napi-un, leitung siatna-ah awk kikin a lelte pen, a masa a pianzia uh sangin a nunung a pianzia uh siahuaizaw hi.