Hebru 6:2 - Tedim Bible

² tuiphumna le khut ngakna thu, misite thawhkikna le tawntung gimthuakna, cih thute genpha sansan nawn kei ni.

Tedim Bible Revision 2017

² tuiphumna le khut ngakna thu, misite thawhkikna le tawntung gim thuakna, cih thute genpha sansan nawn kei ni.

Hebru 6:2 Iomraidhean Croise

Thuhilh-sia 12:14

A pha hitaleh a sia hitaleh a simthamin i hih simte nangawn i hihna khempeuhah Pasian in thu hong khen ding hi.

Isaiah 26:19

Nangma mi a sisate hingkik ding uh a, amau’ pumpi thokik ding hi. Han sungah a lum mite aw, tho-in lungdamin la sa un! Bang hang hiam cih leh zing daitui in leitung a nosakkik bangin sawtpi-a a sisa mite Topa in hingkiksak ding hi.

Daniel 12:2

A sisa mi tampite in nuntakna a ngahkik ding uh hi. Pawlkhatte nungta tawntung ding uh a, pawlkhatte in a tawntung zumna le minsiatna a ngah ding uh hi.

Mattiu 28:19

Tua ahih ciangin note pai unla, midang khempeuh, keima nungzui mi suaksakin, Pa min, Tapa min, le Kha Siangtho min tawh tui sungah na phum un.

Mattiu 3:14

Ahi zongin Johan in na tuiphum nuam lo a, “Nang in kei nong tuiphum dingin a kilawmzaw kimlai, kei’ phum dingin nang hong pai zawsop na hi hiam?” a na ci hi.

Marka 16:16

Lungdamna Thu umin tui a kiphum mi peuhpeuh in hotkhiatna ngah ding a, a um lo mi peuhpeuh in mawhsakna thuak ding uh hi.

Marka 7:4

Nektheih zuakna panin a kilei nate zong amau teek mah in a sawp kei uhleh ne lo uh hi. Khanglui ngeina a zuih uh, hai khawng, beel khawng, sumngo kibawl beellekuang khawngte sawp ding cih ngeina a zuih uh tampi om hi.)

Marka 7:8

Note in Pasian’ thukham nawlkhinin, mihingte’ thuhilhna na zui zawsop uh hi,” a ci hi.

Luka 11:38

Jesuh in khut sil masa loin an a neklam a muh ciangin Farisi mipa in lamdangsa mahmah hi.

Luka 12:50

Gimna sungah ka kiphum nading khat om a, tua thu a kikhit matengin ka lungsim a nuam thei kei hi.

Luka 14:14

Amaute in nang hong thukkik zo lo ding uh ahih manin nang a dingin a lungdamhuai hong hi ding hi. Bang hang hiam cih leh sihna panin mihoihte a thawhkik hun ciangin Pasian in nang tungah hong thukkik ding hi,” a ci hi.

Luka 3:16

Tua ahih ciangin Johan in amaute kiangah, “Keimah in tui sungah note ka hong phum hi; ahi zongin kei sangin nakpitakin a lianzaw khat hong pailai ding hi. Ama khedap khau a sutsak ding nangawnin kei ka kilawmzo nai kei hi. Amah in Kha Siangtho le mei sungah note hong phum ding hi.

Johan 1:33

Keimah in amah ka theih nai loh hangin, tui sungah mite a phum dingin kei a hong sawl Pasian in, ‘A tungah Kha hong paisukin a omna mipa pen Kha Siangtho sungah mite a phum ding pa ahi hi,’ ci-in hong genkhol hi.

Johan 5:29

han sung panin a hong paikhiat uh hun hong tung ding hi. A gamtat hoih mite pen a nungta tawntung dingin hong thokik ding uh a, a gamtat siate ahihleh mawhsak thukhenna a thuak dingin hong thokik ding uh hi.

Sawltak 10:47

“Eite mah bangin hih mite in zong Kha Siangtho ngah uh hi. Tui sungah a kiphum ding uh kua’n kham thei ding ahi hiam?” ci-in a gen khit ciangin,

Sawltak 13:3

Amaute in zong an tangin, a lu tung uhah a khut uh nga-in thu a ngetsak khit uh ciangin a kuankhia sak uh hi.

Sawltak 16:15

Amah le a innsunga om mi khempeuh tui kiphum uh a, “Topa thu a um mi taktak hi, ci-in na hong ngaihsut nak-uhleh hong pai unla, ka inn-ah hong tung un,” ci-in hong samin a hong zol hi.

Sawltak 16:33

Tua zankim laitakpi mahin thongcing pa in amaute’ liammate sawpsiangsak a, amah le a innkuanpih mi khempeuh a kituiphum pah uh hi.

Sawltak 17:18

Epikuras thu ngaihsutzia le Stoik thu ngaihsutzia a um mite pawlkhat, Paul tawh thu kinial uh a, “Hih mi kipilsak thu mawk gengen pa in bang gennuam ahi hiam?” cihsan uh a, pawlkhat in, “Minam dangte’ pasian thu a gen tawh kibang hi,” a ci uh hi. Paul in Jesuh thu le a thawhkikna thu hilh ahih manin hih bangin a gen uh ahi hi.

Sawltak 2:38

Tua ciangin Peter in amaute kiangah, “Na mawhna uh kisik unla, na mawhna uh hong kimaisak theih nadingin Jesuh Khrih min tawh tui kiphum ciat un. Tua hileh Pasian’ piakkhong Kha Siangtho na ngah ding uh hi.

Sawltak 2:41

Mi tampi in ama thugen umin tui kiphum uh a, tua ni-in mihing tulthum bang kibehlap uh hi.

Sawltak 23:6

Paul in tua uliante lakah Saddusi mi le Farisi mi a omlam a muh ciangin amaute kiangah, “Lawmte aw, kei pen Farisi mite’ suan ahi Farisi mi ka hi hi. Mi site hingkik ding hi, ci-in lamenin upna ka neih manin hih lai-ah thusitna ka thuak hi,” a ci hi.

Sawltak 24:15

Amaute’ up le lamet mah bangin, Pasian in miphate le misiate a kibangin sihna panin hingkiksak khawm ding hi, ci-in umin ka lamen hi.

Sawltak 24:21

Amaute’ mai-ah, ‘Mi site hingkik ding hi, ci-in ka upna hangin kei tungah thu nong khen uh hi,’ ci-in ka gen simloh amaute’ heh nading bangmah om lo hi,” ci-in thu a gen hi.

Sawltak 24:25

Ahi zongin Paul in thu gengenin, a hoihin a gamtat nading, pumpi ki-uk zawh nading, le hong tung ding Thukhenna Hunte a gen tohtoh ciangin, Feliks hong lau a, “Va paikik phot in. Hun ka ngah ciangin kong samkik ding hi,” ci-in a gen hi.

Sawltak 26:8

Bang hangin no Jew mite in Pasian in misite a thawhkik sakna thu um thei lo na hi uh hiam?

Sawltak 4:2

Hih sawltak nihte in misite thokik ding hi, cih a lahtel nadingun sihna panin Jesuh thokik hi, ci-in mite kiangah thu hilh uh ahih manin nawngkai a sa uh hi.

Sawltak 6:6

Amaute in sawltakte kiangah hih mite paipih uh a, sawltakte in a lu tung uhah a khut uh nga-in thu a ngetsak uh hi.

ROM (Romans) 2:16

Tua ahih ciangin Pasian in mihingte lungsim sunga a ngaihsutnate uh, Jesuh Khrih thu a khensak Ni ciangin, tu-a ka hong gen bang teekteekin a hong piang ding ahi hi.

1 KORIN MASA 10:2

Meiipi sung le tuipi sungah ama nungzui a suak dingin Moses sungah amaute na kiphum uh hi.

1 KORIN MASA 12:13

Jew mi ihi a, Gentail mi ihi zongin, sila ihi a, sila ahi lo ihi zongin, eite minam tuamtuam ihih hangin Kha Siangtho khat bek mah in Jesuh’ pumpi a suak dingin ama sungah hong phum a, eite khempeuh tungah a hong kipia pen tua a kibang Kha Siangtho khat bek mah ahi hi.

2 KORIN NIHNA 5:10

Bang hang hiam cih leh Khrih mai-ah thusitna a thuak dingin eite khempeuh a kilak ding ihi a, leitung i pumpi-in i omlai-in i gamtatna tawh kizui-in eite tawh a kituak ciatin a sia ahi a, a pha ahi zongin a ngah ciat ding ihi hi.

Filippi 3:21

Amah in na khempeuh ama khutnuai-ah koihna-in a zat vangliatna mah tawh a ginalo i leitung pumpi pen ama a’ mah bangin a minthang pumpi tawh hong kheelsak ding hi.

Kolose 2:12

Note tui na kiphum uh ciangin Jesuh tawh kiphum khawmin, misite’ lak panin Khrih a thosak Pasian’ vangliatna na up manun Khrih mah tawh tuiphumna panin a thokhawm leuleu na hi uh hi.

2 TIMOTI NIHNA 2:18

Thuman lampi panin amaute pialkhin uh a, thawhkikna thu pen a beisa thu hi ta hi, ci-in thu um mi pawlkhat lungmangsak uh hi.

Hebru 11:35

Numeite in a sihsuah mite uh, thawhkikna tawh a ngahna uh zong a upna uh hang mah ahi hi. Mi pawlkhatte in a hoihzaw nuntakna-ah a thawhkik theih nadingun leitungah suahtak ding ut tuan loin bawlsiatna thuakin a si uh hi.

Hebru 9:10

Zu le an, le pumpi siansuahna ngeina tuamtuamte hi bek a, Pasian in na khempeuh a puahphat hun ma kikal sungteng zat ding ngeina ahi hi.

2 PETER NIHNA 3:7

Tu-in tua Pasian’ kampauna mah tawh, mei tawh haltum dingin tu-in a om vantung le leitung a kikoihcing hi a, Pasian a um lo mite thu kikhenin a kisuksiat hun ding bek ngakin a om ahi uh hi.