Hebru 6:19 - Tedim Bible

¹⁹ I lungsim a hong kipsak dingin tu-a bang lametna a nei ihi hi. Tua i lametna kician mahmah a, vantung biakinn siangtho tawngnung sung ciang dong tung khinta hi.

Tedim Bible Revision 2017

¹⁹ I lungsim a hong kipsak dingin tu-a bang lametna a nei ihi hi. Tua i lametna kician mahmah a, vantung biakinn siangtho tawngnung sung ciang dong tung khinta hi.

Hebru 6:19 Iomraidhean Croise

Late 39:7

Tu-in Topa aw, ke’n, bang ngaklai ding ka hi hiam? Keima lametna nangma sung bekah om hi.

Late 42:11

Bang hangin khakunkun a, lunghimawh niloh ka hi hiam? Pasian’ sungah lametna nei ning; bang hang hiam cih leh kei a hong huh ka Pasian ka phatkik ngawn ding hi.

Late 42:5

Bang hangin khakunkun a, lunghimawh niloh ka hi hiam? Pasian’ sungah lametna nei ning; bang hang hiam cih leh kei a hong huh ka Pasian ka phatkik ngawn ding hi.

Late 43:5

Bang hangin khakunkun a, lunghimawh niloh ka hi hiam? Pasian sungah lametna nei ning; bang hang hiam cih leh kei a hong huh ka Pasian ka phatkik ngawn ding hi.

Isaiah 12:2

En in, Pasian pen kei a hong honkhia pa ahi hi. Amah ka muang ding a, ka lau kei ding hi. Bang hang hiam cih leh Topa Pasian in thahatna le vangliatna hong pia a, amah pen kei a hong honkhia pa ahi hi,” a cih hun uh hong tung ding hi.

Isaiah 28:16

Tua ahih ciangin Topa Pasian in, “En un, keimah in Zion sungah bulpi ding khat, suang, a kize-etsa suang, a manpha innkiu suang, bulpi muanhuai khat ka koih hi. Tua suang tungah, ‘Hih a um mi in lungkhamna tuaklo ding hi,’ ci-in kigelh hi.

Siampi Laibu 16:15

“Tua ciangin amah in mite a’ ding ahi khialhna hanga biakna keel go-in, dalna puan sungah a si paipih ding a, bawngtal si a theh mah bangin a si thehin, hehpihna tokhom tung le hehpihna tokhom mai-ah theh ding hi.

Siampi Laibu 16:2

Topa in Moses kiangah, “Thuciamna singkuang tunga om hehpihna tokhom mai, dalna puan sunglam a siangtho munah a hunlopi-in hong pai nawn loh nadingin na sanggampa Aaron kiangah gen in. A hunlopi-in hong pai leh amah si ding hi. Bang hang hiam cih leh tua mun pen hehpihna tokhom tunga meii sungah kei ka kilatna mun ahi hi.

Zekhariah 9:12

Lametna a om no salte aw, ciahkik unla, a muanhuai mahmah na mun ngei uh zuankik un. Note’ thuaknasa a zah nihin thupha ka hong piakna ding tuni-in note kiangah ka hong gen hi.

Mattiu 27:51

Tua laitakin biakinn sung deina puan, a lu panin a taw dongin kikekin phelnih a suak hi. Zin zong lingin suangtumpite kitam hi.

Sawltak 23:6

Paul in tua uliante lakah Saddusi mi le Farisi mi a omlam a muh ciangin amaute kiangah, “Lawmte aw, kei pen Farisi mite’ suan ahi Farisi mi ka hi hi. Mi site hingkik ding hi, ci-in lamenin upna ka neih manin hih lai-ah thusitna ka thuak hi,” a ci hi.

Sawltak 27:29

Ka teembaw uhleh suang a kitahkhak ding lau uh ahih manin teembaw nunglam panin teembaw khawlsakna sikkawipi li khiasuk uh a, khuavak ding ngakin ka om uh hi.

Sawltak 27:40

Tua ahih ciangin teembaw khihna sikkawipi khaute sattatin tui sungah khiasuk uh a, teembaw heina a kizang sing peekpi khihna khaute zong a sut uh hi. Tua ciangin huih in hong mutin tui gei lamah ka pai theih nadingun a mailam a teembaw puan a sang khai uh hi.

ROM (Romans) 4:16

Tua ahih manin Abraham’ suanlekhakte khempeuh tungah Pasian’ hehpihna piakkhong a suahtheih nadingin Thukham a zuite bek in ngah loin, Abraham’ up bangin a umte in zong a ngahtheih nadingun upna bulphuhin thuciamna kipia hi. Bang hang hiam cih leh Abraham pen kha thu lamah eite khempeuh’ pupi ahi hi.

ROM (Romans) 4:18

Lai Siangtho sungah, “Na suanlekhakte aksi zahin tam ding hi,” ci-in a kigelh mah bangin tua bang a piantheih nading lametna a om nai lopi mahin Abraham in umin lamen ahih manin minam tampite’ pupi a suak hi.

ROM (Romans) 5:4

thuakzawh hatna in Pasian’ pahtakna hong ngahsak a, ama hong pahtakna in lametna lianpi hong neisak ahihna thu i thei hi.

1 KORIN MASA 13:13

Tu laitakin a omlai thu thumte pen upna, lametna, le itna hi a, tua thumte sung panin itna mah a thu lianpen ahi hi.

1 KORIN MASA 15:58

Tua ahih ciangin ka hong it sanggamte aw, Topa’ hangin na nasepnate uh a mawkna hi ngei het lo hi, ci-in na theih uh mah bangin Topa a dingin a tawntungin na sem unla, ling hetloin lungsim kiptakin na om ta un.

Efesa 2:6

Khrih Jesuh tawh eite i kipawlna hangin vantungah amah tawh i ukkhawm theih nadingin sihna panin Pasian in a hong thokhawmsak hi.

Kolose 1:27

Pasian in mi khempeuh a dingin a koihcing hih a thupi a deihhuai a thusim pen ama mite tungah pholak ding a sawm ahi hi. Tua thusim in: Khrih tawh a kipawlte in Pasian tawh minthanna ngahkhawm ding hi, cihna ahi hi.

Kolose 3:1

Note pen Khrih tawh a thokik khinte na hih manun, Pasian’ taklam a kumpi tokhom tungah Khrih a tutna mun vantung thute ngaihsutin nei un.

2 TIMOTI NIHNA 2:19

Ahi zongin Pasian in a phuhsa sutpi kilokzo ngei lo ding hi. Tua sutpi tungah, “Topa in ama mi kua teng hiam cih thei hi,” cihna le, “Topa tawh kipawl ing, a ci peuhmah in mawhna sukhalo ding hi,” cihna kigelh hi.

Hebru 4:16

Tua ahih manin a kisap hunin, eite a hong huh dingin hehpihna le dikna thupha i ngahtheih nadingin, kimuanna lungsim tawh hehpihna tokhom va zuan ciat ni.

Hebru 9:3

Tua Siangtho Mun a kideina zomah Siangtho Pen Mun a kici a dei dang khat om leuleu hi.

Hebru 9:7

Ahi zongin a dei sungnung sungah Siampi Lianpen pa bek kum khatin khatvei pai a, theih loh man a, amah le mite’ khialhna hangin ganhing sisan tawh biakpiakna a bawl hi.

1 PETER MASA 1:3

I Topa Jesuh Khrih’ Pa Pasian tungah lungdam ni. Ama hong hehpih mahmahna hangin sihna panin Jesuh Khrih a thawhkik sakna tawh eite tungah nuntakna thak a hong pia hi. Tua ahih manin i lametna kiam ngei lo a,