Hebru 6:18 - Tedim Bible

¹⁸ Tua hi a, a kikheel thei lo thu nih kithuap ahih manin Pasian in zuau gen thei lo ding hi. Tua hi a, amah a beel eite in eite mai-ah hong kikoih lametna thu kiptakin i letcip nadingin i tha hong nuamsak hi.

Tedim Bible Revision 2017

¹⁸ Tua hi a, a kikheel thei lo thu nih kithuap ahih manin Pasian in zuaugen thei lo ding hi. Tua hi a, amah a beel eite in eite mai ah hong kikoih lametna thu kip takin i let cip nadingin i tha hong nuamsak hi.

Hebru 6:18 Iomraidhean Croise

Piancilna 19:22

Kinawh inla, tua lai-ah tai in. Bang hang hiam cih leh tua lai-ah nang na tun mateng ke’n bangmah ka hih thei kei hi,” a ci hi. Tua ahih ciangin tua khuapi min Zoar kici hi.

1 KUMPI MASATE 2:28

Hih thu Joab kiang a tun ciangin Topa’ puanbukah Joab tai-in biakna tau kite a len hi. (Joab in Absalom pawlpih loin Adonijah a na pawlpihna hang ahi hi.)

Late 110:4

Topa in thu ciamzo a, ama ngaihsutna kheel lo ding hi. “Melkhizedek bangin a tawntungin siampi na hi hi,” a ci hi.

Late 46:1

Pasian, i belh leh i thahatna hi a, haksat hunin a hong huh pahpah pa ahi hi.

Late 62:8

Mite aw, amah muang tawntung unla, na lungkhamna teng uh ama tungah gen un. Pasian, eite’ bukna ahi hi.

Paunak 3:18

Pilna a nei mite a lungdam mi hi a, pilna a nei mite nuntakna singkung tawh kibang uh hi.

Paunak 4:13

Hong kihilhnate lencip inla, khahsuah kei in. Na nuntakna ding ahih manin limtakin zui in.

Isaiah 27:5

Tua ahih kei leh keima hutna sungah amaute hong om hen la, amaute in kei tawh kilemna hong bawlin keimah tawh amaute hong kilem ta uh hen,” Topa in ci ding hi.

Isaiah 51:12

Topa in, “Kei, keimah pen note hong hehnem pa ka hi hi. Lopa sangin sauvei a nungta zaw tuan lo, mihing lellelte, bang hangin kihta na hi uh hiam?

Isaiah 56:4

Bang hang hiam cih leh Topa in hih bangin ci hi: “Keima Sabbath nite tangin, kei hong lungdamsak thei nate teel a, ka thuciamna a lenkip a kiget mite tungah

Isaiah 64:7

Tua ahih ciangin nangmah a hong pom dingin a hanciam tawm, nangma min a lo kuamah om lo hi. Bang hang hiam cih leh kote kiang panin nang in na maitang na seel a, mawhna khut sungah kote na hong pia hi.

Zekhariah 9:12

Lametna a om no salte aw, ciahkik unla, a muanhuai mahmah na mun ngei uh zuankik un. Note’ thuaknasa a zah nihin thupha ka hong piakna ding tuni-in note kiangah ka hong gen hi.

Gamlak-vakna 23:19

A zuau dingin Pasian pen mihing hi lo a, a kisik dingin mihing’ tapa hi lo hi. Amah in gen khin hi; a gen bangin hih lo ding ahi hiam? Amah in ci khin hi; a cih bangin tungsak lo ding ahi hiam?

Mattiu 24:35

Van le lei a maimang zongin ka thugente maimang ngei lo ding hi.

Mattiu 3:7

Ahi zongin Farisi mite le Saddusi mite tampi tak tui a kiphum dingin a hong pai a muh ciangin Johan in amaute kiangah, “Gul bangin ngian a zang note aw, a hong tung ding Pasian’ hehna panin na suahtak theih nading uh kua in hong hilhkhol ahi hiam?

Luka 2:25

Jerusalem khua sungah Simeon a kici mi khat na om hi. Amah a thuman, a biakna mi mahmah khat hi a, Israel mite a kihotkhiat hun ding a ngakngak mi khat ahi hi. Kha Siangtho in a ompih mi khat hi a,

ROM (Romans) 15:5

Note in lungsim kikhatin i Topa Jesuh Khrih’ Pa ahi Pasian na phatkhawm theih nadingun Pasian in thuakzawhna le thahatna hong pia hen la, Jesuh Khrih deihna bangin gamta-in khatlekhat kithutuak takin hong omsak tahen.

ROM (Romans) 3:25

Ama hong sihna hangin mawhna a kimaisak theih nadingin Pasian in Jesuh hong pia a, amah a umte in mawhmaisakna a ngah uh hi. Amah tawh i kipawl theih nading zia hong lahna-in hih bangin Pasian a hong gamta ahi hi. Pasian a lungduaina hangin a beisa hunah i mawhnate hong en khong phot hi.

ROM (Romans) 3:4

Tua bang hi het lo hi. Lai Siangtho sungah, “Thu na gen peuhmah ciangin a man na genna thu mite in hong thei ding uh a, mite in nang hong mawhsakna na genkik ciangin na kiphellah ding khat beek om lo ding hi,” ci-in a kigelh mah bangin mi khempeuh in zuau a gen zongin Pasian in thuman gen veve ding hi.

ROM (Romans) 5:5

Pasian in eite tungah a hong piak a Kha Siangtho tawh eite sungah ama itna hong guang ahih manin hih lametna in eite hong lungkiasak ngei lo hi.

Filippi 2:1

Note, Khrih tawh kipawlin na nuntakna uh in note hong thahatsak hi. Kha Siangtho tawh kikhawlin, khatlekhat kihehpihin, dikna na kibawl uh hi.

Kolose 1:23

Ahi zongin note in lungdamna thu na zak cil lai-un na neih uh lametna panin ling hetloin, bulkip nei-in citakin na om paisuak ding uh ahi hi. Tua lungdamna thu mah keimah Paul in hilhin ka sepbel hi a, leitung mun khempeuhah a kihilh lungdamna thu mah ahi hi.

Kolose 1:27

Pasian in mi khempeuh a dingin a koihcing hih a thupi a deihhuai a thusim pen ama mite tungah pholak ding a sawm ahi hi. Tua thusim in: Khrih tawh a kipawlte in Pasian tawh minthanna ngahkhawm ding hi, cihna ahi hi.

Kolose 1:5

Thu dang na zakma un, lungdamna thuman taktak na zak uh ciangin lametna na nei uh hi. Note a dingin vantungah a hong kikoihsak tua lametna hangin note in muanna le itna a nei na hi uh hi.

1 THESALONIKA MASA 1:10

a hong tung ding Pasian’ hehna panin eite a hong honkhia, sihna panin Pasian in a thawhsakkik a Tapa Jesuh, van panin a hong pai ding ngak dingin milim paisanin Pasian’ lamah na kiheina uh thute mi khempeuh in gen belin a nei uh hi.

1 TIMOTI MASA 1:1

Eite a hong Hon Pasian le eite’ lamet Khrih Jesuh’ thupiakna tawh Khrih Jesuh’ sawltak ahi keimah Paul in,

1 TIMOTI MASA 6:12

Upna thu-ah hoihtakin nawksuak inla, mi tampi’ zakin na pulaksa, Pasian in nangmah a hong piak nuntak tawntungna lenkip in.

2 TIMOTI NIHNA 2:13

Amah le amah kikhem thei lo ahih manin eite i citak kei zongin amah citak veve ding hi,” ci-in a kigenna thu man mahmah hi.

Hebru 11:7

Noah in zong a upna hang mah tawh mailam a thupiang ding a muh theih lohpi mahin Pasian’ thugenna na mang a, teembaw khat bawlin a innkuanpihte tawh na suakta hi. Hih bangin a gamtatna tawh leitung midangte a mawh ahihna kilangsak a, a upna hangin mihoih hihna thu Pasian kiang panin a ngah hi.

Hebru 3:11

Ka heh manin ka kiciam a, ‘Ka tawlngakna munah hong pai-in kei tawh hong tawlnga khawm ngei lo ding uh hi,’ ka ci hi,” na ci hi.

Hebru 3:6

Ahi zongin Khrih pen Pasian’ innsung a uk Tapa ahihna tawh a citak ahi hi. I lametna thu tawh kisai-in lungsim hanna le muanna tawh i omsuak nakleh eite pen Pasian’ inn ihi hi.

Hebru 6:17

Pasian in ama geelnasa a kheel ngei het lo ding ahihna thu a thuciamna a ngah ding mite tungah teltakin theisak nuam ahih manin a thuciam banah kiciamna khat a bawl lai hi.

Hebru 7:19

Moses Thukham ahi ngeina lui in a cingtaaksak zawh bangmah om lo ahih manin eite in Pasian i naih theih nading lametna ahi ngeina thak hong kithun hi.

Hebru 7:21

Ahi zongin Pasian in Jesuh kiangah, “Topa in a lungsim a kheel loh nading limtakin kiciam khin a, ‘Nang, tawntung siampi na hi hi,’” na ci ahih manin kiciamna tawh Jesuh siampi a na suak ahi hi.

1 JOHAN MASA 1:10

Pasian in a mawh hi, hong ci ahih manin eite in ka mawh ngei kei hi, i cih leh Pasian pen zuaugen a suaksak ihi a, i sungah ama thu a om het lo ahi hi.

1 JOHAN MASA 5:10

Tua ahih manin Pasian’ Tapa a um mi peuhmah in Pasian’ teci panna a sang ahi hi. Ahi zongin Pasian’ thugen a um lo mi peuhmah in ama Tapa thu teci pangin a gennate a um lo uh ahih manin Pasian pen zuaugen a suaksak ahi uh hi.

1 SAMUEL MASA 15:29

Israel-te’ minthang Pasian in zong zuau gen lo ding a, zong kisik lo ding hi; bang hang hiam cih leh a kisik dingin amah mi hi lo hi,” a ci hi.