Hebru 6:12 - Tedim Bible

¹² Note thadah loin upna le lungduaina a nei mite bangin, Pasian’ hong ciamsa thu na ngah nadingun ka hong deihsak uh hi.

Tedim Bible Revision 2017

¹² Note thadah loin upna le lungduaina a nei mite bangin, Pasianʼ hong ciam sa thu na ngah nadingun ka hong deihsak uh hi.

Hebru 6:12 Iomraidhean Croise

Paunak 12:24

Mi thanuamte vanglian a, mi thadahte sila suak hi.

Paunak 13:4

Thadah mi in a deih ngahzo lo a, nasep hahkat mi in a deih khempeuh ngahzo hi.

Paunak 15:19

Mi thadahte in mun khempeuhah haksatna tuak a, mi thumante in haksatna tuak kha lo hi.

Paunak 18:9

Na a susia mite a hoih loh zah mahin a thadahte zong mihoih lo ahi hi.

Paunak 2:20

Tua ahih manin mihoihte’ gamtat bangin na gamta ding a, thuman mite’ gamtatna na zui ding hi.

Paunak 26:14

Kongkhak pen kawmhek tungah a kiheihei lel bangin mi thadahpa a lupna tungah kiheihei hi.

Paunak 28:10

A diktat mi khat siatsak ding a hanciam pa pen ama tawhsa gum sung mahah kia ding hi. A dik mipa in gamh hoih luah ding a, migilo pa in bangmah luah lo ding hi.

Solomon la 1:8

Nungak khempeuh lakah a ngaihbaang pen nungak aw, a mun thei lo na hi hiam? Tuuhonte zui-in na keelte hong khah inla, tuucingpa’ puanbuk gei-ah hong cing in.

Jeremiah 6:16

Topa in mite tungah, “Lam kabomah ding unla khuadak un. Lam hoih ahi lampi luite dong unla tawn un. Tua hileh na tawldam ding uh hi,” a ci hi. Ahih hangin amaute in, “Ka tawn kei ding uh hi,” a ci uh hi.

Mattiu 22:32

Pasian in, ‘Kei pen Abraham’ Pasian, Isaac’ Pasian, Jakob’ Pasian ka hi hi,’ ci hi. Pasian pen a si mite’ Pasian hi loin a nungta mite’ Pasian ahi hi,” a ci hi.

Mattiu 25:26

a topa in, ‘A hoih lo, a thadah nasempa aw, ka sep loh ka bawl lohnapi-ah ka deihlam hong thei na hih leh,

Luka 16:22

Tua ciangin mizawng pa hong si a, vantung a Abraham kiangah a om dingin vantung mite in a paipih uh hi. Mihau pa zong hong si leuleu-in a kivui hi.

Luka 8:15

Leihoih a tukna munte pen Pasian’ thu a zak ciangin lungsimtak tawh a thu mangin kip tawntung uh ahih manin amau a dingin man a neite a cihnopna ahi hi,” a ci hi.

ROM (Romans) 12:11

Thadah kei unla, nakpitakin na sem un. Lawp mahmahna lungsim tawh Topa’ na sem un.

ROM (Romans) 2:7

Pahtakna, minthanna, le hin tawntungna deihin a gamtat hoih tawntung mite tungah Pasian in nuntak tawntungna pia ding a,

ROM (Romans) 4:12

A vun a ki-at ma-in i pupi Abraham a upna hangin a gamtat mah bangin a gamta, a vun a ki-at mite a dingin zong Abraham pen pupi mah ahi hi. Tua pen vun ki-at lelna hang hi loin upna hang ahi hi.

1 THESALONIKA MASA 1:3

Bang hang hiam cih leh i Pa Pasian kiangah thu ka nget simun note’ upna hangin na nuntakziate uh, itna na neih manun nakpitakin na nasepnate uh le i Topa Jesuh Khrih hong paikik ding lametna na neih manun kiptakin na omnate uh ka phawk tawntung uh hi.

2 THESALONIKA NIHNA 1:4

Bawlsiatna le gimna na thuakna khempeuh uhah na upna uh khahsuah loin thuakzo paisuak na hih manun midangte kiangah Pasian’ pawlpi ka na kisialhpih uh hi.

Hebru 1:14

Vantung mite pen Pasian’ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Hebru 10:36

Pasian’ deihna bangin gamta-in, ama thuciam na ngahtheih nadingun lungduai-in thuakzawhna na kisam uh hi.

Hebru 11:33

Hih mite khempeuh in zong a upna uh hang mah tawh kumpi gam tuamtuamte zo-in, thumanin a gamtat manun Pasian’ thuciam a ngah uh hi. Upna hang mah tawh humpinelkai kamte hucip uh a,

Hebru 12:1

Tua hi a, eite in i kiim i pamah hih zahin a tam teci nei ihih ciangin eite a hong dongtangsak thei nate khempeuh le eite a hong gakcip mawhna le khialhnate khempeuh paikhia-in, i mai-ah a om tai nading lampi a mong dongin lungsim kiptakin tai ni.

Hebru 13:7

Note tungah Pasian’ thu a hong gen, nidanga na makai masate uh phawk un. Amaute’ nuntakna le a sihna ziate uh ngaihsun unla, amaute’ upna bang na neih nadingun hanciam un.

Hebru 5:11

Hih thu tawh kisai-in i gen ding tampi a om hangin note in thu thei hak mahmah na hih manun i gentel theih nading haksa hi.

Hebru 6:15

Abraham in lungduai takin na ngak ahih manin Pasian’ thuciam a ngah hi.

Jeim 1:3

Tua bangin na upna uh hong kize-etna na thuakzawh uh ciangin na kipna uh hong kilangsak ahihna thu na thei uh hi.

2 PETER NIHNA 1:10

Tua ahih manin sanggamte aw, Pasian in note hong sapna le hong teelna-ah a kip taktak na hih nadingun hahkat mahmah un. Tua bangin hahkat le-uhcin na puk ngei kei ding uh hi.

1 JOHAN MASA 2:25

Khrih in eite tungah piak dingin a hong ciamsa thu pen hih nuntak tawntungna ahi hi.