Hebru 5:6 - Tedim Bible

⁶ Mun dang khatah zong, “Melkhizedek siampi gui zui-in a tawntungin siampi na hi ding hi,” na ci lai hi.

Tedim Bible Revision 2017

⁶ Mun dang khat ah zong, “Melkhizedek siampi gui zui-in a tawntungin siampi na hi ding hi,” na ci lai hi.

Hebru 5:6 Iomraidhean Croise

Late 110:4

Topa in thu ciamzo a, ama ngaihsutna kheel lo ding hi. “Melkhizedek bangin a tawntungin siampi na hi hi,” a ci hi.

Hebru 5:10

Melkhizedek gui zui-in siampi lianpen dingin Pasian in a bawl hi.

Hebru 6:20

Tua lai munah eite’ tangin Jesuh na ma tun khinta a, siampi Melkhizedek gui zui-in a om tawntung ding siampi lianpen a suak hi.

Hebru 7:11

Israel mite in Levi’ suanlekhak siampite tungtawnin Thukham ngah uh hi. Levi’ suanlekhak siampite’ nasepna kicingtaak hileh Melkhizedek siampi nam zui-in siampi namdang a pian ding kisam nawn lo ding a, Aaron gui zui-in siampi omsa a kimangpah ding ahi hi.

Hebru 7:15

Melkhizedek tawh a kibang siampi namtuam khat hong pian’ ciangin hih thu hong kitelpha semsem hi.

Hebru 7:17

Bang hang hiam cih leh Lai Siangtho in, “Melkhizedek nam bangin tawntung siampi na hi hi,” na ci hi.

Hebru 7:21

Ahi zongin Pasian in Jesuh kiangah, “Topa in a lungsim a kheel loh nading limtakin kiciam khin a, ‘Nang, tawntung siampi na hi hi,’” na ci ahih manin kiciamna tawh Jesuh siampi a na suak ahi hi.

Hebru 7:3

Melkhizedek’ pa le a nu a kipanin a suahna thu, a sihna thu, le a khang tangthu peuhmah a kiciamtehna om lo ahih manin Pasian’ Tapa tawh a kibang hi a, siampi mah hi tawntung paisuak hi.

Hebru 7:8

Siampite’ lakna tawh kisai-in ahihleh a sithei mi mah ahi siampite in mite tung panin sawm-ah-khat a la uh hi. Ahi zongin Melkhizedek’ lakna tawh kisai-in ahihleh Lai Siangtho in a gen mah bangin a nungta tawntung mipa in sawm-ah-khat a la ahi hi.