Hebru 5:2 - Tedim Bible

² Amah zong lam tampi-ah a ginalo thei mi mah ahih manin thu thei lo mite le a khial mite tungah lungnem takin na sem thei hi.

Tedim Bible Revision 2017

² Amah zong lam tampi ah a gina lo thei mi mah ahih manin thu thei lo mite le a khial mite tungah lungnem takin na sem thei hi.

Hebru 5:2 Iomraidhean Croise

Paikhiatna 32:8

Ka thupiakna lampi panin amaute kiheikhia pak uh hi. Amau a dingin amaute in a kisung bawngno khat bawlin, tua bia-in a tungah biakna pia uh a, ‘Israel mite aw, hih pen Egypt leitang panin note hong paikhiatpih to na pasian uh ahi hi!’ ci uh hi,” a ci hi.

Isaiah 29:24

Lungzingin a khial mite in thu theitel ta ding uh a, a phunphun mite in thuhilhna ngai ta ding uh hi,” a ci hi.

Isaiah 30:11

Lampi nusia-in, lamzin panin pial unla, Israel-te’ Siangtho Pa’ thu hong zasak kei un,” a ci uh hi.

Luka 22:32

Ahi zongin, Simon aw, na upna na khahsuah loh nadingin nang a dingin thu kong ngetsak khin hi. Kei kiangah nong kiheikik ciangin nungzui na lawmte na hanthawn in,” a ci hi.

2 KORIN NIHNA 11:30

Ka kisialh leh zong ka ginat lohna hong kilangsak nate hangin ka kisial bek hi.

2 KORIN NIHNA 12:5

Tua bang thu pen a kisialh taak mahmah thu hinapi-in ka kisialhpih kei hi. Kei a ginalo hinapi ama minthan nadingin Pasian in hong zang ahih manin tua thu pen a kisialh taak mahmah thu hinapi-in ka kisialhpih kei hi. Kei a ginalo hinapi ama minthan nadingin Pasian in hong zang ahih manin tua thu ka kisialhpih bek hi.

Galati 4:13

Note kiangah lungdamna thu hilh ding ka hong kipatna pen ka pumpi cidam lohna hang ahihna thu na theihsa uh ahi hi.

Efesa 4:18

a ngaihsutnate uh khuamial tawh kibang hi. Amaute’ lungsim khauhin bangmah thei het lo uh ahih manin Pasian’ hong piak nuntakna neikha het lo uh hi.

1 TIMOTI MASA 1:13

A beisa hunah amah gensia-in, simmawh bawlin, ama mite a bawlsia pa ka hih ngei tei hangin ama thu ka up nai loh manin theih lohna tawh a gamta ka hih manin Pasian in kei hong hehpih hi.

Hebru 12:13

Bai luangluangin a paite, na guh na taang uh a kipelh loh nadingin lampi tang zui-in na pai un.

Hebru 2:17

Tua ahih manin mihingte’ mawhna a kimaisak theih nadingin Pasian’ na a sepna-ah mite a dingin hehpihna le cihtakna tawh Siampi Lianpen a suahtheih nadingin a sanggamte tawh a kibangin mihing lim a hong puak ding a kisam ahi hi.

Hebru 2:18

Ama pumpi mahmah in ze-etna le gimna thuak ahih manin tuhun ciangin tua bang a thuakte a hong huhthei hi.

Hebru 4:15

Eite’ neih Siampi Lianpen pa in i ginat lohna-ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.

Hebru 7:28

Moses Thukham in siampi lianpen a sem dingin cingtaakna a nei thei lo mihing mah na seh a, ahi zongin tua Thukham nungah a hong piang Pasian’ thuciamna in a tawntungin a cingtaakin a kibawl Tapa, Siampi Lianpen dingin kiciamna tawh a na seh hi.

Hebru 9:7

Ahi zongin a dei sungnung sungah Siampi Lianpen pa bek kum khatin khatvei pai a, theih loh man a, amah le mite’ khialhna hangin ganhing sisan tawh biakpiakna a bawl hi.

Jeim 5:19

Sanggamte aw, note khatpeuh thuman lampi panin pialkha-in, adang khatpeuh in thuman lampi-ah a tun pihkik theih leh,

1 PETER MASA 2:25

Note, tuu bangin a gammang na hi uh a, ahi zongin note’ kha nuntakna hong Cingin hong Kem pa a zui dingin a hong kiciahpih kik khin na hi uh hi.

Thukhente 2:17

Ahi zongin amaute in a thukhente uh thu ngai lo uh hi. Bang hang hiam cih leh amaute in pasian dangte bia-in tuate’ mai-ah kun uh hi. Topa’ thupiakna a mang amau’ pute pate’ tot lampi panin amaute pial pah uh a, amaute in Topa’ thu mang lo uh hi.