Hebru 5:14 - Tedim Bible

¹⁴ Ahi zongin antak i cih pen a sia le a pha a khenthei, a lim le a lim lo a khentheita, a khangham khinsa mite a’ ding ahi hi.

Tedim Bible Revision 2017

¹⁴ Ahi zongin antak i cih pen a sia le a pha a khen thei, a lim le a lim lo a khen thei ta, a khangham khin sa mite ading ahi hi.

Hebru 5:14 Iomraidhean Croise

Piancilna 3:5

Bang hang hiam cih leh tua singgah na nek ciangun na mitte uh hong vak ding a, a pha le a sia thei-in, Pasian tawh na kibat ding lamtak uh Pasian in thei hi,” a ci hi.

2 SAMUEL NIHNA 14:17

Na nasemnu in, ‘Ka to kumpipa’ kammal in nopsakna hong pia ding hi,’ ci-in ngaihsun hi; bang hang hiam cih leh ka to kumpipa pen a pha le a sia a khenthei dingin Pasian’ vantungmi tawh kibang hi. Topa na Pasian in nang hong ompih ta hen!” a ci hi.

1 KUMPI MASATE 3:11

Pasian in ama kiangah, “Nangmah in hih thu hong ngenin, nangma a dingin khansauna ahi a, hauhna ahi a, na galte thahzawh nading ahi zongin hong ngen loin, a man thu na theih nadingin nang a dingin thu theihtelna hong ngen na hih manin,

1 KUMPI MASATE 3:9

Tua ahih ciangin keimah in a sia le a pha ka theihtheih nadingin na mite uk nading thu theihtelna lungsim na nasempa hong pia in. Bang hang hiam cih leh hih a lian a tam na mite kua in ukzo ding ahi hiam?” a ci hi.

JOB (Job) 12:11

Leii in an a ciap mah bangin, bil in ngai thei hi lo ahi hiam?

JOB (Job) 34:3

An na ciap uh ciangin a lim a lim lo na thei uh hi. Thu kigen na zak uh ciangin pil kampau le hai kampau na khenthei uh hi.

JOB (Job) 6:30

Ahi zongin zuau gen mahin nong ngaihsun lai veve uh a, a sia le a pha a khenthei loin nong seh lai veve uh hi.

Late 119:103

Nangma thute khum mahmah a, khuaizu sangin khumzaw hi.

Solomon la 1:3

Na omna khempeuh nam vuauvuau a, na min kizaza a, nungak khempeuh in nang hong ngai hi.

Solomon la 2:3

Ka ngaihno tangval dang tawh teh lehang gamlak singkung lak a a om epel kung tawh kibang hi. Ama liimah ka tu nuam a, a gahte lim ka sa hi.

Isaiah 7:15

Amah in a hoih lote nialin a hoihte a teel theih hun ciangin bawngnawi thaukhal le khuaizu ne ding hi.

Mattiu 5:48

Tua ahih manin vantungah a om na Pa uh a cingtaak mah bangin note zong lungsim citakin na cingtaak nading uh na hanciam un.

ROM (Romans) 14:1

Upna neu mite pawlbawl unla, na ngaihsutna uh a kituah kei leh zong mawhsak kei un.

1 KORIN MASA 2:6

Ahi zongin kha thu lamah a khangham mite tungah pilna thu ka gen hi. Tua ka gen pilna pen tu-in a maimang kuankuanta ding hih leitung mite’ pilna le vangliatna thu hi lo hi.

Efesa 1:18

Note bang dingin hong sam a, a mite tungah a hong ciam thupha lamdangte bangzah takin lian a, thu um ahi eite sungah na a hong sem vangliatna bangzah takin lian ahi hiam, cih na muhtheih nadingun note’ lungsim mit hong vaksak nadingin thu ka na ngen hi. Eite sungah na a hong sem vangliatna pen sihna panin Khrih hingsakin, vantung gamah zong, ama taklamah a tutsak nadingin a zat vangliatna mah ahi hi.

Efesa 4:13

Tua hileh Pasian’ Tapa i theihna le i thu upna-ah kithukhatin, eite a khangcing suakin, Khrih’ cingtaakna ciang i banto ding hi.

Filippi 3:15

Kha thu-ah a khangham eite in hih bang lungsim pua ciat ni. Hih bang lungsim a nei lo i omkhak leh zong, Pasian in a kitel takin hong kilangsak ding hi.

1 THESALONIKA MASA 5:21

Thu khempeuh entel pha unla, a hoihte kemin,

1 TIMOTI MASA 4:7

Pasian’ thu tawh a kituak lo, a haihuai tangthu phuahtawmte ngaihsutin na nei vet kei in. Pasian’ deihna tawh a kituakin na nuntak zawh nadingin na kisin in.

Hebru 6:1

Tua ahih manin Khrih thu a kipat cilna lelte nusia-in a thuthuk zawte ngaihsutin nei ni. Bangmahin a kimang lo nasepnate nusiat ding, Pasian upna thu,

Jeim 3:2

Eite khempeuh a khialthei zelzelte vive ihi hi. Kampauna-ah a khial ngei lo mi a om leh a cingtaak mahmah hi a, a pumpi zong a ukzo mi ahi hi.