Hebru 5:12 - Tedim Bible

¹² Tu-in note pen midang a hilh dingin sia na suahtheih ding uh hun hikhin napi-in note mahmah pen Pasian’ thu a bulpite hilh ding na kisam lai uh hi. Antak nethei nai loin nawi bek a nethei lai na hi uh hi.

Tedim Bible Revision 2017

¹² Tu-in note pen midang a hilh dingin sia na suah theih ding uh hun hi khin napi-in note mahmah pen Pasianʼ thu a bulpite hilh ding na kisam lai uh hi. Antak ne thei nai loin nawi bek a ne thei lai na hi uh hi.

Hebru 5:12 Iomraidhean Croise

2 SAMUEL NIHNA 16:23

Tua hun lai-in Ahithofel’ thugente pen Pasian’ kammal mahmah bangin kingaihsun hi. Tua bangin David le Absalom in Ahithofel’ thugente a thupi ngaihsut uh ahi hi.

Ezra 7:10

Bang hang hiam cih leh Ezra in Topa’ thukham sinin zuih ding, le Israel mite a hilh dingin amah kipia hi.

Late 34:11

Tate aw, hong pai unla hong ngai un; Topa zahtakna thu ka hong hilh ding hi.

Isaiah 28:13

Tua ahih ciangin Topa in note tungah, mal khat khit mal khat, gual khat khit gual khat, thu khat khit thu khat, cih bangin hong hilh ding ahi hi. Tua ciangin na kalsuanna khempeuh uhah na puk ding uh a, note liamin, thangah awkin, salin hong kipaipih ding hi.

Isaiah 55:1

A dangtak mi peuhmah tui phualah hong pai un. An nei lote aw, hong pai unla hong ne un! Hong pai un; a man ding bangmah piak kul loin leenggahzu le bawngnawi na duh zahzah uh hong ne un.

Mattiu 17:17

Jesuh in, “Upna nei lo, a ngaihsun khial mite aw, note bang tanvei hong ompih ding a, bang tanvei hong kikholhpih ding ka hi hiam? A naupang hong paipih un,” a ci hi.

Marka 9:19

Jesuh in amaute kiangah, “Upna nei lo mite aw, note bang tanvei hong ompih ding a, bang tanvei hong kikholhpih ding ka hi hiam? A naupang hong paipih un,” a ci hi.

Sawltak 7:38

Amah pen Israel mite tawh gamlakah a om pa hi a, Sinai Mual tunga ama kiangah thu a gen vantungmi le i pute tawh a kikhawlpa ahi hi. Eite tungah hong gensawn dingin Pasian kiang panin a tul ngei lo thu a ngah ahi hi.

ROM (Romans) 3:2

Lam tampi-ah a phattuamna a om hi. A masa penin, Pasian in Jew mite tungah ama thute a gen hi.

1 KORIN MASA 14:19

Ahi ta zongin pawlpite’ biak kikhopna sungah pau lamdang kam tul sawm bang ka pau sangin midangte’ phattuam nadingin a theih ding uh kammal nga bek ka pauzaw ding hi.

1 KORIN MASA 14:20

Sanggamte aw, na thu ngaihsutnate uhah naupang bang kei un. Gitlohna lamah naupang bang unla, ahi zongin thu ngaihsutna-ah a khangham hi ta un.

Galati 4:3

Tua mah bangin eite zong kha thu-ah i neulai hun sungteng huihlak a uk vangneite’ khutnuai-ah a om ihi hi.

Filippi 3:1

A tawpna-ah, sanggamte aw, Topa in note tungah lungdamna hong tungsak tahen. Ka hong gelhsa thute ka hong gelhkik ding cimtakhuai ka sa kei a, note a dingin lungmuanhuai zaw lai hi.

Kolose 3:16

Khrih thu a cingtakin note lungsimah hong om hen la, pilna tawh khatlekhat thu kihilhin na kitai un. Pasian tungah lungdam kohna-in Thuciam Lui sunga late, la thakte, le biakna late na sa un.

Hebru 10:32

A beisa hun a note tungah thupiangte phawkkik un. Pasian’ khuavak sungah na om khit uh ciangin haksatna tampi thuak napi-in tuate na lel kei uh hi.

Hebru 5:11

Hih thu tawh kisai-in i gen ding tampi a om hangin note in thu thei hak mahmah na hih manun i gentel theih nading haksa hi.

Hebru 5:13

Nawi bek a ne laite pen naungek ahih manin a man le a man lo thu bangmah phawkthei nai lo uh hi.

Hebru 6:1

Tua ahih manin Khrih thu a kipat cilna lelte nusia-in a thuthuk zawte ngaihsutin nei ni. Bangmahin a kimang lo nasepnate nusiat ding, Pasian upna thu,

1 PETER MASA 2:2

Naungek suakcilte na bang unla, note khangto-in hotkhiatna na ngahtheih nadingun kha thu tawh kisai nawizu siangtho duh belin na nei tawntung un.

1 PETER MASA 4:11

Minthanna le vangliatna a nei tawntung Pasian in Jesuh Khrih hangin thu khempeuhah phatna a ngah theih nadingin thuhilhte in Pasian’ thu na hilh unla, na a semte in Pasian’ piak thahatna tawh na sem un. Amen.