Hebru 4:15 - Tedim Bible

¹⁵ Eite’ neih Siampi Lianpen pa in i ginat lohna-ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.

Tedim Bible Revision 2017

¹⁵ Eiteʼ neih Siampi Lianpen pa in i ginat lohna ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.

Hebru 4:15 Iomraidhean Croise

Paikhiatna 23:9

“Khualmi na nengniam kei ding uh hi. Khualmi’ lungsim na thei uh hi. Bang hang hiam cih leh note zong Egypt gamah khualmi na hi ngei uh hi.

Isaiah 53:9

Amah in mawhna bawl lo, zuau gen ngei lo napi-in, amaute in migilote tawh sihna a kibang, mihaute tawh hankhuk a kibang a bawlsak uh hi,” a ci uh hi.

Hosea 11:8

Israel mite aw, bangci-a hong nusia thei ding a, bangci-a hong paidak thei ding ka hi hiam? Admah khua ka suksiat bangin kong susia nuam kei a, Zeboiim khua ka bawl bangin kong bawl nuam kei hi. Note hong khasiat mahmah ka hih manin tua banga hih ding ka lungsimah om lo hi.

Mattiu 12:20

Amah in a zawngkhal mite dopbawl ding a, a cimawh mite tungah migi ding hi. Thuman thutang a gualzawhsak mateng khawl ngei lo ding hi.

Mattiu 4:1

Tua ciangin Dawimangpa’ ze-etna a thuak dingin Kha Siangtho in gamlakah Jesuh a paipih hi.

Luka 22:28

“Gimna ka thuak sung khempeuh note in kei nong ompih uh hi.

Luka 4:2

Dawimangpa in ni sawmli sung a ze-et hi. Tua hun sung Jesuh in bangmah ne lo a, tua ze-etna hun a bei ciangin a gil kial mahmah hi.

Johan 8:46

Note lakah kua in ka mawhna na hong lakthei uh hiam? Hong lak thei lo na hih manun thuman ka gen ciangin bang hangin hong um lo na hi uh hiam?

ROM (Romans) 8:3

Mihingte thahat lo ihih manin Thukham in ahih zawh loh thute Pasian in a hihzo hi. Mawhna a beisak theih nadingin mihingte sunga om mawhna tungah thu a khenna-in ama Tapa hong sawl a, amah pen mihingte’ mawhna lungsim mah a nei-in a hong pai hi.

2 KORIN NIHNA 5:21

Khrih tawh i kipawlna hangin eite zong Pasian tawh a kibangin midik i suahtheih nadingin mawhna a nei lo Khrih pen eite’ tang dingin Pasian in mawhnei mi a suaksak hi.

Hebru 4:14

Tua ahih manin eite in Pasian’ omna vantung a va tung khinsa, Siampi Lianpen ahi Pasian’ Tapa Jesuh neikhin ihih manin i sansa upna thu kiptakin len ni.

Hebru 5:2

Amah zong lam tampi-ah a ginalo thei mi mah ahih manin thu thei lo mite le a khial mite tungah lungnem takin na sem thei hi.

Hebru 7:26

Tua bangin a siangtho, paubaanna a nei lo, vantungah a lian penin a kikoih Siampi Lianpen Jesuh i neih a hoih mahmah ahi hi.

Hebru 9:28

mi tampite’ mawhna a thuak dingin Khrih zong khatvei bek a kipia hi. A nihveina hong kilatkik ciangin mawhna thu tawh kisai nasem ding hi nawn loin, lawptakin amah a ngak mite a honkhia ding ahi hi.

1 PETER MASA 2:22

Khialhna bangmah gamta lo a, zuau a gen lam zong kiza ngei lo hi.

1 JOHAN MASA 3:5

Khrih pen mawhna a nei het lo hi a, mite’ mawhna a lakhia dingin Khrih hong kilang ahihna thu na thei uh hi.