Hebru 4:12 - Tedim Bible

¹² Pasian’ thu nungta-in a gamtang hi a, langnih a hiam namsau sangin hiamzaw lai hi. Kha le lungsim, guh le taang kituahna, guh le guhngek dongin khenkhia thei hi. Mihingte’ lungsim ngimna le a ngaihsutnate zong theithei hi.

Tedim Bible Revision 2017

¹² Pasianʼ thu nungta-in a gamtang hi a, lang nih a hiam namsau sangin hiam zaw lai hi. Kha le lungsim, guh le taang kituahna, guh le guhngek dongin khen khia thei hi. Mihingteʼ lungsim ngimna le a ngaihsutnate zong theithei hi.

Hebru 4:12 Iomraidhean Croise

Late 110:2

Topa in Zion panin na kumpi ciangkhut hong puak hi. Na galte’ tungah uk in.

Late 119:130

Na thute gentelna in khua vaksak a, thu thei lote tungah thu theihtelna a guan hi.

Late 139:2

Nangmah in ka heksukna, ka hektohnate na thei hi. Nangmah in ka ngaihsutnate gamlapi pek panin na thei hi.

Late 149:6

Minam dangte tungah phu la-in gim a pia ding, a kumpite uh sikkhau tawh henin a miliante uh sikkol a bulh ding, a kigelhsa thukhenna bangin amaute tungah a semkhia dingin langnih a hiam namsau a tawi kawmun Pasian phatin awng ta uh hen. Hih pen Pasian’ mite’ gualzawhna ahi hi. Topa phat un.

Late 45:3

Vanglian kumpipa aw, na minthanna le na liatna tawh na namsau kuah in.

Paunak 5:4

a tawpna-ah lungkhamna le natna simloh nangma tungah bangmah dang hong guan lo hi.

Thuhilh-sia 12:11

Mipilte’ thugente pen tuucingte in tuu hawlna-in a zat ciangkhut hiam tawh kibang hi. Tua thute pen eite khempeuh tuucin bangin a hong Cing Pasian’ piak ahi hi.

Isaiah 11:4

Thumanna tawh mizawngte’ thu khenin, lungsim nem mite’ thu ahi bangin khensak ding hi. Ama kam panin a thupiakna tawh leitung mite gim kipia ding a, a muk panin a thugenna tawh migilote si ding uh hi.

Isaiah 49:2

Amah in ka thugente, namsau hiam bangsak a, ama khut tawh keimah hong hu hi. Amah in a kinawtngil thaltang bangin kei hong bawl a, a hiamsa-in zat pah dingin a thallawng sungah kei hong koih hi.

Isaiah 55:11

keima kam panin a paikhia ka thu zong tua mah bang ding hi. A hawmpi-in kei kiangah hong tungkik lo ding a, keima ngimnasa bangin tangtung sakin, amah ka sawlna thu tangtun ding hi.

Jeremiah 17:10

Keimah Topa in mi khempeuh’ nuntakzia le a gamtatna tawh kizui-in a piakhia dingin ngaihsutna ka entel a, lungsim ka sittel hi,” a ci hi.

Jeremiah 23:29

Ka kammal pen mei tawh ahi a, suangtum a satnenzo sek tawh ahi zongin kibang hi lo ahi hiam, Topa in kong ci hi.

Luka 8:11

Tua ciangin Jesuh in, “Thugentehna a khiatna pen hih bang ahi hi: Khaici pen Pasian’ thu hi.

Johan 12:48

Kei hong nialin ka thugen a sang lo mite in thukhen ding khat nei uh hi. Nitawp ni ciangin keima thugente pen amaute’ thukhen ding ahi hi.

Johan 6:51

Kei pen vantung panin a hong paisuk nuntakna an ka hi hi. Tua an a ne mi peuhmah nungta tawntung ding hi. Leitung mite a nuntak nadingin ka piak ding an pen keima sa ahi hi,” a ci hi.

Sawltak 2:37

Amaute in hih thu a zak uh ciangin a lungsim uh nakpitakin sukha a, Peter le sawltak dangte kiangah, “Sanggamte aw, bangci gamtat ding ka hi uh hiam?” ci-in a dong uh hi.

Sawltak 4:31

Tua bangin thu a nget khit uh ciangin amaute’ kikhopna mun hong kilinggawp hi. Amaute khempeuh Kha Siangtho tawh kidim uh a, hang takin Pasian’ thu gen ding a kipan uh hi.

Sawltak 5:33

Uliante in hih thu a zak uh ciangin heh mahmah uh ahih manin sawltakte thah dingin a ngaihsun uh hi.

Sawltak 7:38

Amah pen Israel mite tawh gamlakah a om pa hi a, Sinai Mual tunga ama kiangah thu a gen vantungmi le i pute tawh a kikhawlpa ahi hi. Eite tungah hong gensawn dingin Pasian kiang panin a tul ngei lo thu a ngah ahi hi.

ROM (Romans) 1:16

Lungdamna Thu ka muang mahmah hi. Tua thu pen a masa-in Jew mi, tua zomin minam dangte, thu um mi khempeuh a honkhiazo Pasian’ vangliatna ahi hi.

1 KORIN MASA 1:24

Ahi zongin Pasian in a hong sap ei Jew mite le Gentail mite a dingin Khrih pen Pasian’ vangliatna le Pasian’ pilna ahi hi.

2 KORIN NIHNA 2:17

Ahi zongin kote pen, van gina tum lo a zuak mite tawh a kibang ahi, Pasian’ thu a gen mawkmawk midangte bang ka hi kei uh a, Pasian in a nasem dingin kote hong sawl ahih manin Khrih nasem hihna tawh ama mai-ah lungsim takpi tawh thugente ka hi uh hi.

2 KORIN NIHNA 4:2

Ka thuhilhna uhah mite khembawl loin, Pasian thu zong a man lopi-in ka gen kei uh a, tua bang a zumhuai simtham tatnate ka zang hetkei uh hi. Pasian muhna-ah a langtangin thuman takin ka gamta uh a, mi khempeuh a lungkim theih nadingin ka hanciam uh hi.

Efesa 5:13

Na khat peuhpeuh khuavakah pusuah lehang a pianzia man taktak hong kilang hi.

Efesa 5:26

Pawlpi pen paubaanna a om het lo, a siangtho mahmahin Khrih kiangah a kipiak theih nadingin Pasian thu tawh tui-ah a silsiang khit ciangin Pasian kiangah a aptheih nadingin pawlpi a dingin Khrih a kipia ahi hi.

Efesa 6:17

Siklukhu khuk bangin hotkhiatna nei unla, Kha Siangtho in a hong piak Pasian’ thu pen namsau zat bangin na zang un.

1 THESALONIKA MASA 2:13

Note kiangah Pasian’ thu ka hong gen uh ciangin no thu um mite sungah ama thu tawh kisai-in Pasian in na hong sem ahih manin kote’ thugente pen Pasian’ thu taktak ahih mah bangin kote’ thugenna na zak uh ciangin mihing’ thu bangin ngaihsun loin Pasian’ thu taktak mahin hong sang na hih manun, hih thu hangin zong Pasian’ tungah ka lungdamna uh ka ko uh hi.

1 THESALONIKA MASA 5:23

Nopsakna a hong pia Pasian in na khempeuhah sianthona le kicinna hong pia hen la, na kha uh, na nuntakna uh, le na pumpi uh hoihtakin hong kem hen la, i Topa Jesuh Khrih hong pai ciangin mawhna khat zong a nei het lo dingin hong bawl tahen.

Hebru 13:7

Note tungah Pasian’ thu a hong gen, nidanga na makai masate uh phawk un. Amaute’ nuntakna le a sihna ziate uh ngaihsun unla, amaute’ upna bang na neih nadingun hanciam un.

Hebru 6:5

Pasian’ thu a hoihna phawk khinin, a hong tung ding vangliatna thu zong thei khin uh ahih manin,

Jeim 1:18

Ama piansakte khempeuh lakah eite a masa pen i suahtheih nadingin thuman thutak zangin ama utthu tawh eite a hong piangsak tawm ahi hi.

1 PETER MASA 1:23

A sithei nu le pate sung pan hi loin a sithei lo nu le pate sung panin a nungta tawntung Pasian’ thu tawh naungek bangin a suakkik na hi uh hi.

Mangmuhna 1:16

A taklam khutah aksi sagih tawi-in, a kam sung panin langnih a hiam namsau khat hong pusuak a, a maitang sun nitaang a bang hi.

Mangmuhna 19:15

Minam dangte a zawhgawp nading namsau hiam khat a kam sung panin a pusuak hi. Amah in sik ciangkhut tawh minam dangte ukin, a Vanglian Pasian’ heh mahmahna tawh leenggah cilna-ah leengtui a sukkhia ding hi.

Mangmuhna 19:21

Sakol tungah a tuang pa’ kam panin a hong pusuak namsau in amaute’ galkap khempeuh thatlum khin a, vasate khempeuh in a nekzawh zahzahun amaute’ sa a ne uh hi.

Mangmuhna 2:16

Tua ahih manin na mawhna panun kisikkik un. Na kisik kei uhleh note kiangah kei hong pai baihin, ka kam panin a pusuak namsau tawh amaute ka do ding hi.

Mangmuhna 2:23

Tua numei’ thu a zui mi khempeuh ka that ding hi. Tua hileh, mihingte’ ngaihsutna le lungsim a kantel pa ka hihna thu pawlpi khempeuh in thei ding uh hi. Note’ gamtatna ciat tawh kizui-in ka hong thukkik ding hi.

Mangmuhna 20:4

Tua ciangin tokhom tungah a tu mi pawlkhat ka mu a, tua mite tungah thukhen nading aana a kipia ahi hi. Jesuh thu a genna le Pasian thu hangin a kithat mite’ kha zong ka mu hi. Tua mite in ganhing ahi a, a lim ahi zongin bia lo uh hi; a taltang uhah ahi a, a khut tung uhah ahi zongin ganhing ciaptehna nei lo uh hi. Amaute hong hingkik uh a, Khrih tawh kum tulkhat sung ukna aana a neikhawm uh hi.

Thukhente 3:16

Ehud in ama a dingin langnih a hiam, pi khat le alang a sau namsau khat bawl a, a puannuai a taklam phei tungah tua namsau a khih hi.