Hebru 4:11 - Tedim Bible

¹¹ Tua ahih manin amaute in a uploh manun Pasian’ tawlngakna munah a lut zawh loh uh bang hi loin va pai-in Pasian tawh i tawlngak khawm theih nadingin hanciam ciat ni.

Tedim Bible Revision 2017

¹¹ Tua ahih manin amaute in a up loh manun Pasianʼ tawlngakna munah a lut zawh loh uh bang hi loin va pai-in Pasian tawh i tawlngak khawm theih nadingin hanciam ciat ni.

Hebru 4:11 Iomraidhean Croise

Mattiu 11:12

Tuiphumpa Johan’ thuhilh hun a kipan tu ciang dong, mite in vantung ki-ukna thu hong kituhteh gawp uh a, thahatthu hong ciam uh hi.

Mattiu 7:13

“Kong kawcik bek tawnin lut un. Hell khuk tun nading kongvang pen lianin a lampi baih a, mi tampi in a zui uh hi.

Luka 13:24

Jesuh in amaute kiangah, “Kong kawcik tawnin na lut nadingun hanciam un. Note kiangah kong genin-ah, mi tampi tak in lut ding a hanciam uh hangin lut zo lo ding uh hi.

Luka 16:16

“Tuiphumpa Johan’ hun ciang dong Moses Thukham le kamsangte’ thugente pen zuih belin kinei a, ahi zongin Pasian’ Ukna hangin Lungdamna Thu a kihilh hun a kipanin hih thu-ah mi khempeuh hong kituhteh uh hi.

Johan 6:27

A ningthei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong sehsa ahih manin keimah in note tungah nuntak tawntungna an ka hong pia ding hi,” ci-in a dawng hi.

Sawltak 26:19

“Tua bang hi a, kumpi Agrippa aw, ka maangmuhna sunga vantung pana hong pai pa’ thugen ka mang hi.

Efesa 2:2

Tuahun lai-in leitung gitloh gamtatnate na zui uh a, Pasian thu a um lo mite sungah tu laitakin na a sem, huihlak a ukte’ thu na mang uh hi.

Efesa 5:6

Hih bang mawhnate i bawl hangin phamawh kei, ci-in a mawk gen mite’ khemsa-in ta kei un. Pasian thu mang loin hih bangin a gamta mite in Pasian’ hehna a thuak ding uh ahi hi.

Filippi 2:12

Tua ahih ciangin ka hong it sanggamte aw, note tawh ka hong omkhawm lai-in ka thu na hong man’ tawntung uh mah bangin, tu-in note tawh ka hong omkhawm loh hun ciangin zong ka thu na hong man’ ding uh thupizaw lai hi. Pasian kihtakna le zahtakna tawh na maa uh nawt unla, amah in note hong hotkhiatna thu a cingtaak suaksak un.

Kolose 3:6

Ama thu a mang lo mite tungah hih bang gamtatna hangin Pasian’ hehna hong tung ding hi.

Titu 1:16

Pasian a thei-in a kigen uh hangin a gamtatnate uh tawh kilehbulh hi. Amaute a muhthadahhuai, a thumang lo, na hoih sem dingin a kilawmna a om lo mite ahi uh hi.

Titu 3:3

Bang hang hiam cih leh eite zong nidangin haitatin, thumang loin, vakvai-in, duhna deihna a tuamtuamte thuaklahin, thusia le enna lungsim tawh a gamtate, mite in hong mudahin, eite khatlekhat zong a kimudah ngeite ihi hi.

Hebru 3:12

Sanggamte aw, a nungta Pasian kiang panin a paikhia zah dingin thu um lo, a gilo na omkhak loh nadingun na kingaihsun un.

Hebru 3:18

Thupi takin Pasian kiciamin, “Ka tawlngakna munah hong pai-in, kei tawh tawlnga ngei lo ding uh hi,” a cih ciangin kuate a cih nopna ahi hiam? Amah a lehdote a cihna ahi hi.

Hebru 4:6

Lungdamna Thu a za masate in um lo uh ahih manin Pasian tawh va tawlnga khawm thei lo uh hi. Tua ahih manin va pai-in Pasian tawh a tawlnga khawm ding mi pawlkhat omlai hi.

Hebru 6:11

Note khat ciat’ lametna thu hong tun taktak theih nadingin a tawp dongin lawpin na thanop paisuak nading uh ka hong deihsak pha uh hi.

Joshua 7:3

Amaute Joshua kiangah hong ciahkikin ama kiangah, “Mi khempeuh kuantosak kei inla, mi tulnih ahi a, tulthum ahi zongin kuantosakin Ai khua simsak in. Amaute mi tawmno khat ahih manin tua lai-ah mi khempeuh gimtosak kei in,” a ci uh hi.

2 PETER NIHNA 2:6

Pasian in Sodom le Gomorrah khuapite tungah thu khenin mei tawh haltum a, Pasian a um lo mite’ thuak nading limin a bawl hi.