Hebru 3:5 - Tedim Bible

⁵ Moses pen nasem khat hihna tawh Pasian’ inn sungah thu khempeuhah citak a, mailam hunah Pasian in a gen ding thute a gen hi.

Tedim Bible Revision 2017

⁵ Moses pen nasem khat hihna tawh Pasianʼ inn sungah thu khempeuh ah citak a, mailam hunah Pasian in a gen ding thute a gen hi.

Hebru 3:5 Iomraidhean Croise

Nehemiah 9:14

na nasempa Moses tungtawnin amaute tungah na Sabbath siangtho na theisak a, thupiaknate, ngeinate, le thukhamte na pia hi.

Late 105:26

Amah in, ama nasem Moses le ama teelsa Aaron a sawl hi.

Paikhiatna 14:31

Israel mite in Egypt mite’ tungah Topa’ bawl nasepna lianpi mu uh a, mite in Topa a zahtak uh hi. Amaute in Topa le ama nasem Moses a um uh hi.

Paikhiatna 40:16

Moses in zong Topa in amah a thupiaksa khempeuh tawh kituakin a hih hi.

Gamlak-vakna 12:7

Ka nasempa Moses tawh tua bang hi lo hi; ka innsung thu khempeuh amah ki-ap hi.

Mattiu 24:45

“A pil a citak nasem i cih a bangcite ahi hiam? A naseppih dangte ukin a hun manmanin amaute’ nekzah ding ciat an a pia dingin a topa in a seh a nasempa ahi hi.

Mattiu 25:21

a topa in, ‘Hoih mahmah hi; a hoih a citak nasempa aw, a tawmno na zekna-ah siam na hih manin a tampi tak ka hong zeksak ding hi. Hong pai in; kei tawh nuamsa khawm ni,’ a ci hi.

Luka 12:42

Topa in, “A pil a citak nasempa i cih a bangcite ahi hiam? A naseppih dangte ukin a hun manmanin amaute’ nekzah ding ciat a pia dingin a topa in a seh nasempa ahi hi.

Luka 24:27

Tua ciangin Jesuh in Lai Siangtho sungah ama thu a kigennate khempeuh, Moses laibu a kipanin kamsangte’ laibu khempeuh a khiatna a gen hi.

Luka 24:44

Tua ciangin Jesuh in amaute kiangah, “Tu-a thupiang khempeuh pen note tawh kong omkhawm lai-a ka gengen thute mah ahi hi. Moses Thukham laibu sung, kamsangte laibu sung le Late sungah a kigelh thu khempeuh a tung ding ahi hi,” a ci hi.

Johan 5:39

Nuntak tawntung ngahtheih nading lametna tawh Lai Siangtho sung na lim sim mahmah uh a, tua na sim uh Lai Siangtho in keima thu mah genin teci pang napi-in,

Sawltak 28:23

Tua ahih manin Paul tawh a kimuh nading uh a ni khat seh uh a, tua a kiciam ni-un Paul a zintunna munah Jew mite tampi tak a kikhawm uh hi. Paul in zingsang a kipan nitak dongin amaute tungah Pasian’ Ukna thu gentel a, Jesuh’ thu man hi, ci-in a uptheih nadingun Moses Thukham le kamsangte’ laigelhte siksanin a gen hi.

Sawltak 7:37

Hih Moses pen Israel mite tungah, ‘Pasian in kei hong sawl mah bangin, i mipihte sung mah panin note a’ ding kamsang khat hong sawl ding hi,’ a ci pa ahi hi.

ROM (Romans) 3:21

Ahi zongin tu-in thukham zuihna hang hi loin thudang khat hangin Pasian tawh kipawl theih nading lampi hong kilangzo a, Thukham le kamsangte in zong hih thu-ah teci a pang uh hi.

1 KORIN MASA 4:2

Nasem i cih mite pen a topa uh tungah citakin a thuman ding uh kisam hi.

Thu-hilhkikna 3:24

‘Topa Pasian aw, na liatna le na thahatnate na nasempa’ tungah lah ding a hong kipan pan bek na hi hi; bang hang hiam cih leh vantung hitaleh leitungah hitaleh nangma hih bangin tua bang nasep leh a vanglian gamtatna a hih thei bang pasian om ahi hiam?

Thu-hilhkikna 34:5

Tua ahih ciangin Topa’ thugenna bangin Topa’ nasem Moses pen Moab gamah si a,

1 TIMOTI MASA 1:12

Hih bangin na sepzawh nadingin thatang hatna a hong pia i Topa Khrih Jesuh tungah ka lungdam hi. Ama nasem dingin kei hong muangin hong seh ahih manin ka nuam hi.

Hebru 1:1

A beisa hunah Pasian in kamsangte zangin i pupite tungah a lam tuamtuam tawh a khen khenin thu na gen ngeizo hi.

Hebru 3:2

Pasian’ inn sungah na a sepna-ah Moses a cihtak mah bangin hih siampi nasep a sem dingin a seh Pasian’ tungah Jesuh a citak hi.

Hebru 3:4

Inn khempeuh a lam na om ciat sam a, ahi zongin na khempeuh a piangsak pa pen Pasian ahi hi.

Hebru 8:5

Leitung a siampite’ sepsepte pen vantungah a om thu, a limin a sem uh ahi hi. Bang hang hiam cih leh Moses in Puanbuk lam ding a kipat ciangin Pasian in, “Mual tungah i om lai-in a lim ding khempeuh kong lah bang teekteekin a kihih nadingin na thei in,” na ci hi.

Hebru 9:24

Tua ahih manin a lim ahi mihingte’ bawl Siangtho Mun sungah Jesuh pai lo a, vantung mahmahah va pai-in Pasian’ omna-ah eite’ tangin tu-in amah a va kilaak ahi hi.

Joshua 1:15

note hong piak bangin Topa in na sanggamte uh tungah tawlngakna pia-in, Topa na Pasian un amaute a piak leitang amaute in zong a luah mateng uh na huh ding uh hi. Tua ciangin note’ neih leitangah ciahkikin, Topa’ nasem Moses in Jordan gal ni a suahna lamah note hong piak leitang na luah ding uh hi,” a ci hi.

Joshua 1:2

“Ka nasempa Moses si ta ahih ciangin tu-in ding inla, nang le hih mite khempeuh, hih Jordan kantanin Israel mite tungah ka piak gam sungah pai un.

Joshua 1:7

Thahatin hang inla, ka nasem Moses in nang hong piak thukhamte khempeuh tawh kizui-in na gamtat ding limtakin ngaihsun in. Na paina peuhah hoihtakin na lamzan’ theih nadingin tuate khat zong pelh kei in.

Joshua 8:33

Tua ciangin Israel mite in thupha a ngah theih nadingun Topa’ nasem Moses in a thupiaksa bangin Israel mite khempeuh peemta hitaleh tualsuak hitaleh, a upate le a uliante le a thukhente uh tawh, Topa’ Thuciamna Singkuang a pua Levi siampite’ mai, Thuciamna Singkuang langkhat, Gerizim Mual mai lamah mi alang, Ebal Mual mai lamah mi alang a ding uh hi.

Mangmuhna 15:3

Amaute in Pasian’ nasem Moses la le Tuuno la sa uh a, “A Vanglian Topa Pasian aw, na nasepnate lamdangin lian mahmah hi. Khang tawntung a Kumpipa aw, na nasepnate-ah thumanin na thutang hi.