Hebru 3:2 - Tedim Bible

² Pasian’ inn sungah na a sepna-ah Moses a cihtak mah bangin hih siampi nasep a sem dingin a seh Pasian’ tungah Jesuh a citak hi.

Tedim Bible Revision 2017

² Pasianʼ inn sungah na a sepna ah Moses a cihtak mah bangin hih siampi nasep a sem dingin a seh Pasianʼ tungah Jesu a citak hi.

Hebru 3:2 Iomraidhean Croise

Paikhiatna 40:16

Moses in zong Topa in amah a thupiaksa khempeuh tawh kituakin a hih hi.

Gamlak-vakna 12:7

Ka nasempa Moses tawh tua bang hi lo hi; ka innsung thu khempeuh amah ki-ap hi.

Johan 15:10

Ka Pa’ hong thupiakte zui-in ama itna sungah ka om mah bangin note in zong ka thupiaknate na hong zuih uhleh ka itna sungah a om na hi ding uh hi.

Johan 17:4

Nangmah in sep dingin na hong piak nasep khempeuh sem khinta ka hih manin leitungah na min a thangsak ka hi hi.

Johan 7:18

Amau’ thu bek tawh thu a gente in amau’ minthan nading a zong hi a, ahi zongin a hong sawl pa’ minthan nading a zong keimah in thuman thutak gen ka hih manin zuauthu kihel lo hi.

Johan 8:29

Kei a hong sawl pa’ lungkimna bang bekin gamta tawntung ka hih manin amah in kei guak hong nusia loin, hong ompih tawntung hi,” a ci hi.

Efesa 2:22

Note zong midangte tawh kigawmin ama tungah na kilam uh a, Kha Siangtho-in Pasian a ten nading inn na suak uh hi.

Thu-hilhkikna 4:5

“En un, note in a luah dingin na lutna uh gam sungah na zuih dingun Topa ka Pasian in kei hong thupiak bangin thukhamte le ngeina kipte kong hilh khinzo hi.

1 TIMOTI MASA 1:12

Hih bangin na sepzawh nadingin thatang hatna a hong pia i Topa Khrih Jesuh tungah ka lungdam hi. Ama nasem dingin kei hong muangin hong seh ahih manin ka nuam hi.

1 TIMOTI MASA 3:15

Ahi zongin ka hong zekai khak zenzen leh thuman thutak khuampi le bulpi, a nungta Pasian’ pawlpi ahi Pasian’ innkuan sungah bangci gamtat ding cih na theih nadingin hih ka hong laikhak in lam hong lak ding hi.

Hebru 2:17

Tua ahih manin mihingte’ mawhna a kimaisak theih nadingin Pasian’ na a sepna-ah mite a dingin hehpihna le cihtakna tawh Siampi Lianpen a suahtheih nadingin a sanggamte tawh a kibangin mihing lim a hong puak ding a kisam ahi hi.

1 SAMUEL MASA 12:6

Tua ciangin Samuel in mite kiangah, “Moses le Aaron teelin Egypt gam panin na pu na pate uh a paikhiatpih Topa, teci ahi hi.